24 July 2017
  • 6913 ნახვა

საირმე – მწვანე მარგალიტი

 თუ მწვანე თქვენი საყვარელი ფერია, მაშინ საირმე აუცილებლად შეგიყვარდებათ, მაგრამ, რა თქმა უნდა, ეს არ არის აუცილებელი პირობა ამ დგილის შესაყვარებლად. საირმემდე მეგონა, რომ ჩემს საყვარელ ბორჯომზე მეტად გამწვანებული კურორტი საქართველოში არ გვქონდა, მაგრამ საირმე სწორედ ის ადგილია, რომელმაც აზრი შემიცვალა.

საირმე

ზოგადად საირმე ტექსტებში მეცხრამეტე საუკუნიდან იხსენიება. სახელი თვითონვე გვიყვება ეტიმოლოგიის შესახებ.  ეს ადგილი გამოირჩეოდა ირმების სიმრავლით, რის გამოც შეერქვა საირმე, ხოლო 1930–იანი წლებში უკვე ოფიციალურად მიიღო კურორტის სტატუსი და ამ პერიოდიდან იწყება სანატორიუმების გაშენებაც. საირმე ტერიტორიულად ქუთაისის სამხრეთით, ბაღდათის მუნიციპალიტეტში მდებარეობს, ბაღდათიდან დაახლოებით 25 კილომეტრის მანძილზე. კურორტის რეაბილიტაცია 2011 წელს დაიწყო და 2013 წელს დასრულდა. ფატქობრივად, ამ დროიდან თავიდან დაიწყო სიცოცხლე  კურორტმა. ალბათ ამის გამო მეგონა, რომ საირმე სრულიად ახალი კურორტი იყო, არადა ის განსაკუთრებით საბჭოთა პერიოდში ერთ–ერთი ყველაზე მიმზიდველი ბალნელოგიური კურორტი იყო. ამის გამოც არის, რომ დღესაც მისი ხშირი სტუმრები არიან ყოფილი საბჭოთა ქვეყნების მოქალაქეები, მაგრამ, ჩემი დაკვირვებით, საირმემ სახელი უკვე ევროპაშიც გაითქვა, რაზეც ევროპული ქვეყნებიდან ვიზიტორების სიმრავლე მეტყველებს.

მიუხედავად იმისა , რომ საირმეში დიდი მოლოდინებით ჩავედი, ჩასვლისას ამინდმა შემიშალა ხელი, მივმხვდარიყავი გამართლდა თუ არა მოლოდინები. ღამე იყო და ძალიან წვიმდა, საირმეში კი ისეთი წვიმა იცის, რომ ძნელია რამის დანახვა, ამიტომ სასტუმროს გარდა ვერაფერი დავინახე, მაგრამ ჰაერით მივხვდი, რომ დილით ნამდვილად გადააჭარბებდა რეალობა მოლოდინს.კურორტი საირმე

გათენდა ნანატრი დილაც და რაც მე აივნიდან დავინახე, იყო მოლოდინის 101 %–ით ახდენა. სრული სიმწვანე, თან ძალიან ძალიან ხასხასა მწვანე ბუნება იყო ირგვლივ. საირმე მთლიანად წიწვოვან–ფოთლოვანი ტყით არის გარშემორტყმული, უფროსწორად ტყეშია ჩაფლული. ჰაერი კი იმდენად სუფთაა, სულ რომ თვალები დახუჭო, სუნთქვით ისიამოვნებ. უშუალოდ კურორტი კი ძალიან პატარაა, მაგრამ გემოვნებიანად გაკეთებული. ტერიტორიაზე 3 ძირითადი სასტუმროა და რამდენიმე პატარა გასაქირავებელი ბინა. კურორტი მთელი წლის განმმავლობაში ღებულობს დამსვენებელს. შენობები და დაწესებულებები საირმის ცენტრალური ნაწილის ირგვლივ არის გაშენებული, ცენტრში კი დასასვენებელი და გასართობი პუნქტებია: საბილიარდო, მაგიდის ტენისი, სტადიონი, ჰამაკები, რომლებზეც ძალიან უნდა მოინდომო რომ ადგილი დაიკავო.

საირმის მთავარი ღირსება მისი გამაჯანსაღებელ–სამკურნალო ფუნქციაა, რომელსაც 1500 მეტრის სიღრმიდან მომდინარე თერმული წყლები, უმაგრესი ბუნება, 24–საათიანი პოლიკლინიკა და გერმანელების მიერ შექმნილი სარეაბილიტაციო ცენტრი უზრუნველყოფს. საირმეს ტერიტორიაზე თერმული წყლების 4 ბიუვეტი არის გაშენებული, თითოეულ მათგანს განსხვავებული დანიშნულება აქვს, ამიტომ თუ სრულიად ჯანმრთელი ხართ და საირმეში უბრალოდ დასასვენებლად წახვალთ, სურვილის თუ არა ცნობისმოყვარეობის გამო მაინც გასინჯავთ ამ წყალს, მაგრამ გაითვალიწინეთ, რომ დიდი დოზის მიღება არანაირად არ შეიძლება, თითო ბიუვეტიდან თითო ყლუპის გასინჯვა სრულიად საკმარისია, მითუმეტეს რომ არა მგონია წყლის სპეციფიკური გემოდან გამომდინარე მეტის დალევა მოგინდეთ, ხოლო თუ რაიმე გაწუხებთ, ექიმი თვითონვე დაგინიშნავთ განსაზღვრულ დოზას. წყალს იმდენად რთული ქიმიური შემადგენლობა აქვს, რომ ბოთლში ჩასხმისას ცოტას თუ დააყოვნებთ ფსკერზე ჟანგი გაჩნდება, ექსპერიმენტი მეც ჩავატარე.

