21 June 2018
  • 8987 ნახვა

როგორ იგეგმება ტური და რა განაპირობებს ფასის ცვლილებას

ხშირია შემთხვევა, როცა Turebi.ge-ზე მომხმარებელი ნახულობს მისთვის საინტერესო და ხელმისაწვდომ ტურ-პაკეტს, თუმცა ორგანიზატორ კომპანიებთან დაკავშირების შემდეგ აღმოაჩენს, რომ შეთავაზების ფასი მნიშვნელოვნად შეცვლილია. ტურის ფასი ბევრ სხვადასხვა ფაქტორზეა დამოკიდებული, რის გამოც ხდება მისი მუდმივი ცვლილება.

როგორ იგეგმება ტური და, კონკრეტულად, რა გარემოებების ცვლილება აისახება ტურის ფასზე -  აღნიშნულ საკითხებს განმარტავს ტურისტული კომპანია Free Travel-ის ტურ-ოპერატორი თამარ კახიანი.

როგორ იგეგმება ტური და რა განაპირობებს ფასის სწრაფ ცვლას?

მოდით ჯერ განვმარტავ, რას გულისხმოსბს ტური?

ტური მოგზაურობის ისეთი სახეობაა, რომლის დროსაც მთავარი მოტივაცია სხვადასხვა ადგილების და ღირშესანიშნაობების აღმოჩენა, გაცნობა და მათი შესწავლაა, კონკრეტული ვადით, განსაზღვრული მიზნითა და მარშრუტით მოგზაურობა, რომელიც უზრუნველყოფილია ტურისტული პროდუქტით. როგორც ცნობილია, არსებობს ტურის სახეობები, აქედან გამოვყოფდი ინდივიდუალურ და ჯგუფურ ტურს, პირველ რიგში, თითოეული ტურის დაორგანიზების პროცესში მნიშვნელოვანია მომხმარებელთან მჭიდრო კავშირი, მათი მოთხოვნების მაქსიმალურად გათვალისწინება, რომლის მიხედვითაც ოპერატორი ქმნის ტურ-პაკეტს და სთავაზობს მომხმარებელს. ტურისტული მომსახურების პაკეტი არანაკლებ ორი კომპონენტისაგან შემდგარი კომპლექსია, რომელიც აუცილებელია ტურისტის მოთხოვნების დასაკმაყოფილებლად, ტურისტული მომსახურების ძირითადი ფორმა გულისხმობს ორმხრივ ავიაბილეთს, სამოგზაურო დაზღვევას, სასტუმროს შესაბამისი კვების ტიპის მიხედვით და ტრანსფერის მომსახურებას.

ტურის დაორგანიზება შესაბამისი კრიტერიუმებით დამოკიდებულია დროის ფაქტორზე, მგზავრის მხრიდან სამოგზაურო პერიოდის ცვლილებაზე, კონკრეტულ სასტუმროზე შეზღუდული ადგილების არსებობა-არარსებობაზე, ეკონომ კლასის ავიაბილეთების რაოდენობაზე და სხვა. ესაა ის ფაქტორები, რაც განაპირობებენ ფასის ცვლილებას.

ასევე გასათვალისწინებელია, რომ რაც უფრო ახლოსაა გამგზავრების თარიღი, ბუნებრივია, ავიაბილეთების ფასი მატულობს, ძვირდება ასევე სასტუმროებიც. ამიტომ, ჩვენს მომხმარებელს ყოველთვის ვურჩევთ წინასწარ დაიწყოს ფინანსების მობილიზება და ფიქრი მოგზაურობისთვის, რათა გამგზავრებამდე ერთი კვირით ადრე არ შეიძინოს ტური, თუმცა აღვნიშნავ რომ, მომხმარებელი ეჩვევა რამოდენიმე თვით ადრე შეიძინოს ტური საკმაოდ მისაღებ ფასად. მაგრამ პროცენტულად მათი რიცხვი, ვინც ჩვენთან მოდის და გამგზავრებამდე რამდენიმე დღით ადრე უკვე გაძვირებულ ტურებს ყიდულობს, მაინც ძალიან მაღალია.

თამარ კახიანი

ა შემთხვევაშია განსაკუთრებული ფასდაკლება ტურ-პაკეტზე?

ზოგადად, ტურები მთელი წლის განმავლობაში აქტუალურია, თუმცა უფრო მიმზიდველია ზაფხულის თვეებში, როცა კლიმატი და ტემპერატურა უფრო მოსახერხებელს ხდის მოგზაურობას და მეტეროლოგიური დაბრკოლებებიც ნაკლებია, როგორიცაა წვიმა, სიცივე და სხვა.
სეზონის პარალელურად  მომხმარებელს ვთავაზობთ ფასდაკლებით ტურებს სხვადასხვა მიმამართულებით, მაგრამ განსაკუთრებული ფასდაკლებით მომხმარებელს შეუძლია ისარგებლოს სეზონის დასასრულს ან ნაადრევი ჯავშნების შემთხვევაში ხელსაყრელ ფასად შეუძლიათ  შეიძინონ მათთვის სასურველი ტური. მიმდინარე სეზონზე ფასდაკლებები ვრცელდება ეგვიპტის მიმართულებით, განსაკუთრებით აქტუალურია საბერძნეთის მიმართულება და ევროპის სხვადასხვა მიმართულება (ესპანეთი, ბუდაპეშტი, პრაღა, პარიზი, მილანი, ლარნაკა და სხვა). აღნიშნულ მიმართულებებზე მოთხოვნა განპირობებულია ტარიფებიდან გამომდინარე. განსაკუთრებით მისასალმებელია, რომ ავიაკომპანია WizzAir-მა დაამატა პირდაპირი რეისები ევროპის მიმართულებით, შესაბამისად მომხმარებელს გაუმარტივდა ბიუჯეტური ტურის ორგანიზება. აქვე აღვნიშნავ, რომ თურქეთის მიმართულება ისევ და ისვე აქტუალურია, მაგრამ სრული პაკეტის ღირებულება გაცილებით მაღალია გასულ წელთან შედარებით.

