19 November 2017
  • 4960 ნახვა

ცავატ ტანემ, ერევან!

ქვეყნები არასდროს არ ჰგვანან ერთმანეთს. ყველა მათგანს თავისი განსაკუთრებული ხიბლი აქვს. აი, სომხეთი, მაგალითად, ჟანგისფერია, ვარდების სურნელი აქვს და მის საუნდტრეკად რომელიმე კომპოზიციას ავარჩევდი ფილმიდან ”არიზონას ოცნება”.
სომხეთი, ერევანი
ავლაბარში თუ მოხვდებით, ერევნის მიკროავტობუსში ჩაჯდებით და მის ნახვას გადაწყვეტთ, ჩემს გამოცდილებას გაგიზიარებთ...

თბილისიდან ექვსსაათიანი ჯაყჯაყის შემდეგ სომხურ გზებზე წინ მაღალი შენობები და ფერადი, ღია ბარები გამოჩნდა ეს ერევანია. კონტრასტების ქალაქი ცივი, ამაყი, სავსე უამრავი მდიდარი და უგემოვნო ადამიანით, ძალიან ცოტა ღიმილიანი სახით, ბევრი ტიტით და ფერადი, სურნელოვანი ვარდებით სავსე ქუჩებით, საოცრად მოწესრიგებული, სუფთა ინფრასტრუქტურით.

ყველაზე საინტერესო ადგილობრივი კაფეები და მუზეუმების კასკადია, თანამედროვე ხელოვნების ნამდვილი განძი კავკასიაში,რომელიც აუცილებლად უნდა ნახოთ. ქალაქის სრულად დათვარიელებისათვის და ქალაქგარე ექსკურსიისათვის ხუთი დღე საკმარისია. კაფეებში ვიზიტი ძვირი სიამოვნებაა, თუმცა ადგილობრივი დელიკატესების დაგემოვნება ნამდვილად ღირს. საკმაოდ ძვირია სუვენირებიც. ამიტომ, თუ დაბალი ბიუჯეტით აპირებთ ეწვიოთ ერევანს, უბრალოდ ადექით და ღამის ქალაქის ხედებით დატკბით. 

შეგიძლიათ, ექსკურსია დედაქალაქის ცენტრალური ადგილით დაიწყოთ. აქ მოცეკვავე და მომღერალი შადრევნები, ისტორიის მუზეუმი და ეროვნული გალერეა დაგხვდებათ. 
ერევანი, სომხეთიმოედნიდან აბოვიანის ქუჩაზე შევუხვიე. აბოვიანი ძველი ერევნის სახეა, ვარდისფერი ტუფით მოპირკეთებული შენობებით, ნაციონალური სუვენიერების მაღაზიებით სავსე. ჩრდილოეთ პროსპექტი ახალი ერევნის სახეა. შავტუხა სომეხი გოგონები, ეშხით სავსენი აქ მომავალ საქმროებს არჩევენ. ან საქმროები ეძებენ საცოლეს. ქუჩებში ფერადი ვარდების ჯიხურების წინ, სომხურ სასიყვარულო ისტორიებს მოჰკრავთ თვალს. 

სომხეთში ვიზიტის ყველაზე მნიშვნელოვანი ნაწილი ექსკურსიაა სომხეთის გულში _ ყველაზე საინტერესო ტაძრებსა და სასახლეებში, გარნის წარმართული ტაძარი, რომლითაც სომხები ძალიან ამაყობენ, აუცილებლად სანახავი ადგილია. ‘’მეტყველი ქვების მიწა’’ ასე უწოდა ნონამ, ჩემმა ნაცნობმა სომეხმა გარნის. ტაძრის წინ ადგილობრივი დელიკატესების ყიდვაც შეგიძლიათ. თუ შეიძლება ქართულ ჩურჩხელას, ტყლაპს და ფელამუშს ასე ვუწოდოთ. მაღალი, გამხდარი, კუშტი სომეხი ბებოები ღიმილით გარწმუნებენ, რომ ჩურჩხელას სხვაგან ვერსად ვერასოდეს გასინჯავთ და როდესაც ხვდებიან, რომ ქართველი ხარ ტრადიციულ სომხურ ფრაზას გესვრიან : 'ქართველებმა ჩვენგან ისწავლეს , თორემ...'
სომხეთისომხეთიერევანში ჩემი ვიზიტის ყველაზე ამაღელვებელი ნაწილი ვაღარშაპატში მოსმენილი სააღდგომო ლიტურღია გახლდათ. 
გულწრფელად გეტყვით, არასოდეს მიგრძვნია თავი ასე ახლოს ღმერთთან და ამავდროულად ასე შორს. ათასი სანთლით განათებულ ტაძარში შიფონის, თეთრი კაბებით , ანგელოზებივით ჩუმად დაფარატებდნენ პატარა გოგონები. ზიარებისთვის თავდახრილი მორწმუნენი საკურთხეველთან ელოდებოდნენ სააღდგომო მადლის გადმოსვლას. 
 აღდგომის მეორე დღეს დავტოვე ჟანგისფერი, უღიმილო სომხეთი. დავტოვე ქალაქი, რომელიც ერთდროულად , გაყვარებს კიდეც თავს და  საოცარ სევდასაც გიტოვებს გულში. დაახლოებით ისეთს, როგორიც სომხური სიმღერებია. არარატის დაკარგვით გამოწვეული ტკივილი, ყველა სომეხს სახეზე რომ აწერია,  თითქოს შენც მოგყვება, სულში გიძვრება და გაფიქრებს იმაზე, რომ ჩვენ, თარგამოსის შვილები, ყველანი ერთ ბედ ქვეშა ვართ... 