საირმე

თუ საირმეში წახვალთ აუცილებლად გაითვალიწინეთ ამინდის თავისებურება. მდებარეობის გამო ზაფხულშიც სიგრილეა, განსაკუთრებით დილით და საღამოს აუცილებლად დაგჭირდებათ თბილი ტანსაცმელი, შუადღისით თბილა, ამიტომ რამდენიმე საზაფხულო ტანსაცმელიც თან იქონიეთ. ზოგადად, ნალექიანი ადგილია და ხშირად წვიმს, წვიმის შემდეგ კი ნისლი ფარავს იქაურობა, რაც თავისებურ ეშხს მატებს საირმეს.

საირმე

 მე თვითონ 3 დღით ვიყავი საირმეში და, მიუხედავად იმისა, რომ ძალიან მომეწონა იქაურობა და ჩემი ერთ–ერთი საყვარელი ადგილი გახდა, მაინც რატომღაც მომწყინდა. აქტიური დასვენების მოყვარულებისთვის ვფიქრობ  3 დღე სრულიად საკამრისია რელაქსაციისთვის. მოკლედ, საირმე ნამდვილად არის ადგილი, სადაც ერთხელ მაინც უნდა წახვიდე და ნახო საქართველოს პატარა მწვანე მარგალიტი.


მსგავსი
25 November 2015

12 Reasons to visit Georgia

You do not need a visa to enter Georgia if you a citizen of the USA, Canada, EU, most other European countries, t...

02 November 2015

სოჭის წითელი მინდორი

წითელი მინდვრები არის დაბა, რომელიც   მოქცეულია ქალაქ სოჭის აგლომერაციაში.  "კრასნაია პოლიანა" კავკასიონის დასავლეთ ნაწილში, 600 მ...

13 October 2015

სვანეთი, შდუგრას ჩანჩქერი

სვანეთის ერთ-ერთი ყველაზე პოპულარული ადგილი შდუგრაა. იგივე შდგრა - საქართველოს ერთ-ერთი ყველაზე დიდი და ეფექტური ჩანჩაქერი. ჩანჩქე...

13 October 2015

ტიმოთესუბანი - სამოთხე ბორჯომის მუნიციპალიტეტში

ბორჯომ-ბაკურიანის ტერიტორია რომ ნამდვილად საოცარი ადგილია, ეს ყველამ იცის. თუმცა ბორჯომის მუნიციპალიტეტში პატარა სამოთხე არსებობს ...

14 October 2015

კახისის ტბა

კახისის ტბა ძალიან პოპულარული სალაშქრო მიმართულებაა. რატომ? იმიტომ რომ არც ისე რთულია, გზა ძალიან ლამაზია, ბანაობა შეიძლება, ხედებ...

05 October 2015

ხერთვისის ციხე

ხერთვისის ციხესიმაგრე  ჯავახეთში, სოფელ ხერთვისში, ისტორიულად მნიშვნელოვან მაგისტრალზე– ორი მდინარის ფარავნისა და მტკვრის შესართავ...

09 October 2015

„ათასი ღვთაების ქვეყნა“

თუ კაბადოკიის მონახულება გადაწყვიტეთ, გვერდი არ აუაროთ ხეთების სამeფoს უძველეს დედაქალაქს. ხათუსა ხეთების სამეფოს დედაქალაქი იყო, ...

05 October 2015

შაორის ტბა

შაორის ტბა  არის შაორის წყალსაცავი, რომელიც  7,1 კილომეტრ მანძლზეა გადაჭიმული. ტბის ყველაზე ღრმა ადგილი 14.5 მეტრია.  წყალსაცავის ...

04 October 2015

დაშბაშის კანიონი

დაშბაშის კანიონი წალკის მუნიციპალიტეტში მდებარეობს.  ზღვის დონიდან 1500 მეტრზე. ბუნების ძეგლი ლავურ...

03 October 2015

ლაგოდეხის ნაკრძალის ფერადი ფლორა

ლაგოდეხის სახელმწიფო ნაკრძალი   1912 წელს დაარსდა.  მისი  ტერიტორიის 72%  ტყით დაფარულია. ნაკრძალის ტერიტორიაზე  რთული ბუნებრივი ფ...