მსოფლიო
17 აპრილი 2018
21216
გაზიარება
აზიის ეგზოტიკური კურორტები - ნაწილი 3
თუ სილამაზის, სიახლის და ახალი შეგრძნებების მოყვარული ხართ, მაშინ წარმოგიდგენთ აზიაში მდებარე კურორტებს და სასტუმროებს, რომლებიც წარუშლელ შთაბეჭდილებებს და მოგონებებს მქნიან.
Sofitel so Bangkok
Sofitel so Bangkok-ს სასტუმროების დიზაინი და არქიტექტურა ახალ დონეზე აყავს. სასტუმროს დიზაინზე ტაილანდელი და უცხოელი დიზაინერები და მხატვრები მუშაობდნენ. სასტუმრო ურბანული, მდიდრული და დახვეწილი სტილისაა. პერსონალის უნიფორმა, ფრანგმა მოდის გურუმ კრისტიან ლაკრუამ შექმნა. რატომ უნდა ესტუმროთ Sofitel so Bangkok-ს ?
ყოველი დღე ახალ ოთახში - ოთახების კონცეფცია და დიზაინი ბუნების 4 განსხვავებულ ელემენტს ეფუძნება: მეტალი, ხე, მიწა, წყალი. ელემენტების კონცეფცია უნიკალურია და სხვადასხვა დიზაინერების მიერაა შექმნილი. სურვილისამებრ სტუმრებს შეუძლიათ ოთახების შეცვლა და სხვა ელემენტის არჩევა ყოველ ღამე.
აუზი - სასტუმროში მდებარეობს ერთ-ერთი ყველაზე დიდი აუზი ბანკოკში, რომელიც ცნობილია ხედით და აქტიური წვეულებებით.
So Spa - ფანტასტიკური ხის ოაზისი, სადაც სტუმრები რეალურად განიტვირთებიან. ძირითადი მოვლის საშუალებებია: ზეთოვანი მასაჟი, ტანის სკრაბი, საუნის და ორთქლის აბაზანები. იქვეა „ძილის ოთახი“, ადრე მოსული სტუმრებისთვის, რომლებსაც მასაჟამდე დასვენება და განტვირთვა სურთ.
კრისტიან ლაკრუას დიზაინით შექმნილი Executive Lounge
კრისტიან ლაკრუას დიზაინით შექმნილი Executive Lounge - ში ერთმანეთს ერწყმის ტაილანდური ელემენტები და პარიზული შიკი. ის 25-ე სართულზეა განლაგებული. აქ შეგიძლიათ ისიამოვნოთ ტრადიციული სამზარეულოთი როგორც შენობაში, ასევე კერძო აივანზე.
Choco Lab
Choco Lab-ი პირველ სართულზე განლაგებული შოკოლადის ლაბორატორიაა, სადაც შოკოლადის ოსტატები, დელიკატესებს ამზადებენ. სურვილის ქონის შემთხვევაში სტუმრებს შეუძლიათ დაჯავშნონ ადგილი ლაბორატორიაში და მონაწილეობა მიიღონ მზადების პროცესში. 
ცნობილი მზარეულების რესტორნები
სასტუმროში განლაგებულია ცნობილი შეფ-მზარეულების რესტორნები, რომლებიც გემრიელი კერძებით, ლამაზი და დახვეწილი დიზაინით გამოირჩევიან.
Hanging gardens of bali
Hanging gardens of bali ( ბალის დაკიდებული ბაღები)-ის მშენებლობის თავდაპირველი მიზანი მდგომარეობდა იმაში, რომ ბალინეზიურ ჯუნგლებში აშენებულიყო მაგიური კურორტი, რომელიც სტუმრებს შთამბეჭდავ და ტროპიკულ გამოცდილებას შესთავაზებდა.
ბალის დაკიდებული ბაღები, შუაგლ ჯუნგლებში მდებარეობს და მდ. აიუნგს და Dalem Segara ტაძარს გადაჰყურებს. კურორტი მოიცავს 44 ვილას, რომლებსაც საკუთარი აუზი აქვთ, სპა-ცენტრს და რესტორანს. აქ ბევრ განსხვავებულ გამოცდილებას მიიღებთ.
თითოეული ვილა ტრადიციული Alang Alang-ითაა გადახურული და ბუნებასთან სრულ ჰარმონიაში იმყოფება. ბაღში შეგიძლიათ იხილოთ ადგილობრივი ფლორა და ფაუნა, ისეთი როგორიცაა კაკაოს, ყავის, ბამბუკის ხეები და ოქრიდეები, რომლებიც ერთიანობაში ტროპიკულ სამოთხეს ქმნიან.
