17 June 2019
  • 4509 ნახვა

რა უნდა ვიცოდეთ აფრენამდე

რა უნდა ვიცოდეთ Wizzair -ის თვითმფრინავის ბორტზე სანამ ავალთ ? რა საბუთები უნდა გვქონდეს თან და როგორ უნდა მოვიქცეთ თვითმფრინავში. გთავაზობთ ჩამონათვალს თუ რა უნდა ვიცოდეთ თვითმფრინავის აფრენამდე.

სამგზავრო დოკუმენტები.

ავიაბილეთის დაჯავშნისას მგზავრის სრული სახელი უნდა შეიყვანოთ უშეცდომოდ; ზუსტად ისე, როგორც მითითებულია იმ სამგზავრო დოკუმენტში, რომლითაც ის იმგზავრებს.

დაჯავშნისას შეცდომის დაშვების შემთხვევაში, თქვენი რეისის მიმოხილვის გვერდზე შესაძლებელი იქნება სახელის შეცვლის უფასო ვარიანტით სარგებლობა, თუ შესწორებას საჭიროებს შემდეგი:

  • არასწორი ტიტული (მამრობითი/მდედრობითი);
  • შემოკლებული სახელი
  • მართლწერის ან მექანიკური შეცდომა

სახელის ნებისმიერ სხვა ცვლილებასთან დაკავშირებით მიმართეთ  საინფორმაციო ცენტრს დაჯავშნიდან 2 საათის განმავლობაში. 

რა დოკუმენტები უნდა გქონდეთ თან?

რეისზე რეგისტრაციისას ან ჩასხდომის გასასვლელთან თქვენ უნდა წარმოადგინოთ ყველა აუცილებელი და მოქმედი სამგზავრო დოკუმენტი.გარდა ამისა,საჭიროა სხვა ქვეყნებში შესვლისას და სხვა სამიგრაციო მოთხოვნების დაკმაყოფილება,რომლიდანაც, რომლის გავლითაც ან რომელშიც მგზავრობთ. ხოლო თუ არ გექნებათ წესრიგში პასპორტი, ვიზა ან სხვა საჭირო სამგზავრო დოკუმენტი და ქვეყანაში შესვლაზე უარს მიიღებთ, ტრანსპორტირების და სხვა ტიპის დამატებით ხარჯებზე პასუხისმგებელი თქვენ იქნებით.

ჩვილ და მცირეწლოვან ბავშვებთან ერთად მგზავრობა

მოგზაურობა უფრო კომფორტული რომ იყოს,რამდენიმე სასარგებლო რჩევა უნდა გავითვალისწინოთ ,მშობლებისგან, რომლებსაც აქვთ ბავშვებთან მგზავრობის გამოცდილება.

  • დამატებითი პირადი ნივთი ბორტზე (40x30x20 სმ);
  • პრიორიტეტული ჩასხდომა 2 ზრდასრულისთვისა და ბავშვების შეუზღუდავი რაოდენობისთვის, ყოველ ჩვილზე, რომელიც მგზავრობს;*
  • საბავშვო დასაკეცი ეტლის ან მცირე პორტატული საწოლის ბორტზე უფასოდ ატანის შესაძლებლობა;
  • ადგილების არჩევის საშუალება.
  • შეგიძლიათ შეარჩიოთ ბავშვისთვის გასაფერადებელი წიგნები, სათამაშოები და მცირე ზომის საჩუქრები.

საბავშვო ეტლები თვითმფრინავის კართან ან ტრაპთან უნდა ჩააბაროთ  ეკიპაჟის ერთ-ერთ წევრს,მათი უკან მიღება შეგიძლიათ თვითმფრინავიდან გასვლისას.საბავშვო ეტლებს უნდა მიემაგროს შესაბამისი იარლიყი სარეგისტრაციო ან ბარგის ჩაბარების დახლთან.თუ რეისზე ონლაინ რეგისტრაცია გაქვთ გავლილი და მხოლოდ ხელბარგით მგზავრობთ, ეტლისთვის იარლიყის მიმაგრება შესაძლებელია ჩასხდომის გასასვლელთანაც.

თუკი  ავტოსავარძლის გამოყენებას აპირებთ,მის მოსათავსებლად დაგჭირდებათ დამატებით ადგილის შეძენა ჩვეულებრივი ტარიფით. ავტოსავარძელი უნდა განთავსდეს ილუმინატორთან მდებარე ადგილზე. ჩვილის ავტოსავარძლის გვერდით მდებარე ადგილს უნდა იკავებდეს მშობელი(ზრდასრული).

  • ბორტზე დაიშვება მხოლოდ უკან მიმართული საბავშვო ავტოსავარძლები;
  • მას უნდა ჰქონდეს სპეციალური ფიქსატორი, რომლის მეშვეობითაც შესაძლებელი იქნება მისი საიმედოდ დამაგრება მგზავრის უსაფრთოხების ღვედით.

ჩვილის ავტოსავარძლის მოთავსება ვერ მოხერხდება იმ რიგებში, რომლებიც მდებარეობს საევაკუაციო გასასვლელებთან, ან აღნიშნული რიგების უშუალოდ წინ ან უკან.

