12 June 2018
  • 8840 ნახვა

ვენეცია - რომანტიკული დასვენება წყვილებს

იტალიის ფასდაუდებელი საგანძური, ევროპის და მსოფლიოს ერთ-ერთი ყველაზე რომანტიკული ადგილი, ხიდების ქალაქი - ასე უწოდებენ ვენეციას. ეს ულამაზესი ქალაქი 118 კუნძულისა და 160 არხისგან შედგება, ძველი სახლებით, ფერადი სახურავებით, ვიწრო შესახვევებით და ხიდებით. ვენეცია ის ქალაქია, სადაც ხელოვნება, ულამაზესი არქიტექტურა და ისტორია ერთმანეთს ერწყმის.

სხვაგან ვერსად ნახავთ Grand Canal-ს, რომელიც ვენეციური არქიტექტურის სიდიადეს სრულად გადმოსცემს. ცნობილი არხის ბოლოს  Palazzo Ducale და Basilica di San Marco დაგხვდებათ, რომლებიც გააორმაგებს თქვენს აღფრთოვანებას. მაგრამ ეს ყველაფერი არ არის, მოიცადეთ, სანამ იხილავთ დამალულ, ვიწრო ქუჩებს, მოხატულ, ძველ, მარმარილოს ეკლესიებს და სხვა ღირსშესანიშნაობებს.

ტურები ვენეციის მიმართულებით შეგიძლიათ იხილოთ საიტზე Turebi.Ge .

წარმოგიდგენთ იმ ღირსშესანიშნაობებს, რომლითაც ვენეციამ გაითქვა სახელი.

Basilica di San Marco 

800 კვ.მ. მოელვარე მოზაიკებით და ულამაზესი გუმბათით, სან მარკოს ბაზილიკა (წმ.მარკის ბაზილიკა) დაუვიწყარი, ვენეციური ტაძარია.

მე-9 საუკუნეში ვენეციელმა ვაჭრებმა ეგვიპტიდან ვენეციაში ჩუმად ჩამოიტანეს წმ. მარკის ნეშტი. ტაძარი სწორედ წმინდანის ნეშტის განსათავსებლად ააგეს. ტაძარი 932 წელს დაიწვა, მოგვიანებით ის აღადგინეს ვენეციისთვის დამახასიათებელ კოსმოპოლიტურ სტილში, ბიზანტიური გუმბათებით, ბერძნული ჯვრით და კედლებით, რომელიც სირიიდან, ეგვიპტესა და პალესტინიდან ჩამოტანილი მარმარილოთი იყო მოხატული.

ტაძრის ყველაზე ძველი მოზაიკა 1270 წლით თარიღდება და წმ.მარკის ნეშტის „მოპარვას“ და ვენეციაში გადმოსვენებას ასახავს, ის ტაძრის გარე ფასადზეა გამოსახული.

ბაზილიკის „ჭერის“ ბზინვარება იმითაა გამოწვეული, რომ მისი მოზაიკების შექმნისას 24 კარატიანი წმინდა ოქროს ფოთლები იყო გამოყენებული, ღვთაებრივი სინათლის წარმოსაჩენად.

რთული დასაჯერებელია, მაგრამ 1807 წლამდე, ვენეციის რესპუბლიკის დაცემამდე, ბაზილიკა დოჯების ოჯახის კერძო საკუთრებას წარმოადგენდა.

Palazzo Ducale

Palazzo Ducale დოჯას ოჯახის სასახლე იყო. მისი დახვეწილი სვეტებით, თეთრი და მოვარდისფრო მარმარილოთი დამზადებული გეომეტრიული ფასადებით, სამთავრობო ოთახებით და დოჯას ოჯახის პირადი აპარტამენტებით, ის დიდი ხნის განმავლობაში ვენეციის რესპუბლიკის პოლიტიკურ და ადმინისტრაციულ ცენტრს წარმოადგენდა. სწორედ აქ ხდებოდა ყველაზე მნიშვნელოვანი გადაწყვეტილებების მიღება. აქ იყო განთავსებული ციხეც, რომელიც მე-17 საუკუნეში სასახლეს გამოეყო და არხის მეორე მხარეს განთავსდა. 

