22 February 2019
  • 8368 ნახვა

დაუვიწყარი მოგზაურობა იამაიკაზე. Peace, One Love

იამაიკა - კარიბის ზღვის აუზში მდებარე ტროპიკული კუნძული, რომელიც ყოველი ჩვენთაგანისთვის რეგის ჰანგებთან და ბობ მარლის სახელთან ასოცირდება. აქ არ იციან რა არის ყოველდღიური რუტინა, აქ თავს არ იწუხებენ ზედმეტი პრობლემებით, ვერ წარმოუდგენიათ არსებობა მარიხუანის გარეშე და სრულიად კმაყოფილნი არიან საკუთარი ცხოვრების სტილით.

იამაიკა - სხვა სამყარო, რომელიც ჩვენგან 11 ათასი კილომეტრის დაშორებით მდებარეობს. აქ მოსახვედრად ყველაზე იაფი საშუალება არის ფრენები ევროპიდან - გერმანიის ქალაქებიდან პირდაპირი რეისებით დაფრინავს ავიაკომპანია Eurowings, დეკემბრის დასაწყისში ორ გზაში დაახლოებით 300 ევრო გადავიხადეთ, ფრენის ხანგრძლივობა 11 საათი. ქვეყანაში შესასვლელად საქართველოს მოქალაქეს ესაჭირეობა ტურისტული ვიზა, რომლის გაფორმებაც ხდება ადგილზე ჩაფრენისას, ფასი 100 დოლარია. თუმცა თუ თქვენ გადაწყვეტთ, რომ ნანატრი შვებულება ამ მხარეში გაატაროთ, მზად იყავით გარკვეული სირთულეებისათვის. ასე მაგალითად, მე და ჩემი მეგობრები დაგვაყოვნეს სასაზღვრო გამშვებ პუნტქზე, თითოეულს ცალ-ცალკე გამოგვკითხეს თუ სად და რისთვის ჩამოვედით, რამდენი ხნით ვაპირებდით დარჩენას, რა თანხა გვქონდა თან, რა გველაგა ჩანთებში, ჩამოგვართვეს პასპორტები და ვიზის ფული. დაახლოებით ორსაათიანი ლოდინის შემდეგ, იმიგრაციის სამსახურის ერთ-ერთმა თანამშრომელმა აგვიხსნა თუ რასთან იყო დაკავშირებული ეს აჟიოტაჟი - ჩვენდა გასაოცრად, აღმოჩნდა, რომ ქართველებს აქ ძალიან კარგად იცნობდნენ, სამწუხაროდ ცუდი კუთხით. მისი თქმით, ბოლო პერიოდის განმავლობაში დაფიქსირდა არაერთი შემთხვევა, როდესაც ქართული პასპორტის მქონე მოქალაქეები იამაიკის გავლით არალეგალურად გადადიოდნენ შეერთებული შტატების ტერიტორიაზე და ახლა, ჩვენზეც ჰქონდათ ამგვარი ეჭვი. ცენზურულად რომ ვთქვათ, ცოტა არ იყოს შოკირებულები ვიყავით ამ ინფორმაციით, იყო ძალიან დიდი რისკი იმისა, რომ დეპორტს ჩაგვირტყამდნენ. საბოლოოდ გაგვიმართლა და ალბათ დაიჯერეს, რომ მართლა დასასვენებლად ვიყავით ჩასულები - შეგვიშვეს ქვეყნის ტერიტორიაზე. აი ასეთი მოულოდნელი „სიურპრიზით“ დაიწყო ჩვენი იამაიკური დასვენება.

შემდეგი 7 დღე გავატარეთ ზღვისპირა კურორტ ნეგრილში. რბილი, თეთრი ქვიშა და გამჭვირვალე კამკამა წყალი ამ ადგილის სავიზიტო ბარათია. დამსვენებელთა ძირითად ნაკადს ამერიკელი ტურისტები შეადგენენ, ფასებიც სწორედ ამ კატეგორიაზე არის მორგებული. აზიის კურორტებთან შედარებით აქ სიძვირეა. ეგზოტიკური საჭმელებიდან იამაიკა ბევრს ვერაფერს შემოგთავაზებთ, ძალიან პოპულარულია ქათმის ბარბექიუ, რომელიც ლამის ყოველ ნაბიჯზე იყიდება, ერთი პატარა პორციის ფასი 5-6 დოლარია. რაოდენ საოცარიც არ უნდა იყოს, აქ ზღვის პროდუქტების სიუხვეს ვერ შეხვდებით, ამიტომაც ნუ გექნებათ ილუზია, რომ ყოველ საღამოს ლობსტერით ივახშმებთ. სამაგიეროდ, თუ ადგილობრივ ბაზარს ესტუმრებით, გექნებათ საშუალება ნაირ-ნაირი ეგზოტიკური ხილი დააგემოვნოთ.    

  

სასტუმროს რაც შეეხება, ერთ ადამიანზე ფასი დაახლოებით 180 დოლარი გამოვიდა, ტროპიკული ხეების ჩრდილში განლაგებული საკმაოდ სუფთა და კეთილმოწყობილი ოთახებით. ნეგრილში ცხოვრება მშვიდად და აუღელვებლად მიედინება, თითქოს ყველა და ყველაფერი მარიხუანის ზემოქმედების ქვეშაა. ეს უკანასკნელი კი აქ, რა თქმა უნდა, ყოველ ნაბიჯზე იყიდება.

