22 September 2017
  • 477 ნახვა

შვედური ზღაპარი - გემი-მოჩვენების მუზეუმი (ნაწილი 2)

უკვე სტოკჰოლმში ვართ. ძირითადი გადაადგილების საშუალებაა მეტრო, ავტობუსი და პენდელი, ანუ მატარებელი ( ან თუ გნებავთ, მიწისზედა მეტრო). ძალიან რთულია, რომ სტოკჰოლმში დაიკარგო. იმიტომ, რომ ყველგან წარწერები ორ ენაზეა - შვედურად და ინგლისურად. მეტროს სადგურებში და ვაგონებში შეხვდებით რუკას, სადაც მთელი მეტროს სქემაა დატანილი.

სტოკჰოლმში სამი ხაზია - ლურჯი ხაზი, მწვანე ხაზი და წითელი ხაზი. როგორც ამბობენ, ყველაზე ლამაზი წითელი ხაზია, მაგრამ მე ყველა მეტროსადგური მომეწონა, სადაც მომიწია გამოვლა. მთავარი სადგური, ანუ T-ცენტრალი არის სტოკჰოლმის მეტროს გული და იმდენი ამოსასვლელი აქვს, თავბრუ მეხვეოდა როცა ამოვდიოდი. ამავე სადგურზე ჩერდება პენდელიც.

ზოგადად, სტოკჰოლმის მეტროს სილამაზე ცნობილია და ჩემი რჩევა იქნება, სადგურები დაათვალიეროთ. შეიძლება ბევრ საინტერესო რამეს წააწყდეთ.მეტრო სტოკჰოლმშიმეტროდან ამოსვლის შემდეგ სტოკჰოლმის ცენტრში მოხვდებით. ლამაზ, ძველებური სტილის შენობებს, ჩუქურთმებით და ყვავილებიანი აივნებით ჰარმონიულად ერწყმის თანამედროვე, მინის და მეტალის კომბინაციით შექმნილი შენობები. სწორედ ერთ-ერთ მათგანთან მოხდა ტერაქტი - ძალიან სამწუხარო ფაქტი შვედეთის უახლეს ისტორიაში.

გზად ბევრი მაღაზია, სასტუმრო და კაფე შეგხვდებათ. ერთ-ერთი შენობა გერმანული ეკლესიაა - უჩვეულოდ მაღალი, ლამაზი ექსტერიერით და მწვანე, წყნარი ეზოთი. დილაობით და საღამოობით ეკლესიის ეზოში უფასოდ არიგებენ საკვებს, ამიტომ, ნებისმიერ ადამიანს შეუძლია მივიდეს და დანაყრდეს. ეზოში შესაძლოა პიკნიკზე გამოსულ ხალხს, ხელიხელჩაკიდებულ წყვილებს და ბავშვებს გადაეყაროთ. 

სტოკჰოლმში ყველაფრის მუზეუმს ნახავთ, იქნება ეს ABBA, ასტრიდ ლინდგრენის მუზეუმი თუ სნუსის ან ფოსტის, ან თუნდაც, ტრანსპორტის მუზეუმი. ამიტომ, შეგიძლიათ გაეცნოთ მუზეუმების სიას ინტერნეტის მეშვეობით და გადაწყვიტოთ, რომელი უფრო ჯდება თქვენს გემოვნებაში. მე კიდევ აუცილებლად გირჩევთ, რომ ნახოთ Vasa Museum - ყველაზე შთამბეჭდავი სანახაობა, რაც შეიძლება მუზეუმში შეგხვდეთ.ცენტრალური ქუჩიდან მუზეუმისკენ საქართველოში გაუქმებული ტრანსპორტი - ტრამვაი დადის. ტრამვაიში სამგზავრო ბარათით ჩვეულებრივად ისარგებლებთ, თქვენთან ბარათის დასაფიქსირებლად თავის ფეხით მოვა მომღიმარი კონტროლიორი და რამდენიმე გაჩერებაში მოხვდებით მუზეუმთან.Vasa Museum, Stockholmმუზეუმი საკმაოდ დიდია და მოიცავს 7 სართულს. თუმცა, მთავარი ექსპონანტი შესვლისთანავე თვალში მოგხვდებათ - Vasa - გემი, რომელიც მეჩვიდმეტე საუკუნეში სტოკჰოლმის პორტიდან გავიდა და მალევე, დღემდე გაურკვეველი მიზეზების გამო ჩაიძირა. გემი ულამაზესია - ძალიან მდიდრული, ორიგინალური. ხის და სხვადასხვა ლითონებისგანაა მოპირკეთებული.vasa museumმუზეუმში შეგიძლიათ უყუროთ ფილმს გემზე და გაიგოთ სავარაუდო მიზეზები, თუ რატომ ჩაიძირა გემი. ნახავთ, როგორ შენდებოდა გემი - პატარა მაკეტზე მთელი პროცესია გამოსახული.ერთ-ერთ სართულზე შემზარავად რეალური მეზღვაურების ცვილის ფიგურები შეგხვდებათ. პირველი შემთხვევა იყო ჩემთვის, როცა ცვილის ფიგურასთან მომიწია შეხება და ძალიან კარგად იყო გადმოცემული მთელი ამბის ტრაგედია. ოფლით დაცვარულ სახიან ჭაღარა მეზღვაურს ცისფერ თვალებში ჩამდგარი ცრემლი უჩანს და ჩასაძირად განწირული გემიდან იყურება.vasa museumფიგურები ნამდვილად გადმოსცემენ გემზე არსებულ ატმოსფეროს. ნახავთ, როგორ ამოიღეს გემი ზღვიდან, როგორ მუშავდებოდა, როგორ იკვლევდნენ მისი ჩაძირვის მიზეზებს მეცნიერები. თუ დაგაინტერესებთ, შეგიძლიათ გაეცნოთ საინფორმაციო დაფებს მეტი ინფორმაციისთვის. ვასას მუზეუმი ძალიან პოპულარულია ტურისტებში - ვიკიპედიაზე დაყრდნობით, სულ ცოტა, 25 მილიონ ტურისტს უნდა ჰქონდეს ნანახი.

