საბერძნეთის კუნძულები - სანტორინი

რა უნდა მოვინახულოთ საბერძნეთში, თუ არა მისი პატარ-პატარა, ლურჯ სივრცეში გაბნეული კუნძულები? ათენის და მეტეორას მონახულების მერე ტურისტების უმეტესობა სანტორინის მიაშურებს ხოლმე - ფილმებში და ბროშურებში ყველაზე კარგად რეკლამირებულ ადგილს. სანტორინიზე იპოვით წითელ კლდეებს, შავ პლაჟებს, თეთრ ქარის წისქვილებს, ლურჯ ზღვას და საუკეთესო განწყობას - იმას, რაც სანტორინის საბერძნეთის სავიზიტო ბარათად აქცევს.

საინტერესო ფაქტები სანტორინის შესახებ:

სანტორინის კუნძული ყოფილი ვულკანია, რომელმაც, როგორც ფიქრობენ კრეტაზე არსებული მინოსის ცივილიზაცია დაასამარა
ვულკანური წარსულის გამო აქ შეხვდებით თეთრ, შავ და წითელქვიშიან პლაჟებს
სანამ სანტორინი ეწოდებოდა, კუნძულს კალისტე ერქვა, რაც "ყველაზე ლამაზ"-ს ნიშნავს
მიუხედავად მშრალი და ცხელი კლიმატისა, აქ ვაზის და ღვინის კულტურა ფართოდაა გავრცელებული

რა ვაკეთოთ სანტორინიზე?

ყველაზე მარტივი კომფორტული და ლამაზხედიანი ტერასის მოძებნა და აქვე დარჩენაა. ღვინის წრუპვა, გემრიელი სალათა ჩერი პომიდორებით და ზეთისხილით, მზის ჩასვლის ხედები... მაგრამ იმ შემთხვევაში თუ აქტიური ცხოვრება გიზიდავთ, სანტორინი ბევრ სიურპრიზებს გთავაზობთ: შოპინგი ფირაში ფირა სანტორინის დედაქალაქია. ეს ის ადგილია, სადაც საკრუიზე გემების უმეტესობა ჩერდება. აქ უამრავი დიდი და პატარა სასტუმროა და შოპინგისთვის საუკეთესო ადგილს წარმოადგენს. იმ შემთხვევაში თუ საინტერესო სუვენირებს, ხელოვნების ნიმუშებს ან სამკაულებს ეძებთ, აუცილებლად უნდა გაისეირნოთ ფირას ვიწრო ქუჩებში

სანახაობრივი ტური ოიაში სანტორინის პატარა სოფელი, სადაც იპოვით წითელ კლდეებს და იმ ლურჯსახურავიან თეთრ ეკლესიებს, ასე რომ მოგვწონს ღია ბარათებზე. მის სანახავად სულ რამოდენიმე საათია საკმარისი - ფირადან შეგიძლიათ ავტობუსს გაყვეთ, უმჯობესია საღამოს საათებში- საკრუიზო გემების და ზღვის ჩასვლის ულამაზესი ხედების გადასაღებად. მზის ჩასვლით ტკბობა როგორც უკვე აღვნიშნეთ - ოიადან მზის ჩასვლის ყურება აუცილებელი სანახაობების სიაში შედის. ნავით ღია ზღვაში გასვლა ამ სანხაობას კიდევ უფრო ლამაზს ხდის

Fish Spa თუ არასოდეს გიცდიათ, სანტორინი ის ადგილია, სადაც პატარა თევზებს შანსი უნდამისცეთ. ფირაში უამრავი Fish Spa-ა. დაჯექით სავარძელში, მოდუნდით, და მიეცით თევზებს თქვენი გალამაზების საშუალება. დამერწმუნეთ, ასეთი მხიარული გასართობი აქ სხვაგან არ შეგხვდებათ

გასეირნება სახედარით ბერძნულ ფილმებში ნანახი კადრები სანტორინიზე რეალობა ხდება. სპეციალურად მათთვის განკუთვნილ ბილიკებს ფირაშიც და ოიაშიც შეხვდებით. ციცაბო ბილიკების დასასრულს შეგიძლიათ სანტორინის კალდერას ხედებით დატკბეთ. ასეთი სეირნობისას უმჯობესია, თუ კაბას სახლში დავტოვებთ.

პლაჟები სანტორინიზე უამრავი ფერადი პლაჟია, მათ შორის Perissa Beach, კრისტალურად სუფთა წყლით და შავი ქვიშით. 5 ევროდ 2 შეზლონგს და პლაჟის ქოლგას მიიღებთ, აქვეა რესტორნები და ბუნგალოებიც. სხვა პოპულარული პლაჟებია Kamari Beach, Monolithos Beach (საუკეთესოა ბავშვებით მოგზაურობისას) და Red Beach (იზოილირებული, წიტელქვიშიანი პლაჟი, სად მოსახვედრადაც პატარა ლასქრობაა მოსაწყობი) დიდი რაოდენობის ტურისტები - სანტორინი ძალიან პოპულარულია და შესაბამისად, აქ ტურისტების დიდი ჯგუფები ყოველ კუთხეში შეგხვდებათ. თუ საკრუიზო გემების მგზავრებს გინდათ ტავი აარიდოთ, მოინახულეთ ფირა დილით ან სარამოს. თუ ოიაში გინდათ წასვლა, ჯობია შუადღეს ესტუმროთ - ხალხი ნაკლებია და გადასაღებადაც ძალიან ლამაზი.