30 March 2019
  • 3804 ნახვა

მთა საცხენისი

          "როგორც საძროხე ქვაბს ოხშივარი, ქართლის ხეობებს ასდით ნისლები"

  ლეონიძეს ნამდვილად ესმოდა რაზე საუბრობდა. ორი დღის მანძილზე მეც სრულად ვიგრძენი ამ სიტყვების მნიშვნელობა...

  საცხენისი. შიდა ქართლში, თრიალეთის ქედზე წამომართილი კიდევ ერთი მთაა, 2030 მეტრის სიმაღლის. მეგობრებთან ერთად ამ მთაზე ზამთრის დასაწყისში ვიყავი. ორი დღის მანძილზე ვმოძრაობდით ნისლებში, მართლაც რომ ოხშივარს რომ მოგაგონებდათ, გარკვეულ მისტიურობას შეგძენდათ და გაიძულებდათ გეფიქრათ რომ ამ წამამდე, ამაზე მშვენიერი არაფერი გინახავთ...ვიარეთ ტყეებში, დავბანაკდით ალპურ ზონაში, და დავეშვით ხეობებით.

  წანწალი დავიწყეთ სოფელ ზემო ხვედურეთიდან, მთლიანად მანძილი 30 იოდე კილომეტრზე მეტად არ გაჭიმულა. მოძრაობის დაწყებიდან მალევე სარკის (სარყის) წმინდა გიორგის მონასტერი შეგვხვდა. წმინდა გიორგის სახელობის ეკლესია XVII საუკუნეშია აგებული, გასულ საუკუნეს კი აქ მონასტერი აღუდგენიათ. უამრავი ლეგენდაა სარყის მონასტრის გარშემო, მაგრამ ერთ-ერთი განსაკუთრებით დამამახსოვრდა... მონასტერში წმინდა გიორგის ხატისთვის უშვილოები ხშირად ამოდიან და ლოცულობდნენ, მადლიერების ნიშნად კი ეკლესიას აკვანს სწირავდნენ, წლების წინ აკვნები ეკლესიის გარშემო ყოფილა დაწყობილი. ახლა მსგავს ვერაფერს ნახავთ, მაგრამ ეს კადრი რომ წარმოვიდგინე რაღაც ძალიან უცნაური და მძაფრი განცდა დამეუფლა...

 

  სარკის მონასტერს გავცდით, წიწვოვანი და შერეული ტყე ავიარეთ. იყო ადილები დათოვლილი ხეებით  მოძრაობას რომ გადაგაფიქრებინებდა. ვიდექი ცაში ვიყურებოდი და ტავი ზღაპრის გმირი მეგონა. მალევე საბანაკეს მივადექით.1900 ზე, ალპურ ზონაში დავბანაკდით. საცხენისთან ძალიან ახლოს. ეს იყო ერთ-ერთი ყველაზე ლამაზი საბანაკე ადგილი წელს.

  თოვლის უდაბნო. სუფთად ალპური ზონა დაფარული თოვლით.საღამოს თოვა დაიწყო. თოვდა ძალიან ნელა, აუჩქარებლად მაგრამ უზარმაზარი ფიფქებით. დილას უკვე ძლივს გავბერტყეთ კარვები. თოვლი იყო ისეთი ფაფუკი რომ კარვიდან გადაბერტყვა მენანებოდა. იყო ღამით ათასობით ვარკსვლავი ცაზე. მაგრამ ეს ყველაფერი არაა. საბანაკეს ოდნავ აცდებოდი თუ არა განათებული ცხინვალი ხელის გულივით ჩანდა, აქედან ისე ახლოს იყო. თითქოს აქ რამეს დაიყვირებდი და იქ ვინმე გაიგოენბდა.

