12 February 2018
  • 1744 ნახვა

მიწისქვეშა საქართველოში - მურადის მღვიმე

სპელეოტურებს განსაკუთრებული ხიბლი ახლავთ თან - ტოვებ მიწის ზედაპირს, ეშვები მაქსიმალურად დაბლა, ხის ფესვებზე ქვემოთ და ცდილობ სიბნელეში, ფარნის შუქზე აღმოაჩინო ის საოცრება, რასაც მღვიმეები სთავაზობენ ექსტრემალ მოლაშქრეებს. თუმცა განსაკუთრებულად ჯადოსნური მსგავსი მოგზაურობა მაშინ ხდება, როდესაც მღვიმეს იქ იპოვნი, სადაც არ ელოდები. პლუს ამას, მსოფლიოში უნიკალურ, უცნაური ფორმის ნაღვენთ ფორმებსაც შეავლებ თვალს.
რაჭისა და ტყიბულის გასაყარზე, სადღაც ცხრაჯვართან ახლოს საქართველოს მიწისქვეშეთი უნიკალურ, ბურთებიან დარბაზს მალავს. ქვაბულს პირობითად ''მურადის მღვიმე'' ეწოდება და იგი რამდენიმე წლის წინ, ნოემბრის ერთ ცივ და თოვლიან დღეს სრულიად შემთხვევით აღმოაჩინეს მთამსვლელთა და მოგზაურთა კლუბ ''თეთნულდის'' წევრებმა.
მურადის მღვიმე
თოვლიან ბილიკებს რომ გაივლი, ფეხქვეშ აჭრიალებულ ბილიკებს მოიტოვებ , სწორედ იქ დაუღია ხახა ჰადესის სამფლობელოს. მღვიმეში, ჯადოსნურ ბურთებამდე ჩასვლა ალპინისტური და სპელეოლოგიური აღჭურვილობისა და ამ აღჭურვილობის გამოყენების მცოდნე ადამიანის გარეშე შეუძლებელია. გაივლი ქვის მდუმარე კედლებს, ძაბრისებრ ხვრელში ჩაეშვები და თვალწინ დარბაზი გადაგეშლება. ტემპერატურა აქ მუდმივად ერთნაირია, ყურს მხოლოდ წყლის წვეთების მონოტონური წკაპუნი წვდება, წყლის სარკისებრ ზედაპირზე ირეკლება ბზივნარე სტალაქტიტები. კირქვისაგან შექმნილი ეს ბებერი ბურთები, რომლებიც ოდესღაც მღვიმეში ჯერ წყლის ქვეშ, შემდეგ კი წყლის ზემოთ განვითარდნენ, ინახავენ დედამიწის ყველა საიდუმლოს, რაც უნახავთ და გაუგონიათ. გამოქვაბულში უცნაური, ჯერ თვალით არნახული ცხოველების ჩონჩხის პოვნასაც შეძლებთ და, თუ ძალიან დაძაბავთ მხედველობას, ქვაბულის საოცარ არსებებსაც აღმოაჩენთ წყალში ან ქვის კედლებზე.
სპელეოტური, მურადის მღვიმე
მღვიმის მაქსიმალური სიგანე დაახლოებით 5-7 მეტრია, ხოლო სიმაღლე 45 მეტრზე მეტს შეადგენს. გამოქვაბული კი სამი ჭით ბოლოვდება, რომელიც  დაახლოებით 15 მეტრის სიღრმისაა. ქვაბული დღემდე სპეციალისტების შესწავლის ობიექტს შეადგენს და ვიზიტორებისათვის დახურულია. აღსანიშნავია ისიც, რომ მსგავსი ნაღვენთი ფორმები არა მხოლოდ საქართველოსთვის, მსოფლიოსთვისაც კი უნიკალურია. 


 

მსგავსი
15 August 2017

ბორჯომი , და არა მარტო...

დარწმუნებული ვარ ქალაქში, რომელზეც ახლა უნდა ვისაუბრო, ყველა თუ არა უმეტესობა თქვენგანი მაინც არის ნამყოფი და შეიძლება ეს თქვენ...

10 August 2017

ისტორიული ახალციხე

ამჯერად ეს პოსტი ოდნავ განსხვავებული იქნება, რადგან ქალაქი, რომელზეც უნდა მოგიყვეთ, ჩემი მშობლიური ქალაქია. რა თქმა უნდა,&...

24 July 2017

საირმე – მწვანე მარგალიტი

 თუ მწვანე თქვენი საყვარელი ფერია, მაშინ საირმე აუცილებლად შეგიყვარდებათ, მაგრამ, რა თქმა უნდა, ეს არ არის აუცილებელი პირო...

11 May 2017

ნავენახევის მღვიმე - 210 მეტრიანი მღვიმე თერჯოლაში

განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 210 მეტრის სიგრძის ორსართულიანი მღვიმე ჯერ კიდევ...

05 April 2016

ბირთვისები - აუღებელი ციხე

ბირთვისის ციხის კომპლექსი ქვემო ქართლში, ალგეთის ხეობაში თეთრიწყაროდან ჩრდილო-აღმოსავლეთით  მდებარეობს. ბირთვისი ბუნების  გამორ...

08 March 2016

ლაგოდეხი, ნინოსხევის (გურგენიანის) ჩანჩქერი

ჩანჩქერის სანახავად საუკეთესო პერიოდი გვიანი გაზაფხულიდან ზაფხულის ბოლომდეა, მაშინ, როცა ყველაფერი გაფოთლილია და ტემპერატურა საკმა...

06 March 2016

Lake Paliastomi - Kolkheti National Park

Lake Paliastomi  is a small lake near the city of Poti, Georgia, connected to the Black Sea by a narrow channel. Its surface area ...

20 December 2015

Ski splendidly in Georgia - Hatsvali

Mestia  is a highland townlet  in northwest Georgia, at an elevation of 1,500 metres (4,921 feet) ...

07 December 2015

Focus on Georgian Wines and the Traditional Method of Winemaking

Georgia, a land of 520 grape varieties and an 8000 year history of winemaking, proudly maintains its status as the birthplace of w...

01 December 2015

Ski splendidly in Georgia - Bakuriani

A two and half hour drive from Georgia's capital will bring you to Bakuriani - the ski and health resort set at an altitude of 170...