რას ნიშნავს Last Minute შეთავაზება?
ტერმინი Last Minute  პირდაპირი მნიშვნელობით ნიშნავს ‘’ბოლო წუთების აქციას’’. მაგალითად, თუ მომხმარებელმა გამგზავრებამდე ტურ-პაკეტის შეძენა გადაწყვიტა  2-3 დღით ადრე, მათ ვთავაზობთ შესაბამის აქციას, იმ შემთხვევაში თუ მოთხოვნილ მარშრუტზე არ არის შეზღუდული ადგილები. აქვე დავამატებ, რომ მათ, ვინც ზუსტად იცით მოგზაურობის პერიოდი და შერჩეული გაქვთ კონკრეტული სასტუმრო, ნუ დაელოდებით ე.წ Last Minute -‘’ბოლო წუთების აქციას’’, რადგან თქვენს კონკრეტულ მოთხოვნაზე შესაძლებელია ადგილები შეზღუდული იყოს.


მსგავსი
09 March 2016

შვებულება და მოგზაურობა სტრესის გარეშე - 5 რჩევა

1. გაარკვიეთ, რა იწევს სტრესს ეს ძალიან მარტივია - თქვენ დასასვენებლად წელიწადში ერთხელ მიდიხართ. თქვენ გინდათ, რომ ყველ...

10 February 2016

20 საუკეთესო ფილმი მოგზაურობაზე

არაფერი არ აღძრავს მოგზაურობის სურვილს იმაზე მეტად, ვიდრე ფილმები მოგზაურობის და თავგადასავლების შესახებ. ისინი გვმუხტავენ მოტივაც...

23 December 2015

როგორ არ უნდა მოიქცეთ უვიზო მიმოსვლის ამოქმედებისას

საქართველოსთვის ვიზალიბერალიზიციის პროცესში მიღწეული წარმატება ის იშვიათი შემთხვევაა, რომელმაც თითქმის მთელი საქართველო თანაბრად გ...

18 December 2015

როგორ იმოგზაურებთ ევროპაში უვიზოდ ტურისტული მიზნით

ევროკომისიამ საქართველოს მიერ ვიზალიბერალიზაციის სამოქმედო გეგმის (VLAP) შესრულებასთან დაკავშირებით დადებითი ანგარიში გამოაქვეყნა,...

09 December 2015

სად შევხვდეთ ახალ წელს - 10 საუკეთესო ადგილი

ახალი წელი წელიწადში ერთხელ აღინიშნება, ამიტომაც ეს დღესასწაული განსაკუთრებით დასამახსოვრებელი უნდა იყოს. გართობა, ფეიერვერკები და...

08 December 2015

როგორ უნდა დაზოგოთ ფული სამოგზაუროდ

თვითმფრინავით, მატარებლით, გემით, ავტომობილით, ველოსიპედით - არ აქვს მნიშვნელობა რომელი ტრანსპორტით, მოგზაურობა ყველას უყვარს. თუმ...

26 November 2015

10 საუკეთესო ფილმი, რომელიც მოგზაურობას შთაგაგონებთ

ზოგჯერ ამა თუ იმ ქვეყანაში ან ქალაქში მოგზაურობის სურვილის გასაღვიძებლად იქ გადაღებული ფილმიც საკმარისი აღმოჩნდება ხოლმე. წარმოგიდ...

17 November 2015

როგორ შევაყვაროთ ბავშვს მოგზაურობა - 8 სასარგებლო რჩევა

მოგზაურობის მოყვარული მშობლები, როგორც წესი, პატარებს სახლში ტოვებენ. ეს გასაგებიცაა, რადგან ჩვილთან ერთად მოგზაურობა საკმაოდ ძვირ...

05 November 2015

კარავში კომფორტულად ძილის ხუთი წესი

გამოუძინებლობამ, მთელი ღამე ზურგის ქვემოდან გირჩების გამოძრობამ, დისკომფორტმა და სიცივემ შეიძლება ლაშქრობის მთელი ხიბლი წყალში ჩაყ...

02 November 2015

3 ტურისტული ქვეყანა სადაც კრიზისის დროს კარგად დაისვენებ

საბერძნეთი მიუხედავათ ევროს გაძვირებისა და კრიზისისა, მთელს  ევროპაში   საბერძნეთი მიიჩნევა  ტურისტული მოზღვავ...