კურორტის სპა ცენტრი აერთიანებს ბუნებრივ, ადგილობრივ ინგრედიენტებს, ძველი ტექნოლოგიების მიხედვით შემუშავებულ კოსმეტიკურ და გამაჯანსაღებელ პროცედურებს და იოგას.
სასტუმროს რესტორანში შეგიძლიათ დააგემოვნოთ ადგილობრივი სუნელებით და მწვანილებით დამზადებული, დახვეწილი აზიური, ხმელთაშუაზღვის, და ფრანგული კერძები.
საცურაო აუზი ტროპიკულ ტყეს გადაჰყურებს და ხეებზე ტივტივის შეგრძნებას ქმნის. Conde Nast Traveller-მა ის მსოფლის საუკეთსო აუზად დაასახელა.
სასტუმრო განსხვავებულ სერვისებსაც გთავაზობთ
ვახშამი აუზზე
ვახშამი აუზზე ეს არის ერთ-ერთი განსაკუთრებული და დასამახსოვრებელი გამოცდილება რომანტიკის მოყვარულთათვის. ის ღამის ცის ქვეშ იმართება. ფრანგიპანის სანთლებით გაწყობილი სივრცე, ხედი ჯუნგლებში არსებულ ადგილობრივ უძველეს ტაძარზე და განუმეორებელი გემოს მქონე კერძები წარუშლელ დავიწყარ გამოცდილებას ქმნის.
სპა მდინარესთან
სასტუმრო გთავაზობთ უგუნდის ჯუნგლების გულში, მდ. აიუნგთან განთავსებულ გამაჯანსაღებელ, უნიკალურ, მდირულ სპა-ცენტრს.
შუადღის ჩაი ჯუნგლების შუაგულში
ისიამოვნეთ ჩაის ტრადიციული ცერემონიით ველური ჯუნგლების შუაგულში. ჩაის ცერემონია მოიცავს ტრადიციულ ბალის ნამცხვარს, ისეთს როგორიცაა Pandan Roll-ი და ინგლისურ დელიკატესებს ისეთს როგორიცაა Chocolate Eclar, Brownies და სხვა.
იოგა განცალკევებულ ადგილას ჯუნგლებში
გამოსცადეთ, იოგის უძველესი ხელოვნება და შეისწავლეთ ახალი ტექნიკები, რომლებიც თქვენს გონებას და სხეულს გააძლიერებს და გააფართვებს თქვენს ცნობიერებას, შუაგულ ჯუნგლებში.
COMO COCOA ISLANDS, MALDIVES
COMO Cocoa არის კერძო კუნძული მალდივებზე, თეთრი ქვიშით, ზურმუხტისფერი ზღვით, კომფორტული აპარტამენტებით. ის 33 აპარტამენტისგან შედგება, საიდანაც პირდაპირ შეგიძლიათ ზურმუხტისფერ ლაგუნაში ჩახვიდეთ და წყალქვეშა რიფი დაათვალიეროთ. კუნძული გთავაზობთ კომპლექსურ გამაჯანსაღებელ პროცედურებს, სამხრეთ ინდურ სამზარეულოს და დაივინგს.
სამზარეულო
COMO Cocoa გთავაზობთ ერთ-ერთ საუკეთსო სამზარეულოს მალდივებზე. მენიუ შედგება, თანამედროვე, მსუბუქი სამხრეთ ინდური კერძებისგან, ტრადიციული აზიური სამზარეულოს თანამედროვე ინტერპრეტაციებისგან, ხმელთაშუა ზღვის კერძებისა და ისეთი ტრადიციული კერძებისგან, როგორიცაა პასტა და სალათები.
სპა
აღმოაჩინეთ მალდივების ჰარმონიული სული COMO Shambhala Retreat-ში, სრულფასოვანი, აზიური, სამკურნალო და გამაჯანსაღბელი კურსით, რომელიც კვებას, ვარჯიშს, მასაჟს, იოგას, ტანის და სახის მოვლის პროცედურებს მოიცავს.
ივენთები
COMO Cocoa ასევე გთავაზობთ ივენთების დაგეგმვას და ჩატარებას. ყველა ივენთს ინდივიდუალურად ამზადებენ სტუმრის ყველა მოთხოვნის გათვალისწინებით. სპეციალური ადგილი, სადაც მეგობრები და ოჯახი ერთიანდება და მოგონებები იმქნება.
წინა სტატიები იხილეთ აქ :