მსგავსი
26 June 2018

საქართველოს ულამაზესი ხედები

მაღალი მთები, მდინარეები, მწვანე მინდვრები, სუფთა ტბები, ფირუზისფერი ზღვა, მინერალური წყლები, ჩანჩქერები, კანიონები (მარტვილი დ...

26 June 2018

ევროპის ქვეყნები, სადაც მოგზაურობა მცირე ბიუჯეტითაც შეიძლება

მოგზაურობისას ყოველთვის ვცდილობთ შევარჩიოთ ისეთი ქვეყნები, სადაც ვიხილავთ შთამბეჭდავ პეიზაჟებს, ლამაზ სანაპიროებს, აღმოვაჩ...

21 June 2018

10 ტბა საქართველოში, რომელიც აუცილებლად უნდა მოინახულოთ

საქართველოში უამრავი ლამაზი ტბა მდებარეობს, მათ შორის ლისის, ყვარლის, ილიას და ბაზალეთის ტბები, რომლებიც კარგადაა ნაცნობი ...

15 June 2018

10 ულამაზესი ჩანჩქერი საქართველოში, რომელიც აუცილებლად უნდა მოინახულოთ

ზაფხულის დადგომასთან ერთად სულ უფრო აქტუალური ხდება მოგზაურობა და დასვენება ისეთ ადგილებში, სადაც სიცხეს და ქალაქის ხმაურს გაექ...

20 June 2018

მსოფლიოს ყველაზე ელეგანტური ქალაქები

თუ სილამაზის, ელეგანტურობის  და დახვეწილი არქიტექტურის საძიებლად მოგზაურობთ, წარმოგიდგენთ მსოფლიოს ყველაზე ელეგანტურ ქალაქ...

12 June 2018

ვენეცია - რომანტიკული დასვენება წყვილებს

იტალიის ფასდაუდებელი საგანძური, ევროპის და მსოფლიოს ერთ-ერთი ყველაზე რომანტიკული ადგილი, ხიდების ქალაქი - ასე უწოდებენ ვენეციას...

19 June 2018

ადგილები, რომლებიც საჰაერო ბურთიდან უნდა იხილოთ

არსებობს ტურისტული დანიშნულების ადგილები, რომელთა სილამაზეც საჰაერო ბურთიდან უნდა იხილოთ, ეს დაუვიწყარი ემოციებით და შთაბეჭდილე...

06 June 2018

აღმოაჩინეთ როდოსი

როდოსი ყველაზე დიდი კუნძულია დოდეკანის კუნძულებიდან. ის ხშირად ყველაზე სასურველი საზაფხულო დასვენების ადგილია საბერძნეთში,...

11 June 2018

კრეტა - შვებულება, რომელიც არასოდეს დაგავიწყდებათ

რის გამო უნდა ეწვიოთ კრეტას? კრეტა საბერძნეთის ყველაზე დიდი კუნძულია, მას სამი ზღვა ესაზღვრება: იონის, ლიბიის და ეგეო...

01 June 2018

ბუქარესტი - რუმინეთის კულტურული ცენტრი

ბუქარესტი რუმინეთის დედაქალაქი და მისი კულტურული ცენტრია. მისი მრავალსაუკუნოვანი ისტორია და უჩვეულო ღირსშესანიშნაობები მრავალ ტ...