19 September 2015
  • 9517 ნახვა

ერთადერთი ორ გუმბათოვანი ეკლესია საქართველოში

კახეთის ტურისტულ და ისტორიულ ძეგლებში გურჯაანის ყველაწმინდის ტაძარი უდავოდ გამორჩეულია. ტაძარი საქართველოში ერთადერთი ორ გუმბათოვანი ნაგებობაა. გურჯაანის ღვთისმშობლის მიძინების მონასტერი მდებარეობს გურჯაანის ეპარქიაში, სოფელ გურჯაანის მახლობლად, ტყეში, ქალაქ გურჯაანიდან 2 კმ-ზე. ტაძრის არქიტექტურა დღესაც ნათლად გადმოსცემს VII საუკუნის მეორე ნახევრიდან ქართული ხელოვნების ისტორიაში დაიწყებულ განვითარების ახალ საფეხურს, რომელიც X საუკუნის მეორე ნახევრამდე გაგრძელდა. შიდა სივრცე სამნავიანი ბაზილიკაა, მაგრამ გუმბათოვანი გადახურვა აქვს. ტაძარს ერთის ნაცვლად ორი რვაწახნაგა გუმბათი ადგას. გურჯაანის ყველაწმინდა ძალზედ რთულ არქიტექტურულ ნაგებობას წარმოადგენს. ტაძრის ასაგებად გამოყენებულია სამი ტიპის საშენი მასალა: ესაა რიყის ქვა, შირიმი და აგური. ტაძარი ჩვენამდე კარგადაა შემონახული, თუმცა მცირე გადაკეთებები დროთა განმავლობაში მაინც განუცდია. არსებობს ლეგენდა გურჯაანის ყველაწმინდის ტაძარზე და იქ არსებულ მამათა მონასტერთან დაკავშირებით. ლეგენდა ივერიის ღვთისმშობლის სასწაულმოქმედ ხატზეა, რომელიც წლების განმავლობაში იქ ინახებოდა. ლეგენდის თანახმად, 1615 წლის შემოდგომაზე შაჰ-აბასის კახეთში ლაშქრობის დროს მონასტრის წინამძღვარი ყოფილა მამა იოანე. მან შეკრიბა მონასტრის საძმო და გადაწყვიტა, მონასტერი არ მიეტოვებინათ, მაგრამ სიწმინდეები და საეკლესიო ნივთები ტაძრის საიდუმლო ოთახში გადაემალათ. იმავე ღამეს მამა იოანეს სიზმარში ყოვლადწმინდა ღვთისმშობელი გამოეცხადა და უბრძანა, წამებულის წმინდა გიორგის ტაძრის ( რომელიც ყველაწმინდას მონასტრიდან 1-2 კილომეტრში მდებარეობს) სვეტში პატარა ნიშა ამოეჭრა, იქ ივერიის ღვთისმშობლის ხატი დაებრძანებინა, ხოლო ნიშა ამოექოლა. შაჰ-აბასის შემოჭრის შემდეგ აოხრდა როგორც ყველაწმინდასა , ასევე წამებულის მონასტერიც. 200 წლის შემდეგ, 1820-1822 წლებში იწყებენ ღვთისმშობლის ხატის ძიებას, მაგრამ უშედეგოდ. ერთხელაც, კახთუბნის მონატერში მამა გაბრიელმა სიზმრად იხილა ყოვლადწმინდა, რომელმაც მას ხატის ადგილსამყოფელი აუწყა. დაახლოებით 1845 წელს, მონასტერი კვლავ დაცარიელდა. ხატი კი გურჯაანში წმინდა გიორგის ეკლესიაში გადაიტანეს. ამჟამად ხატის ადგილსამყოფელი კვლავ უცნობია.

74abf5fe4a69

148914_285246221570574_1301900009_n kvelatsminda_4 93053798 93053867 93053876 522569_448235441867785_2139383945_n 580044_448235225201140_2009553949_n 93053893 beridze2_032-copy_289129

მსგავსი
31 July 2018

აუცილებლად სანახავი ადგილები აჭარაში

თუ დასასვენებლად შავი ზღვის სანაპიროს ირჩევთ, შეგიძლიათ დასევენების პერიოდში განსხვავებული ...

12 July 2018

ველო ტურიზმი საქართველოში

საქართველოში ბოლო პერიოდში ექსტრემალური ტურიზმის სხვადასხვა სახეობა ვითარდება. ერთ-ერთი ყველაზე პოპულარული ველო ტურიზმია. ...

03 July 2018

კვარათხევი - ზაფხულის ცხელ დღეს

წოდორეთიდან რამდენიმე ხეობაში ჩავდივართ. რამდენიმე დღის წინ ერთ-ერთ მათგანი, კერძოდ კვარათხევი აირჩია მეგობარმა, ყიჟინა ...

28 June 2018

საქართველოს საუკეთესო ხედები, სადაც მისვლა ადვილია

ვის არ გვინახავს სოციალურ ქსელში ჩვენი მეგობრების მიერ გაზიარებული სელფები, სადაც ფონად ულამაზესი ხედები იშლება. ზოგიერთი ...

25 June 2018

ყარაყაი - იგივე შავი კლდე

ყარაყაი იგივე შავი კლდე, თრიალეთის ქედის უმაღლესი წერტილია და 2850 მეტრს აღწევს.  აქ ჩვენი მეგობრებიც ნამყოფნი...

05 June 2018

ქუთაისიდან სათაფლიაში

ქუთაისიდან სათაფლიაში ტრადიციული, ასფალტდასხმული ტრასა და რომელიღაც ნომერი სამარშრუტო ტაქსი დადის, ასე რომ მავანს შესაძლოა აზრა...

03 June 2018

1 დღიანი გასვლა - წვერი-მსხალდიდი

ამ პოსტში გეტყვით იმ ერთდღიან ქალაქიდან გასვლაზე, რომელიც წინა კვირას საკუთარ თავს მოვუწყვე. ბევრი სიარული, ხედები, პ...

09 May 2018

ქუთაისი რომ ქალაქია...

მრავალი ათასწლეულის წინ თეთრქვებიანი მდინარის ხეობაში, გორაკებზე კოლხები დასახლდნენ. დასახლება ნელ-ნელა გაიზარდა და... დანარჩენ...

09 May 2018

როგორ დავქორწინდეთ მთაზე

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად. მთაზე ქორწინება მრავალნაირად შეიძლება...

03 May 2018

თეთნულდი - ჩემი პირველი მწვერვალი

თუ თქვენ გადაწყვიტეთ დაკავდეთ ალპინიზმით იცოდეთ, რომ სპორტის ეს სახეობა არ გაძლევთ უსაფრთხოების გარანტიას, იმ შემთხვევებშიც კი,...