09 May 2018
  • 9566 ნახვა

როგორ დავქორწინდეთ მთაზე

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად.
მთაზე ქორწინება მრავალნაირად შეიძლება - ახლავ სადმე, მაღალ მთაზე, სადაც საყდარია, როგორც ''შერეკილებში'' ამბობენ, იფსკვნი ჯვარს შენს გულისსწორზე და მორჩა. მეორე ხერხი ასეთია - ახვალ მთაზე, საიდანაც საოცარი ხედები იშლება და მთა შენს გულში სამუდამოდ რჩება, დაახლოებით ისე, როგორც ოცნების მამაკაცი/ქალი.
მოცემულ პოსტში  ქორწინების პირველ ხერხზე გესაუბრებით და მცირე რჩევებსაც მოგაწვდით.
მაშ ასე, როგორ დავქორწინდეთ მთაზე?
და რაც მთავარია, რომელ მთაზე.
ჯვრისწერა ხვამლზე
ბოლო წლებში მთებში მდებარე საყდრებში ჯვრის დაწერა საკმაოდ მოდური გახდა. პირველობას და ერთადერთობას არავის უთმობს ულამაზესი გერგეტი. თუმცა, საქართველოში გერგეტის გარდა უამრავი მთის სალოცავია, სადაც შეგიძლიათ ჯვრისწერის რიტუალის აღსრულება.
ჩვენც ცოტა სხვანაირად გადავწყვიტეთ. ჩვენ _ანუ მე და ჩემმა აწ უკვე მეუღლემ. ჩემი ჯვრისწერა ლეჩხუმში, მთა ხვამლზე მდებარე წმინდა გიორგის სალოცავში შედგა.
თუ ჯვრისწერა მთაზე გადაწყვიტეთ, ეცადეთ ორგანიზებაში მხოლოდ ასვლა, საეკლესიო რიტუალი და რამდენიმე ფოტო არ შედიოდეს.

ქორწილი მთაში
ადით რამდენიმე დღით ადრე. რა თქმა უნდა, არასაქორწილო ტანისამოსით. აუცილებლად შეარჩიეთ ორიგინალური ლოკაციები ფოტოებისათვის ფოტოგრაფთან და მომავალ მეუღლესთან ერთად. ქორწილის დღეს ძალიან, ძალიან ადრე უნდა მოხვდეთ მთაზე. შეეცადეთ თან მაკიაჟის გაკეთების ოსტატი მეგობარი იყოლიოთ. თმის შესაბამისად გაკეთება წინა დღითაც შეგიძლიათ სალონში. თუ ფოტოსესიას ჯვრისწერამდე მოასწრებთ, დღის სინათლე თქვენი ფოტოებისათვის ''იმუშავებს'', თუ არადა შეეცადეთ, გვიან საღამომდე, ან თუნდაც ღამითაც დარჩეთ კარავში, რომ ჩამავალი მზის ფონზე ან გამთენიისხანს ახალამოწვერილი მზის სხივებით ზღაპრული ფოტოები მიიღოთ.

ჯვრისწერა მთაში
თან აუცილებლად წაიღეთ სხვადასხვა ნივთები, რომლებსაც თვლით რომ ფოტოსესიისათვის გამოგადგებათ.
ქორწილი მთაში
ახლა კი ცოტა ჯვრისწერისათვის ორიგინალური ადგილების შესახებ. გერგეტის სამება, რა თქმა უნდა, კარგია, მაგრამ სხვა ბევრი ლამაზი ადგილიც არსებობს. მაგალითად: ხვამლის წმინდა გიორგის ეკლესია ლეჩხუმში, ჯვრის დაწერა შეგიძლიათ ასევე ცხრაჯვარზეც, ტყიბულთან ახლოს, ბნელა საყდარი მცხეთის მუნიციპალიტეტში, სოფელ კევლიანში მდებარეობს, აგურის საყდარი მდებარეობს სოფელ საგურამოში, ილია ჭავჭავაძის სახლ-მუზეუმის სამხრეთით 3-4 კილომეტრზე, ხშირტყიან მთის ფერდობზე, ხოტევი — მდებარეობს რაჭაში, ლაშარი, თამარ ღელე, კვირია, კვირაცხოველიქმოდის წმინდა გიორგი— მდებარეობს ფშავში.
ბედნიერ ქორწინებას გისურვებთ.


მსგავსი
10 August 2017

ისტორიული ახალციხე

ამჯერად ეს პოსტი ოდნავ განსხვავებული იქნება, რადგან ქალაქი, რომელზეც უნდა მოგიყვეთ, ჩემი მშობლიური ქალაქია. რა თქმა უნდა,&...

24 July 2017

საირმე – მწვანე მარგალიტი

 თუ მწვანე თქვენი საყვარელი ფერია, მაშინ საირმე აუცილებლად შეგიყვარდებათ, მაგრამ, რა თქმა უნდა, ეს არ არის აუცილებელი პირო...

11 May 2017

ნავენახევის მღვიმე - 210 მეტრიანი მღვიმე თერჯოლაში

განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 210 მეტრის სიგრძის ორსართულიანი მღვიმე ჯერ კიდევ...

05 April 2016

ბირთვისები - აუღებელი ციხე

ბირთვისის ციხის კომპლექსი ქვემო ქართლში, ალგეთის ხეობაში თეთრიწყაროდან ჩრდილო-აღმოსავლეთით  მდებარეობს. ბირთვისი ბუნების  გამორ...

08 March 2016

ლაგოდეხი, ნინოსხევის (გურგენიანის) ჩანჩქერი

ჩანჩქერის სანახავად საუკეთესო პერიოდი გვიანი გაზაფხულიდან ზაფხულის ბოლომდეა, მაშინ, როცა ყველაფერი გაფოთლილია და ტემპერატურა საკმა...

06 March 2016

Lake Paliastomi - Kolkheti National Park

Lake Paliastomi  is a small lake near the city of Poti, Georgia, connected to the Black Sea by a narrow channel. Its surface area ...

20 December 2015

Ski splendidly in Georgia - Hatsvali

Mestia  is a highland townlet  in northwest Georgia, at an elevation of 1,500 metres (4,921 feet) ...

07 December 2015

Focus on Georgian Wines and the Traditional Method of Winemaking

Georgia, a land of 520 grape varieties and an 8000 year history of winemaking, proudly maintains its status as the birthplace of w...

01 December 2015

Ski splendidly in Georgia - Bakuriani

A two and half hour drive from Georgia's capital will bring you to Bakuriani - the ski and health resort set at an altitude of 170...

27 November 2015

Ski splendidly in Georgia - Gudauri

A mountain ski resort situated on a south-facing plateau of the Greater Caucasus Mountain Range - surrounded by some of Europe's m...