21 December 2017
  • 1937 ნახვა

ღორინამკალი - სიმბას გადმოსახედი ხაშურში

ღორინამკალი არის მთა ხაშურის თავზე, რომელიც ყველა ჩვენგანს ექნება შემჩნეული. არც თუ ისე მაღალი მთა, რომელიც სულ რაღაც 1706 მეტრს წარმოადგენს სიმაღლეში ყველას ერთი შეხედვით ხვდება თვალში ვინაიდან ძალიან ჰგავს "სიმბას გადმოსახედს"... ცალი მხრით კლდოვანი წვერი საკმაოდ ლამაზ ფორმებს ანიჭებს მას. 
ხოდა, თუ გაქვთ ზამთრის ორი დღე და არც დაღლა გსურთ დიდად ან თუ მხოლოდ ერთი დღე გაქვთ ზაფხულის და ცოტა დაღლაზეც არ იტყოდით უარს, ღორინამკალი თქვენს მარშრუტად შეგიძლიათ აქციოთ.
ჩემს გასვლას რაც შეეხება, მოძრაობა სოფელი თაგვეთიდან დავიწყეთ. გადავიარეთ სოფელ ქაშვეთის თავზე და კოდისწყაროს პატარა ტბას წამოვადექით თავზე.კოდისწყაროს ტბატბა პატარაა, ძალიან მყუდრო და მშვიდი. როგორც ვიცით, კერძო საკუთრებას წარმოადგენს და თევზაობაც შესაძლებელია. ტბამ ისე მიიქცია ჩვენი ყურადღება, რომ თითქმის ნახევარი დღე დავკარგეთ მის გარშემო ბოდიალსა თუ დასვენებაში...როდესაღაც გაგვახსენდა, რომ მთაზე ასასვლელად ვიყავით წამოსულები, ავირაზმეთ ისევ და აღმართების კეცვას მოვყევით. მარშუტი ორი დღისთვის საკმარისზე მარტივი გამოდის. სიმაღლეს თავიდან წევ, სატყეო გზა თითქმის ღორინამკალის წვერამდე მიდის. გზად მეტყევეებიც შეგხვდებიან. ამინდი გადასარევი იყო, მაგრამ ტალახს ვერ ავცდით. მოკლედ საღამომდე ვიარეთ, ტალახი ვზილეთ და სადღაც მარშრუტის შუაში დავბანაკდით. ღამე იყო კოცონით, ცხელი ჩაით, ცაზე ათასი ვარსკვლავით და გოგოური ამბებით გატენილი. მეორე დღეს სიმაღლე თითქმის აღარც აგვიწევია, ქედზე გავუყევით. ხედებით ტკბობაში კილომეტრები ისე დავფარეთ, რომ ვერც კი ვიგრძენით და ღორინამკალას უკნიდან მოვუარეთ, რამდენადაც კლდოვანია წინა მხარეს, იმდენად მარტივი ასასვლელია უკანა მხრიდან. ღორინამკალაავედით, ჯვართან წავიხემსეთ, ხედებით დავტკბით. კარგ ამინდში ერთნაირად ჩანს კავკასიონის აღმოსავლეთ მხარე, დასავლეთით თოვლიანი სამეცხვარეო იმშვენებდა თავს, ( ბორჯომ-ხარაგაულის უმაღლესი წერტილია).ხედი ღორინამკალადანსამხრეთით კი ატენის ხეობის მშვენება, მთა "გვირგვინა" ისე იპრანჭებოდა, რომ მაშინვე დავთქვით, " შემდეგი გასვლა იმ ლამაზმანს უნდა ეკუთვნოდესო" ...
არ დაგიმალავთ და ხაშურის ზემოდან დანახვამ გამაკვირვა, ქალაქი იმაზე დიდი ყოფილა, ვიდრე ოდესმე დავფიქრებივარ  რომ იყო. ნაცნობ ქუჩებს ვეძებდით ზემოდან, თან ბროწეულს ვიკიკნებოდით და მადლიერებას გამოვხატავდით ამინდისთვის რომ ასეთი ხედებით ტკბობის საშუალება მოგვცა.
მალევე დავეშვეთ.  დაშვებისას საოცრად ლამაზი ბილიკი ვიპოვნეთ. ძველი მეტყევეების მიერ "გაჭრილი" ალბათ, ეტყობოდა წელს კაცი შვილს ფეხი არ დაედგა, იყო ველური ფერადი და ლამაზი... დაახლოებით ორ საათში უკვე სოფელ დამჩხრეულაში მოვაბიჯებდით. გამოვედით მაგისტრალზე და ერთხელ კიდევ ავხედეთ სიმბას გადმოსახედს, ვაღიარეთ რომ იმ მთებიდან, რომლებიც ქალაქის  "ყურისძირში" მდებარეობენ ერთ-ერთი ყველაზე საყვარელი მთა ღორინამკალი იყო... ისიც ვაღიარეთ, რომ მარშრუტი ზაფხულის ერთდღეში სრულებით მოსწრებადია ... 
ხაშურის უგემრიელეს ლობიანებს მივაკითხეთ (რომლებსაც არაფრის დიდებით არ მიგასწავლით) და შინისკენ ავიღეთ გეზი 

