04 March 2019
  • 1706 ნახვა

უხმლოდ ხმალაზე

 

ხმალა.

ისეთი სახელი აქვს აღწერას აღარ საჭიროებს თითქოს. გაგონებისთანავე გიქმნის ადამიანს  წარმოდგენას დაახლოებით სად მიდიხარ...

ხმალა მთაა, თიანეთისა და დუშეთის რეგიონში. გააჩნია საიდან ახედავთ  2160 მეტრის სიმაღლის მისი "წაწვეტებული" წვერის გამო ეს სახელი უხდება. ყაზბეგისკენ მიმავლებს არაგვს იქიდან  გვეპრანჭებოდა წლების მანძილზე. შემდეგ მეგობრები, აისიდან ხალხი,  ავიდნენ და გვითხრეს რომ ერთი-დიდი რამე სიამოვნებააო...

მეტი რა გვინდოდა.  მარშუტი დაახლოები 20-23 კილომეტრს შეადგენს. სიმაღლეს კი 800 მეტრიდან კრეფ, თუმცა სანამ ალპურ ზონას მიაღწევ სიმაღლეს ფაქტიურად სამანქანო გზით კრეფ.  მოკლედ:  გავწერეთ ჩვენთვის  და წავედით აღსაწერად თქვენთვის .

იმედები ნამდვილად არ გაუცრუებია.

ხმალაზე შემოდგომის მიწურულს ვიყავით. აი ზუსტად იმ პერიოდში ზღმარტლი და კუნელზე სანადირო სეზონი რომ გვაქვს ხოლმე გამოცხადებული. დუშეთი მდიდარია ამ ხილით მაგრამ ეს ადგილი ნამდვილი საბადო იყო.

გვახსოვს ვიცინოდით რომ საბანაკე ადგილამდე შებინდებისას ძლივს მივაღწიეთ და ერთადერთი ხელის შემშლელი ფაქტორი მანდ ( თოვლი გათვალისწინებული იყო და არ ითვლება) ზღმარტლის და კუნელის ხეები იყო, ყოველ მეორე ნაბიჯზე. ჩვენ კი ნამეტანად "კუჭის მონები" ვართ იმისთვის რომ გვერდი, რომელიმე ხისთვის გულგრილად აგვევლო...

მოკლედ მაცდურთ გავცდით და სიმაღლის აკრეფასთან სისწრაფეც მოგვემატა.

მარშუტი სოფელ ცივწყაროდან დავიწყეთ და ღამე შეიძლება ითქვას ხმალადან გამომავალ ქედზე გავითენეთ. ხედები ყოველი მხრიდან საოცარი გვქონდა. საღამოს ვახშმისას ნაცნობ ადგილებს ვითვლიდით, იქ ის მთაა , იქ ის მონასტერი, იქ ის ქედი. ეს ხეობა იქ შედის , ის კიდევ აქ სრულდება... მოკლედ ხედებმა არ მოგვაწყინა.. ბევრგან ნამყოფები ვიყავით და უფრო ბევრგან ყოფნა გვეწადა. მომავალის ლამაზ კადრებს ვგეგმავდით. საშიშად ნათელი ღამე იყო, მყინვარწვერი კი მთავარის შუქს ისე ირეკლავდა როგორც არასდროს.

მეორე დღეს ქედი მელიების კვალდაკვალ გადავიარეთ. დაახლოებით საათ ნახევარში უკვე ხმალას წვერზე ვიყავით მოქცეულები. ამინდი საოცარი ხედებით ტკბობის საშვალებას გვაძლევდა.

ხმალას წვერზე ჯვარია აღმართული.  აქ სალოცავია. შევისვენეთ, ვისადილეთ და დაშვება ციცაბო დაღმართით დავიწყეთ სოფელ პავლეურისკენ.

დავკარგეთ თუ არა სიმაღლე, ტყეში შესვლისას ისევ მაცდურთა გარემოცვაში მოხვდით, ისევ ხან ამ ხეს "ვკბეჩდით" ხანაც იმას...

ბოლოს იმდენად "გავნაგლდით" სახლშიც მთელი გუდვილის პარკი კუნელი წამოვიღეთ. აბა, სამსახურში რამე ხომ უნდა ცმუცნო ადამიანმა?! უკეთეს რას იპოვი...

.

ასე იყო ეს ამბავი, ჩვენი და მთა ხმალასი.

ნამდვილად გირჩევთ შაბათ-კვირის ორი დღე გამოყოთ სანამ თოვლი ბოლომდე დადნება და მზე დააჭერს. ანდაც შემოდგომის გეგმებში შეიტანოთ ეს მართლაც რომ განსაკუთრებული ფორმების მქონე მთა საოცარი ხედებით.


მსგავსი
07 May 2018

რკონი - მთა ზირთა

ამ ზამთარს რკონში ყოფნისას (იხ. წინა პოს...

25 February 2018

ტიმოთისუბანი - მთა გვირგვინა

წლის ყველა სეზონი გამორჩეულად მიყვარს. თითქოს თითოეული მათგანი სუპერგმირია განსაკუთრებული შესაძლებლობებითა და ისტორიით. თითოეულ...

21 December 2017

ატენის ხეობა - ზამთრის სასწაული

ეს ერთ-ერთი გამორჩეული გასვლა ს.ო "აისმა" დაგეგმა. აისი  მრავალპროფილიანი აპოლიტიკური ორგანიზაციაა, რომლის შესახ...

21 August 2017

ჭაუხის უღელტეხილის გატეხვა

დიდი ხნის წინ გვინდოდა ჭაუხების უღელტეხილზე გადასვლა და აბუდელაურის ტბებზე ჩასვლა, თავიდან ზამთარში გვსურდა მარშუტის გავლა თუმც...

28 July 2017

ყელიწადის ტბა

ისე, მგონი ყველას გვინდა ცხელ ზაფხულს გავექცეთ. ზოგი მთაში გავრბივართ და ზოგიც ზღვაზე... გააჩნია, ვის როგორ გვცხელა.. მე...

21 March 2016

Ninoskhevi Waterfall - Lagodekhi Protected Areas

Lagodekhi Protected Areas - one of the world’s best-preserved, primitive area with diversity of natural landscapes – is located in...

21 February 2016

Dartlo Village, Tusheti

One of the most ecologically unspoiled regions in the Caucasus, Tusheti is a popular mountain-trekking venue. Unique, mysterious, ...

22 January 2016

Shatili – Medieval Fortress Village in Georgia

Shatili  is a historic highland village in Georgia. Located in the deep Arghuni gorge at approximate 1,400 meters, the village is ...

18 October 2015

ზღაპრული გუდამაყარის ხევი

გუდამაყარი  მდებარეობს მდინარე გუდამაყრის არაგვის ხეობაში.  მას ცალი მხრიდან ესაზღვრება მთიულეთი, მეორე მხრიდან კი  ხევსურეთი და ფ...

22 October 2015

თუშეთი ჩაბუდებული ბუნების სული

თუშეთი საქართველოს ულამაზესი კუთხეა. იქ, ზამთარში  თოვლი  5–6 თვის განავლობაში არ დნება. ხოლო ზაფხულში ტემპერატურა  14-15 გრადუსია...