Gallerie dell'Accademia

Gallerie dell'Accademia წარმოადგენს გალერეა მუზეუმს, სადაც წარმოდგენილია ვენეციის ხელოვნების ნიმუშები მე-14 საუკუნიდან მე-18 საუკუნის ჩათვლით. მათ შორის მიქელანჯელოს, ბელინის, ტიციანის, ტინტორეტტოს, ვერნეზეს და კანალეტოს ნამუშევრები. მის ნაწილს წარმოადგენს ასევე მუსიკალური ინსტრუმენტების მუზეუმი.

გაისეირნეთ გონდოლით

ყველა წყვილის ოცნებაა გონდოლით გასეირნება, ოხვრის ხიდის ქვეშ სან მარკოს ეკლესიის ზარების რეკვისას.

La Fenice

ვენეციის სახელგანთქმული ოპერის სახლი La Fenice 1792 წელს გაიხსნა. აქ დადგეს ოპერა Rossini, Donizetti და Bellini, აქ შედგა ისეთი ოპერების პრემიერა, როგორიცაა Rigoletto  და La Traviata.

 San Zaccaria

წმინდა ზაქარიას ტაძარი პირველად მე-9 საუკუნეში აიგო, პირველი შენობა ხანძარმა 1105 წელს გაანადგურა. მე-12 და მე-14 საუკუნეებში ის ხელახლა გოთიკურ სტილში აიგო. თანამედროვე ტაძრის მშენებლობა კი, 1515 წელს დასრულდა. ტაძარი ძირითადად რენესანსულ სტილშია ნაგები, თუმცა აქვს ბიზანტიური სამრეკლო და გოთიკური ელემენტებიც, მისი ინტერიერი არაერთმა ცნობილმა მხატვარმა მოხატა. 


მსგავსი
13 August 2019

მსოფლიოს შვიდი საოცრება დღეს

გიფიქრიათ იმაზე, უძველესი სამყაროს შვიდ საოცრებას ჩვენ დრომდე რომ მოეღწია - როგორი სახე ექნებოდა მათ?კომპანია Budget Direct-მა ...

01 August 2019

2019 წლის ყველაზე პოპულარული კურორტები

ანტალია ...

11 July 2019

რატომ იყენებენ სასტუმროები მხოლოდ თეთრი ფერის თეთრეულს?

 ძალიან ბევრს აინტერესებს თუ რატომ არის სასტუმროებში მხოლოდ თეთრი ფერის პირსახოცები და  თეთრეული. ექსპერტებმა ამოხსნე...

04 June 2019

სილამაზის უცნაური კრიტერიუმები

სილამაზის უცნაური კრიტერიუმები სილამაზე, განსაკუთრებული ფენომენია, მის ძალას არაერთი ლეგენდა, მათ შო...

22 May 2019

სადაა ლოგიკა? აფრიკული ბენინი პირველია მსოფლიო რეიტინგში, ეგვიპტე კი ბოლო

ბრიტანულმა ტურისტულმა კომპანიამ Rickshaw Travel- მა ჩაატარა კვლევა: ტურისტებისთვის ყველაზე მრავალფეროვანი ქვეყნების ჩამონათვალი...

19 February 2019

ყველაზე გემრიელი ესპანური დესერტები

დესერტი ესპანური სამზარეულოს უმნიშვნელოვანესს ნაწილს წარმოადგენს. ყველა კუთხეს და ქალაქს მისთვის დამახასიათებელი სპეციფიკუ...

17 February 2019

ევერესტის საბაზო ბანაკი ტურისტებისთვის დაიხურა

ჩინეთმა ტიბე...

26 June 2018

საქართველოს ულამაზესი ხედები

მაღალი მთები, მდინარეები, მწვანე მინდვრები, სუფთა ტბები, ფირუზისფერი ზღვა, მინერალური წყლები, ჩანჩქერები, კანიონები (მარტვილი დ...

26 June 2018

ევროპის ქვეყნები, სადაც მოგზაურობა მცირე ბიუჯეტითაც შეიძლება

მოგზაურობისას ყოველთვის ვცდილობთ შევარჩიოთ ისეთი ქვეყნები, სადაც ვიხილავთ შთამბეჭდავ პეიზაჟებს, ლამაზ სანაპიროებს, აღმოვაჩ...

21 June 2018

10 ტბა საქართველოში, რომელიც აუცილებლად უნდა მოინახულოთ

საქართველოში უამრავი ლამაზი ტბა მდებარეობს, მათ შორის ლისის, ყვარლის, ილიას და ბაზალეთის ტბები, რომლებიც კარგადაა ნაცნობი ...