კარგს შაბათ-კვირას გისურვებთ მეგობრებო ქალაქ გარეთ ^_^ 

მსგავსი
31 July 2018

აუცილებლად სანახავი ადგილები აჭარაში

თუ დასასვენებლად შავი ზღვის სანაპიროს ირჩევთ, შეგიძლიათ დასევენების პერიოდში განსხვავებული ...

12 July 2018

ველო ტურიზმი საქართველოში

საქართველოში ბოლო პერიოდში ექსტრემალური ტურიზმის სხვადასხვა სახეობა ვითარდება. ერთ-ერთი ყველაზე პოპულარული ველო ტურიზმია. ...

06 July 2018

თუ სოკო გინდა - პიკნიკი ბაკურიანში

მოგეხსენებათ ბაკურიანიდან არის გადასასვლელი ტაბაწყურისკენ, სწორედ ამ ტერიტორიაზე ალპურ ზონაში უამრავი ცხვარი ყავთ მეცხვარეებს ა...

03 July 2018

კვარათხევი - ზაფხულის ცხელ დღეს

წოდორეთიდან რამდენიმე ხეობაში ჩავდივართ. რამდენიმე დღის წინ ერთ-ერთ მათგანი, კერძოდ კვარათხევი აირჩია მეგობარმა, ყიჟინა ...

28 June 2018

საქართველოს საუკეთესო ხედები, სადაც მისვლა ადვილია

ვის არ გვინახავს სოციალურ ქსელში ჩვენი მეგობრების მიერ გაზიარებული სელფები, სადაც ფონად ულამაზესი ხედები იშლება. ზოგიერთი ...

25 June 2018

ყარაყაი - იგივე შავი კლდე

ყარაყაი იგივე შავი კლდე, თრიალეთის ქედის უმაღლესი წერტილია და 2850 მეტრს აღწევს.  აქ ჩვენი მეგობრებიც ნამყოფნი...

05 June 2018

ქუთაისიდან სათაფლიაში

ქუთაისიდან სათაფლიაში ტრადიციული, ასფალტდასხმული ტრასა და რომელიღაც ნომერი სამარშრუტო ტაქსი დადის, ასე რომ მავანს შესაძლოა აზრა...

03 June 2018

1 დღიანი გასვლა - წვერი-მსხალდიდი

ამ პოსტში გეტყვით იმ ერთდღიან ქალაქიდან გასვლაზე, რომელიც წინა კვირას საკუთარ თავს მოვუწყვე. ბევრი სიარული, ხედები, პ...

09 May 2018

ქუთაისი რომ ქალაქია...

მრავალი ათასწლეულის წინ თეთრქვებიანი მდინარის ხეობაში, გორაკებზე კოლხები დასახლდნენ. დასახლება ნელ-ნელა გაიზარდა და... დანარჩენ...

09 May 2018

როგორ დავქორწინდეთ მთაზე

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად. მთაზე ქორწინება მრავალნაირად შეიძლება...