21 August 2017
  • 1346 ნახვა

აბასთუმანი - მოგზაურობა მესხეთში

გრძელდება ჩემი მესხური მოგზაურობა. ამჯერად მინდა მოგიყვეთ საქართველოს ერთ-ერთ უმნიშვნელოვანეს კურორტზე - აბასთუმანზე. ახალციხიდან სულ რაღაც 28 კილომეტრის მანძილის გამო ბავშვობაში ხშირად დავდიოდი და კარგად ვიცნობ იქაურობას. ამ ჩასვლაზე, სამწუხაროდ, ყველაფერი იგივენაირად დამხვდა. განახლების მხრივ აბასთუმანი ერთ-ერთი ყველაზე ,,დაჩაგრული“ კურორტია საქართველოში. ისევ ძველი სახლები, ძველი პარკი, ძველი შენობები, მაგრამ, მიუხედავად ამისა, მაინც ძალიან მომნატრებია იქაურობა. განუახლებლობის მიუხედავად, არაერთი მიზეზი შემიძლია დავასახელო, თუ რატომაც უნდა წახვიდეთ აბასთუმანში.

 აბასთუმანი ადიგენის მუნიციპალიტეტში მდებარეობს.თავდაპირველად IX-X საუკუნეში ქალაქ ოძრხეს სახელით იყო ცნობილი, აბასთუმანი კი XIX საუკუნიდან ეწოდა, ახლა მას დაბის სტატუსი აქვს.

ეს არის ტყეში ჩაფლული ადგილი, უფრო კონკრეტულად,  წიწვოვანი ტყით გარშემორტყმული. ერთი შეხედვითაც ადვილი მისახვედრია, რომ აბასთუმნის ერთ-ერთი მთავარი ღირებულება კლიმატია. აქაური სასწაულმოქმედი ჰაერი განსაკუთრებით სასარგებლოა ფილტვების დაავადებების პროფილაქტიკისთვის. აქაური ჰაერი და კლიმატი  განსაკუთრებით განთქმული იყო რუსეთის იმპერიაში, საიდანაც XIX საუკუნის ბოლოს რუსეთის მთავარი გიორგი რომანოვიც გადმოსულა აბასთუმანში ფილტვების დაავადების სამკურნალოდ. გიორგის აბასთუმანთან ახლოს ზარზმის მონასტერი უნახავს და მოსწონებია, მისივე ინიციატივით აბასთუმანშიც ააშენეს ზარზმის მსგავსი ეკლესია, მას ,,ახალ ზარზმას“ უწოდებენ ხოლმე.

აბასთუმანი

 აბასთუმანი ასევე განთქმულია მინერალიზებული წყაროებითაც და თერმული წყლებით, ამის გამო აბასთუმანს კლიმატურ-ბარნეოლოგიურ კურორტად მიიჩნევენ.

აბასთუმანთან ასოცირდება ასტროფიზიკური ობსერვატორია, რომელიც წარმოადგენს ერთ-ერთ წამყვან სასწავლო - კვლევით დაწესებულებას საქართველოში.ობსერვატორია 1932 წლიდან ფუნქციონირებს. პირველად ქართველის მიერ ასტრონომიული აღმოჩენა 1942 წელს  შედგა. (ასტრონონმა გიორგი თევძაძემ ორი კომეტა აღმოაჩინა). მას შემდეგ არაერთი მნიშვნელოვანი ასტრონომიული აღმოჩენა გაუკეთებიათ ამ ობსერვატორიაში. ქალაქის ცენტრიდან ობსერვატორიამდე 8 კილომეტრია, სამანქანო გზის გარდა ფუნქციონირებს საბაგიროც, რომელიც აბასთუმნის პარკიდან ობსერვატორიამდე ადის.         

აბასთუმნის პარკი დიდად ღირსშესანიშნავი ადგილი არ არის, მაგრამ გართობა მაინც შეიძლება. პარკში არის საბავშვო სახტუნაოები, ტირი, ცხენების გაქირავება, კვადროციკლი, სასეირნო მიკრო-ავტობუსი... ასევე ფუნქციონირებს კაფე-ბარიც.   აბასთუმნის პარკი

აბასთუმანში ერთი დღით ჩასვლის  მიზეზი კი ხშირად გოგირდის აუზებია. აუზის შენობა დახურულია და შედგება 2 თუ 3  სიდიდის მიხედვით განსხვავებული აუზისგან.