მუზეუმიდან გამოსულებს რამდენიმე ალტერნატივა გაქვთ - კიდევ ერთ მუზეუმს ეწვიოთ - Nordiska - სასახლის მაგვარ შენობაში განთავსებულ შვედეთის ისტორიის და კულტურის მუზეუმს, სხვა მუზეუმში წახვიდეთ, რამდენიმე გაჩერების გავლის შემდეგ საწყის წერტილს დაუბრუნდეთ. თუმცა, მე თუ წამომყვებით, შემდეგ პოსტში მოგიყვებით, სად შეიძლება წახვიდეთ ისე, რომ ცოტა ხნით ქალაქი საერთოდ დაივიწყოთ.. 

მსგავსი
29 November 2017

საირმე - ბოლაჯაური: დიდი ლაბორაოროტი, მეფის წყარო და ოქროს ციხე

მინდა მოგიყვეთ  ჩემს ერთ-ერთ ყველაზე ლამაზ გასვლაზე. ამჯერად საირმის დასაწყისიდან დავიწყეთ და ადიგენის რაიონში სოფელ ბოლაჯ...

13 October 2017

შვედური ზღაპარი - გასეირნება ღია ზღვაში (ნაწილი 4)

სტოკჰოლმი უზარმაზარი ქალაქია უამრავი მუზეუმით და ღირშესანიშნაობით, ლამაზი სკვერებით და კოხტა ქუჩებით, სადაც შეგიძლია უამრავი რა...

10 October 2017

კიდევ ვის უნდა ირანში? (ნაწილი 9)

2017 წლის თებერვალში  ჩემმა ორმა მეგობარმა და მე გადავწყვიტეთ ირანში გვემოგზაურა. მოვიგდეთ მძიმე ზურგჩანთები ზურგზე და ავტ...

28 September 2017

შვედური ზღაპარი - დაბრუნება ბავშვობაში (ნაწილი 3)

წინა ნაწილში  Vasa-ს მუზეუმზე ...

22 September 2017

შვედური ზღაპარი - გემი-მოჩვენების მუზეუმი (ნაწილი 2)

უკვე სტოკჰოლმში ვართ. ძირითადი გადაადგილების საშუალებაა მეტრო, ავტობუსი და პენდელი, ანუ მატარებელი ( ან თუ გნებავთ, მიწისზედა მ...

22 September 2017

შვედური ზღაპარი - რა? სად? როგორ? (ნაწილი 1)

თვითმფრინავი ისე დაჯდა, არაფერი გამიგია. ფანჯრიდან ვუყურებდი მწვანე სტოკჰოლმს და კოხტა, პატარა არლანდის აეროპორტის ასაფრენ ბილი...

21 September 2017

კიდევ ვის უნდა ირანში? (ნაწილი 8)

2017 წლის თებერვალში  ჩემმა ორმა მეგობარმა და მე გადავწყვიტეთ ირანში გვემოგზაურა. მოვიგდეთ მძიმე ზურგჩანთები ზურგზე და ავტ...

15 September 2017

ხევსურეთიდან თუშეთში

თუ აქამდე ჯერამც არ გიცდიათ ხევსურეთიდან თუშეთში გადასვლა, მაშინ ჯერ კიდევ გაქვთ ცოტა დრო ამ სეზონზევე მოასწროთ ეს სიამოვნება.&...

11 September 2017

კიდევ ვის უნდა ირანში? (ნაწილი 7)

2017 წლის თებერვალში  ჩემმა ორმა მეგობარმა და მე გადავწყვიტეთ ირანში გვემოგზაურა. მოვიგდეთ მძიმე ზურგჩანთები ზურგზე და ავტ...

05 September 2017

კიდევ ვის უნდა ირანში? (ნაწილი 6)

2017 წლის თებერვალში  ჩემმა ორმა მეგობარმა და მე გადავწყვიტეთ ირანში გვემოგზაურა. მოვიგდეთ მძიმე ზურგჩანთები ზურგზე და ავტ...