განსაკუთრებული დახმარება

მივაქციოთ მეტი ყურადღება იმ მგზავრებს, რომლებსაც აქვთ შეზღუდული შესაძლებლობები, ან განსაკუთრებულ დახმარებას საჭიროებენ.

უსაფრთხო და კომფორტული მგზავრობისთვის რეისის დაგეგმილ გამგზავრებამდე მინიმუმ 48 საათით ადრე უნდა შეატყობინოთ შეზღუდული შესაძლებლობის ან რაიმე სხვა მდგომარეობის შესახებ.ამ ტიპის მოთხოვნით მომართვა შესაძლებელია როგორც ინტერნეტით, ავიაბილეთის დაჯავშნისას, ისე განსაკუთრებული დახმარების საინფორმაციო ცენტრთან დაკავშირების მეშვეობით.

თუ განსაკუთრებულ დახმარებას საჭიროებთ, გთხოვთ, რეისის რეგისტრაციაზე გამოცხადდეთ დაგეგმილ გამგზავრებამდე 2 საათით ადრე.

ელექტრონული მოწყობილობები ბორტზე

  • მობილური ტელეფონების, ელექტრონული წამკითხველების და პლანშეტების გამოყენება, ნებისმიერ  რეისზე, მხოლოდ ფრენის რეჟიმში შეგიძლიათ.
  • ლეპტოპები აფრენისა და დაფრენისას უნდა შეინახოთ.
  • კარდიოსტიმულატორების, სმენის აპარატების, იმპლანტირებული სამედიცინო მოწყობილობებისა და ნერვების ელექტრონული სტიმულატორების გამოყენება შესაძლებელია შეზღუდვების გარეშე.

წყარო:: https://wizzair.com/ka-ge#/


მსგავსი
06 January 2017

ხეზე განთავსებული ორიგინალური სასტუმროები

რა თქმა უნდა, ყველას მოსწონს კომფორტული, მდიდრული სასტუმროს ნომრები, მაგრამ რას იტყოდით ახალ თავგადასვლებზე? მაგალითად, რამდენი...

03 January 2017

საქართველო Vogue-ის 10 საუკეთესო ტურისტულ მიმართულებას შორის

ჟურნალი Vogue-ის ვებ-გვერდზე 2017 წლის ყველაზე "ცხელი" ტურისტული მიმართულების ათეული გამოქვეყნდა. არც მეტი, არც ...

16 December 2016

როგორ უნდა შეხვდეთ ახალ წელს ორჯერ

გიყვართ ახალი წლის საზეიმოდ შეხვედრა,ფეიერვერკები და მხიარულება ქუჩაში? თუ კი, მაშინ რატომ უნდა შეზღუდოთ თავი იმით, რომ ასეთი დ...

16 November 2016

5 რჩევა მადრიდში მოგზაურობისთვის

გაიხედეთ ესპანური კლიშეების მიღმა მადრიდი დღითიდღ უფრო მრავალფეროვანი ქალაქი ხდება. მოსახლეობის 11%-...

18 July 2016

რჩევები შიდა ტურებით სარგებლობისთვის

შიდა ტურიზმი საქართველოში დღითიდღე უფრო პოპულარული ხდება. საკუთარი ქვეყნის უკეთ გაცნობის და უბრალოდ, უქმეებზე ქალაქიდან გა...

31 May 2016

5 საუკეთესო ქალაქი მათთვის, ვინც ინტერნეტს ვერ წყდება

ხშირად ამბობენ, რომ მოგზაურობა ის დროა, როცა ლეპტოპი და სმარტფონი გვერდზე უნდა გადადოთ და მაქსიმალური სიამოვნება მიიღოთ გარემოსგან...

05 May 2016

ყველაზე განსახვავებული ადგილები თაფლობის თვისთვის

ქორწილის დაგეგმვა ყველაზე რთული საქმეა. ერთ-ერთი ყველაზე მნიშვნელოვანი საკითხი თაფლობის თვისთვის რომანტიული და საინტერესო ადგილის ...

08 April 2016

10 სამუშაო ადგილი, რომელიც მოგზაურობის საშუალებას მოგცემთ

გსურთ რომ მუშაობა და მოგზაურობა ერთმანეთს შეუთავსოთ? არსებობს სამსახურები, რომლებიც ამის საშუალებას გაძლევთ. 1. ავიაკომპანიის...

25 March 2016

10 უჩვეულო მიმართულება, სადაც ტერორიზმის საფრთხე დაბალია

ბოლო მონაცემების მიხედვით ტერორიზმის მაღალი საფრთხით ევროპის 30-ზე მეტი ქვეყანა შეფასდა. ასეთი საფრთხე, ბუნებრივია ტურისტებს აშინე...

16 March 2016

როგორ დავბრუნდეთ დაუვიწყარი შთაბეჭდილებებით ყველა მოგზაურობიდან

 წასვლამდე ჩაატარეთ პატარა კვლევა ...