09 June 2017
  • 484 ნახვა

5 რჩევა ოთხფეხა მეგობართან ერთად მოგზაურობისთვის

ხანგრძლივ მოგზაურობაში წასვლისას რთულია ოთხფეხა მეგობრის სახლში დატოვება, თუმცა მათი თან წაყვანაც არაა ადვილი. სწორი დაგეგმვის შემთხვევაში, მნიშვნელოვნად გაგიმარტივდებათ შინაურ ცხოველთან ერთად მოგზაურობა და ნაკლები დისკომფორტი შეგექმნებათ. ყველაფერი კი მოგზაურობის დაწყებამდე გაცილებით ადრე, დაგეგმვის ეტაპზე იწყება.

შეამოწმეთ მოთხოვნები

ბევრ ქვეყანაში ცხოველის შეყვანისას მოქმედებს სხვადასხვა სპეციალური მოთხოვნები. ეს შეიძლება ეხებოდეს იმუნიზაციას, ჯანმრთელობის ცნობას, საკარანტინო პერიოდს და ა.შ. ასევე მნიშვნელოვანია მოთხოვნების გაადმოწმება იმ ავიაკომპანიაში, რომლითაც აპირებთ გაფრენას. მნიშვნელოვანია იცოდეთ, ავიაკომპანიის წესებით დასაშვებია თუ არა ცხოველის სალონში აყვანა, თუ მხოლოდ სატვირთო გაადზიდვის გზით არის შესაძლებელი წაყვანა? რა პარამეტრებში (ზომა, წონა) უნდა ჯდებოდეს ცხოველი, რომ დაგრთონ მისი გადაყვანის ნება? უმჯობესია, თუ შეარჩევთ ისეთ ავიაკომპანიას, რომელიც მოგცემთ ცხოველის სალონში შეყვანის უფლებას, სხვა შემთხვევაში ეცადეთ შეარჩიოთ პირდაპირი ფრენა.

შეისწავლეთ თქვენი ოთხფეხა მეგობარი

ცხოველისთვის მოგზაურობა, შესაძლოა, იყოს სტრესული, ამიტომ წინასწარ შეისწავლეთ მისი ადაპტაციის უნარი. ცხოველებისთვის, რომლებიც რთულად ეგუებიან ახალ გარემოს და ადამიანებს, უმჯობესია დარჩნენ სახლში მზრუნველ მომვლელთან ერთად.

ცხოველთან ერთად მოგზაურობა

შეადგინეთ გეგმა

ძალიან მნიშვნელოვანია, რომ თქვენთან ერთად ოთხფეხა მეგობარიც მოამზადოთ მოგზაურობისთვის და ამისთვის სპეციალური გეგმად დასახოთ. მნიშვნელოვანია, რომ ბილეთები შეიძინოთ მინიმუმ ერთი თვით ადრე, კარგად გაეცნოთ ავიაკომპანიის მოთხოვნებს და მოემზადოთ შესაბამისად. მომზადება გულისხმობს, როგორც საჭირო დოკუმენტების შეგროვებას, ასევე ცხოველისთვის შესაბამისი ჩანთის და აქსესუარების შერჩევას.

მოემზადეთ მოგზაურობისთვის

დარწმუნდით, რომ თქვენც და თქვენი ოთხფეხა მეგობარიც მზად ხართ მოგზაურობის პროცესისთვის. შეაჩვიეთ ცხოველი მოთმინებას, სამგზავრო ჩანთას და ა.შ. გააკეთეთ იმ ნივთების სია, რომელიც შეიძლება დასჭირდეს ოთხფეხა მეგობარს ფრენის დროს: წყლის თასი, საკვები და ა.შ.

დარწმუნდით, რომ ყველაფერი რიგზეა

მას შემდეგ, რაც ყველაფერს დაგეგმავთ, კიდევ ერთხელ შეამოწმეთ რამდენიმე გარემოება. თუ მატარებლით აპირებთ აეროპორტამდე მისვლას, გადაამოწმეთ, რამდენად მეგობრულად არიან განწყობილი ცხოველის გადაყვანისადმი. ასევე, გაიარეთ კონსულტაცია ვეტერინართან და მიიღეთ მისგან პრევენციული რჩევები. გადაამოწმეთ იმ სასტუმროს პირობები, სადაც აპირებთ დაბინავებას, იმ შემთხვევაშიც კი თუ მათ აქვთ შინაური ცხოველებისადმი მეგობრული პოლიტიკა.

მსგავსი
26 September 2015

ადამიანის შექმნილი ყველაზე მაღალი ნაგებობა

ბურჯ ხალიფა ანუ ხალიფას კოშკი ადამიანის შემქნილი ყველაზე მაღალი შენობა და ყველაზე მრავალსართულიანი ნაგებობაა, რომელიც 2010 წელს ა...

23 September 2015

5 ნივთი, რომელიც მოგზაურობისას სახლში უნდა დატოვო

მოგზაურობა ისედაც დამღლელია იმისათვის, რომ ზედმეტი ტვირთი და ნივთები ვატაროთ თან. მოგზაურობისას თავისუფალი უნდა იყო ყველანაირი საზ...

10 November 2015

7 რჩევა ტურისტებს ფსიქოლოგებისგან

ფსიქოლოგები ტურისტებს განსხვავებულ და საინტერესო რჩევებს აძლევენ. გთავაზობთ, 7 საინტერესო რჩევას   გახსოვდეთ- ...

20 September 2015

რჩევები თუ როგორ მოიქცეთ ტყეში დაკარგვისას

თუ გიყვართ ტყეში ხეტიალი, ლაშქრობებში სიარული, მაშინ აუცილებლად წაიკითხეთ  10 რჩევა, რომელიც ტყეში გზის დაკარგვისას გამოგადგებათ. ...

16 September 2015

5 ევროპული ქალაქი, რომელიც შემოდგომის ფერებში უნდა ნახო

1. ბრიუგე, ბელგია ბელგიის ამ უძველეს ქალაქს სხვა...

15 September 2015

10 მიზეზი, თუ რატომ უნდა წავიდეთ თუშეთში

თუშეთში თუ გიმოგზაურიათ, მაშინ ეს სტატია თქვენთვის არაა, მაგრამ თუ ჯერ კიდევ ყოყმანობთ, მაშინ გაიგეთ, რატომ ბრუნდება თუშეთში ერთხე...