03 July 2018
  • 6899 ნახვა

კვარათხევი - ზაფხულის ცხელ დღეს

წოდორეთიდან რამდენიმე ხეობაში ჩავდივართ.
რამდენიმე დღის წინ ერთ-ერთ მათგანი, კერძოდ კვარათხევი აირჩია მეგობარმა, ყიჟინა შემოგვძახა და ჩვენც გასაგრილებლად მწკრივში ჩავეწყეთ...
ეს ხუმრობით და ისე მართლაც რომ კარგი დღე გამოვიდა... დილით წოდორეთში ავედით, იქიდან ფეხით ჩავუყევით ხეობას. ჯერ ერთ ხელოვნურ ჩანჩქერს მივადექით, ზურგით რომ შეეშვირები და ზაფხულის გემოს იგრძნობ...
შემდეგ ზემოთ ავუყევით . დაახლოებით 1 საათის მანძილზე მიჭყაპუნობ პატარა ხეობაში. წყალი სეზონის მიხედვით იცვლება თუმცა ზაფხულში მუხლამდე ძლივს გწვდება. რამდენიმე ადგიალს კი კარგ ჯაკუზს იკეთებს, ისეთს რომ უნდა გაირბინო და პირველი ჩახტე სანამ სხვები აგიმღვრევენ...
ხეობა ვიწროა და ძალიან გრილი. მთავარ პუნქტთან მისულს უკვე იმდენად აღარ მცხელოდა, რომ დასველება მეზარებოდა კიდეც...
მაგრამ აბა რისთვის ავედით თუ " ჯაკუზში " არ ჩავხტებოდით...
მივადექით თუ არა მთავარ "ჯაკუზს" მოვიძიეთ ჩანთებში 5 ლიტრიანები, "კუდუსუნის ბავშობისდროინდელი" დასაცავი ამბავია... და დაიწყო მერე სრიალი.. გრიალი... ღრიალიც... 
ზოგი მარტო ეშვებოდა, ზოგი 3 ერთად და ბოლოს 5-ზეც ავედით... დანარჩენზე ქვეშსაგები არ გვეყო...
წესები მარტივი იყო: იწყებდი თავიდან, ჩასრიალდებოდი და რაც შეგეძლო უსაფრთხოდ, მაგრამ პომპეზურად უნდა გაგედინა ტყლაპანი წყალში...
ერთადერთი ნაკლი ის იყო, რომ წყალი ოდნავ შლამიანი დაგვხვდა ... თუმცა! პრობლემა სულ გადაწყდება თუ მოინდომებ.!
სანამ ჩვენ ვსადილობდით რამდენიმე მეგობარმა "ჯაკუზის ამოსუფთავება" დაიწყო. შემდეგ იქვე (რომ არ ვიცი საიდან გაჩნდა) მილი იპოვნეს. მარტივი მექანიზმი აამუშავეს და 15 წუთში მთლიანად ამოტუმბეს წყალი ჩვენი ჩასახტომიდან. მერე სილა და შლამიც ამოიღეს და გავსებას დაველოდეთ...
შედეგი ერთი-ათად ემჩნეოდა და ამ ამბავმა ყველას გაგვიათმაგა სურვილი, რაც შეიძლება მალე ჩავსრიალებულიყავით...
დაახლოებით 3 საათი ამ ამბავში ვიყავით. ხან ვისვენებდით, ხან ვსადილობდით, ხან ვსრიალებდით, ხან უბრალოდ წყალში ვისხედით...
მერე ეგეც მოგვბეზრდა და გზას უკან დავადექით... გავიარეთ მთლიანი ხეობა... და ძველ ვეზისში ჩავედით. იქიდან უკვე სოფელ დიღომში ამოვუხვიეთ და სახლებში დავიშალეთ. კვარათხევი
სულ რაღაც 5 საათი წაიღო დღემ, რომელმაც გამართო გამაგრილა და თავი დამამახსოვრა მშვენიერი ემოციებით...
ხოუდა. დაგეგმე. წადი. ნახე. იპოვნე და გაერთე. ^_^ ..


მსგავსი
06 December 2017

კინჩხა - სამი წლის წინ და დღეს

"მოვიარე გორდი, კინჩხა  ვერ ვიპოვე მჭადის ფინჩხა” ყვება ქართული ხალხური ლექსი ხ...

27 November 2017

რატომ უნდა წავიდე ზამთარში აბასთუმანში?!

თითქმის ყველა სეზონზე ვარ აბასთუმანში ნამყოფი და უნდა გამოგიტყდეთ, რომ ჩემი საყვარელი პერიოდი ამ ადგილისთვის გაზაფხულის მიწურილ...

10 November 2017

ლაშქრობა პირველი - გერგეტის სამება

იცით როგორია პირველი ლაშქრობა? იმ თხილიანი შოკოლადის გემო აქვს, სულის მოსათქმელად , შესვენებისას რომ ნეტარებით ჩაკბეჩ და ენერგი...

18 October 2017

საღამოს ტბა - არაფრის კეთების დღე სამცხე-ჯავახეთში

სამცხე-ჯავახეთი. შემოგდომა. საღამოს ტბა. ...

12 October 2017

მაჭის ციხე - შემოდგომა ლაგოდეხის ნაკრძალში

ლაგოდეხის ნაკრძალი რაოდენ მშვენიერი სანახავია, ამის მოყოლას არ დავიწყებ. ჩვენს დიდ უმრავლესობას იქ ზაფხულობით დაგვისვენია, თუმც...

21 September 2017

რა მასწავლა კახისის ტბამ

მიყვარს შემოდგომა. მიყვარს ბევრი მიზეზის გამო:  იმიტომ, რომ  მთაში ჩაის გემო ეძლევა, იმიტომ, რომ შარფების ხმარებას ვი...

29 August 2017

ვარძია - მოგზაურობა მესხეთში

მესხეთში მოგზაურობა წარმოუდგენელია ვარძიის ნახვის გარეშე. ვარძია ხომ არა მარტო მესხეთის, არამედ მთლიანად საქართველოს ისტორიის გ...

29 August 2017

ზარზმა/ჭულევი - მოგზაურობა მესხეთში

ზაფხულის უდიდეს ნაწილს მესხეთში ვატარებ, ამიტომ ვცდილობ დასვენება მოსაწყენი და ერთფეროვანი არ იყოს. მესხეთი კი ბევრ შესაძლებლობ...

21 August 2017

აბასთუმანი - მოგზაურობა მესხეთში

გრძელდება ჩემი მესხური მოგზაურობა. ამჯერად მინდა მოგიყვეთ საქართველოს ერთ-ერთ უმნიშვნელოვანეს კურორტზე - აბასთუმანზე. ახალციხიდ...

15 August 2017

ბორჯომი , და არა მარტო...

დარწმუნებული ვარ ქალაქში, რომელზეც ახლა უნდა ვისაუბრო, ყველა თუ არა უმეტესობა თქვენგანი მაინც არის ნამყოფი და შეიძლება ეს თქვენ...