 დილას უკვე მთელი ოკუპირებული სამაჩაბლო ხელის გულივით ჩანდა. ამინდში გაგვიმართლა და საცხენისიდან ულამაზესი ხედი გადაიშალა. ქართლი დუღდა. დუღდა და ხეობიდან ხეობაში გადმოიოდა. უსაზღვრო სიყვარული იღვრებოდა ჩემში ამ ნისლების შემყურე. თავს მშვიდად და დაცულად გრძნობ. თვალის მოწყვეტა გენანება ამ კადრებისთვის. ჩრდილოეთით კავკასიონი ნათლად არ ჩანდა მაგრამ რამდენიმე მწვერვალი გაირჩეოდა... სამხრეთით მწვერვალი არჯევანი გვაწონებდა თავს. საცხენისზე შევისვენეთ და აქედან უკვე ქედებზე გავაგრძელთ ისევ ჩრილოეთის გზა, გადავიარეთ უსახელო თუ სახელიანი მთები და დავეშვით სოფლებისკენ.

 

ეს იყო ბედნიერი, ლამაზი კადრებით გატენილი გასვლა.

ასე რომ, ყველას ვისაც სიარული გიყვართ გირჩევთ სანამ დაცხება, მოასწროთ. დატკბეთ ხედებით და იგრძნოთ რას ნიშნავს ემოციების დუღილი


მსგავსი
31 July 2018

აუცილებლად სანახავი ადგილები აჭარაში

თუ დასასვენებლად შავი ზღვის სანაპიროს ირჩევთ, შეგიძლიათ დასევენების პერიოდში განსხვავებული ...

12 July 2018

ველო ტურიზმი საქართველოში

საქართველოში ბოლო პერიოდში ექსტრემალური ტურიზმის სხვადასხვა სახეობა ვითარდება. ერთ-ერთი ყველაზე პოპულარული ველო ტურიზმია. ...

03 July 2018

კვარათხევი - ზაფხულის ცხელ დღეს

წოდორეთიდან რამდენიმე ხეობაში ჩავდივართ. რამდენიმე დღის წინ ერთ-ერთ მათგანი, კერძოდ კვარათხევი აირჩია მეგობარმა, ყიჟინა ...

28 June 2018

საქართველოს საუკეთესო ხედები, სადაც მისვლა ადვილია

ვის არ გვინახავს სოციალურ ქსელში ჩვენი მეგობრების მიერ გაზიარებული სელფები, სადაც ფონად ულამაზესი ხედები იშლება. ზოგიერთი ...

25 June 2018

ყარაყაი - იგივე შავი კლდე

ყარაყაი იგივე შავი კლდე, თრიალეთის ქედის უმაღლესი წერტილია და 2850 მეტრს აღწევს.  აქ ჩვენი მეგობრებიც ნამყოფნი...

05 June 2018

ქუთაისიდან სათაფლიაში

ქუთაისიდან სათაფლიაში ტრადიციული, ასფალტდასხმული ტრასა და რომელიღაც ნომერი სამარშრუტო ტაქსი დადის, ასე რომ მავანს შესაძლოა აზრა...

03 June 2018

1 დღიანი გასვლა - წვერი-მსხალდიდი

ამ პოსტში გეტყვით იმ ერთდღიან ქალაქიდან გასვლაზე, რომელიც წინა კვირას საკუთარ თავს მოვუწყვე. ბევრი სიარული, ხედები, პ...

09 May 2018

ქუთაისი რომ ქალაქია...

მრავალი ათასწლეულის წინ თეთრქვებიანი მდინარის ხეობაში, გორაკებზე კოლხები დასახლდნენ. დასახლება ნელ-ნელა გაიზარდა და... დანარჩენ...

09 May 2018

როგორ დავქორწინდეთ მთაზე

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად. მთაზე ქორწინება მრავალნაირად შეიძლება...

03 May 2018

თეთნულდი - ჩემი პირველი მწვერვალი

თუ თქვენ გადაწყვიტეთ დაკავდეთ ალპინიზმით იცოდეთ, რომ სპორტის ეს სახეობა არ გაძლევთ უსაფრთხოების გარანტიას, იმ შემთხვევებშიც კი,...