როგორც ვთქვი, ინფრასტრუქტურა მოსაწერიგებელია. დამსვენებელთათვის  რამდენიმე ახალი სასტუმრო ფუნქციონირებს, თუმცა მთელს დაბაში კვლავ რამდენიმე ათწლეულის წინ აშენებული განუახლებელი სახლები დგას.

აბასთუმანი ჩემი დაკვირვებით, აბასთუმანი ტურისტებშიც არ არის განთქმული ადგილი. დაბაში სეირნობისას სულ რამდენიმე ტურისტს მოვკარი თვალი. აშკარა იყო ქართველი დამსვენებლების ნაკლებობაც. სამწუხაროა, რომ ასეთი დიდი შესაძლებლობების მქონე კურორტს სათანადო ყურადღება არ ექცევა. თუმცა დამიჯერეთ აბასთუმანს თავისი ხიბლი ჯერ კიდევ არ დაუკარგავს, ამიტომ მოინახულეთ ეს ადგილი, გააცანით ის თქვენს მეგობრებსაც, რათა ასეთი განსაკუთრებული კურორტი დავიწყებას  არ მიეცეს.

აბასთუმანი

მსგავსი
05 June 2018

ქუთაისიდან სათაფლიაში

ქუთაისიდან სათაფლიაში ტრადიციული, ასფალტდასხმული ტრასა და რომელიღაც ნომერი სამარშრუტო ტაქსი დადის, ასე რომ მავანს შესაძლოა აზრა...

03 June 2018

1 დღიანი გასვლა - წვერი-მსხალდიდი

ამ პოსტში გეტყვით იმ ერთდღიან ქალაქიდან გასვლაზე, რომელიც წინა კვირას საკუთარ თავს მოვუწყვე. ბევრი სიარული, ხედები, პ...

09 May 2018

ქუთაისი რომ ქალაქია...

მრავალი ათასწლეულის წინ თეთრქვებიანი მდინარის ხეობაში, გორაკებზე კოლხები დასახლდნენ. დასახლება ნელ-ნელა გაიზარდა და... დანარჩენ...

09 May 2018

როგორ დავქორწინდეთ მთაზე

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად. მთაზე ქორწინება მრავალნაირად შეიძლება...

03 May 2018

თეთნულდი - ჩემი პირველი მწვერვალი

თუ თქვენ გადაწყვიტეთ დაკავდეთ ალპინიზმით იცოდეთ, რომ სპორტის ეს სახეობა არ გაძლევთ უსაფრთხოების გარანტიას, იმ შემთხვევებშიც კი,...

23 April 2018

შატო მოსმიერი - ახლის ძიების მსურველებისთვის

იმ დღეს დილიდანვე ისეთი დაღლილი ვიყავი, საერთოდ რამე თუ  შემმატებდა ენერგიას  არ მეგონა. კვირის ბოლოს ქალაქის არეულობ...

14 April 2018

კიდევაც ვნახავ ხევსურეთს

საქართველოს ისტორიისფერია ხევსურეთი. პირველად და ბოლოჯერ სამიოდე წლის წინ ვნახე. მე მქონდა გრძელი, ჟღალი თმა, ზუსტად ისე...

23 March 2018

პრეისტორიული ცხოველების ნაშთები და ახალი ტურისტული მარშრუტები იმერეთში

ცარცული პერიოდის ცხოველების ძვლები და რეპტილიების ნაკვალევი - ეს ყველაფერი იმერეთში, მდინარე ძუსას ხეობაში და სოფელ მერევშია აღ...

27 February 2018

ყინულის გოლიათი - ბიისის ჩანჩქერი

”ჩაიდანი დუღს, ჩაი გადმოდის, ფანჯარაში ვიხედებით_ თოვლი არ მოდის.” ვუყვები ჩემს პატარა ბიჭს ლექსს და უიმედოდ გავყურ...

20 February 2018

რამდენად კარგად იცნობ საქართველოს ტბებს?

საქართველოში უამრავი დიდი თუ პატარა ტბაა. ბევრი მათგანის შესახებ გეოგრაფიის გაკვეთილზე ვერც გაიგებდით. იმისთვის, რომ კარგად შეი...