კურორტის ყველაზე ატმოსფერული და დამსვენებელთა საყვარელი ადგილია Rick’s Cafe, რომელიც განლაგებულია ზღვის ნაპირთან მდებარე კლდეებზე. იამაიკელი ბიჭები სხვადასხვა სიმაღლის კლდეებიდან ასრულებენ ნახტომებს წყალში და ართობენ კაფეში შეკრებილ საზოგადოებას. ასევე, ნებისმიერ მსურველს შეუძლია გადმოხტეს სასურველი სიმაღლიდან, თუკი ეყოფა გამდებაობა. გარდა ამისა, Rick’s Cafe გთავაზობთ სასიამოვნო მუსიკასა და მეგობრულ გარემოს გემრიელი კოქტეილებითა და ულამაზესი ხედებს. ერთ-ერთი საუკეთესო ადგილია იმისათვის, რომ დატკბეთ მზის ჩასვლის პეიზაჟებით. 

საღამოობით ნეგრილში სიწყნარეა, შიგადაშიგ სანაპიროს ბარებში იმართება „ტუსოვკები“, სადაც ძირითადად, ადგილობრივი ახალგაზრდობა ერთობა იამაიკელი ჰიპ-ჰოპ შემსრულებლების მუსიკის ფონზე. 
    

ტურებიდან თქვენ შემოგთავაზებენ ჩანჩქერების მონახულებას, ღამის ტურს მანათობელი პლანგტონების სანახავად და რა თქმა უნდა, ტურს მარიხუანის პლანტაციებზე https://static.xx.fbcdn.net/images/emoji.php/v9/ta5/1.5/16/1f642.png?_nc_eui2=AeEoY2MYgk8B0fCIBAxkLCavHnQlb60FIS-tGo2181XX68gF2p6uenuf00bfDDdGU3drtxjPfbEpU9vNlt9KmscBEaM2R4agM8TURw2bEPFwfg:) 
ერთი სიტყვით, ნეგრილი არის ადგილი, სადაც უნდა წახვიდე ყოველდღიური გიჟური რუტინისგან თავის დასაღწევად, შვებულებიდან უკან დაბრუნებულს კი მუდამ გამოგყვება ლეგენდარული ბობ მარლის სიტყვები „Don’t worry about a thing, cause every little thing gonna be all right“ და გეცოდინება, რომ ყველაფერი ნამდვილად კარგად იქნება. Peace, One Love https://static.xx.fbcdn.net/images/emoji.php/v9/tf3/1.5/16/2764.png?_nc_eui2=AeHShZ3z7EfUlOA75S53LEMEJncq7DhiOlkK32f7rwh0pupYcMXUwSU3cVQvfawU2WbYCRZFdFqZ_oPhnkJW4TUqrko0R_HLiHwm-zBWAd5uwg 

ავტორი: გვანცა ქაჯაია


მსგავსი
24 May 2017

Если ты не был в Сванетии, ты не видел Грузии

„Только о двух вещая мы будем жалеть на смертном одре – что мало любили и мало путешествовали.” ...

24 May 2017

მწვანე ტბა - ტბა-საოცრება ზემო აჭარაში

მოგახსენებთ, თუ საიდან დაგვებადა ზემო აჭარაში, გოდერძის უღელტეხილთან ახლოს და სოფელ დიდაჭარის მთის გვერდით ე.წ. ,, მწვანე ...

22 May 2017

რაჭა ჩემი სიყვარული!

როცა ლაშქრობისთვის ემზადები, გუდა-ნაბადს აიკრავ და დასავლეთ საქართველოს ულამაზესი კუთხისკენ - რაჭისკენ ავტოსტოპით აპირებ წასვლა...

21 May 2017

გაღმა-გამოღმა ანუ ჭაუხის ორივე მხარეს

სოფელი სნო, ღამის 2 საათი. მთავარის შუქზე მოსიარულე სამი ბიჭის სიმღერის ხმა დიდი ქვების ჩრდილებს უვლის, მთებზე იზვირთება და უკა...

21 May 2017

დაუვიწყარი ტური ბატეთის ტბაზე

2016 წლის 19 ივნისს ბათუმიდან ერთ დღიან ექსკურსიაზე ჩემს მეგობრებთან ერთად ვიმოგზაურე ქარელის რაიონში. ჯგუფში ვიყავით ოცი ადამი...

20 May 2017

გუდარეხში ნაპოვნი ბედნიერება

 ცხოვრებაში ერთხელ მაინც აუცილებლად დგება მომენტი, როდესაც უბრალოდ უნდა ადგე და წახვიდე. არ აქვს მნიშვნელობა, ვინ იქნება შ...

19 May 2017

პილიგრიმული ტური მანგლისში და ჯავახეთში

გამარჯობათ მე ვარ ქეთევან ჭიღლაძე. ვცხოვრობ ქ. ქუთაისში. ვარ შ.შ.მ პირთა არასამთავრობო საქველმოქმედო ასოციაციის წევრი. ჩვენი ორ...

18 May 2017

მოგზაურობა, სადაც საკუთარ თავს პოულობ

ლაშქრობიდან დაბრუნებულს ერთი აზრი მიტრიალებს ხოლმე თავში - კარგი იყო, მაგრამ ჩამოსვლისთანავე შემდეგ მარშუტზე ვიწყებ ფიქრს. ალბა...

17 May 2017

სამცხე-ჯავახეთის საოცარი ხედები

მშვე­ნი­ე­რი დი­ლა გა­თენ­და, კა­ცი ‘გა­აპ­აპ­უტ­კებ­და“ ვფიქ­რ...

16 May 2017

ჩემი გერმანული არდადეგები

გამარჯობა, მე მარიამი ვარ. 11 წლის. მინდა ჩემი მოგზაურობის შესახებ მოგიყვეთ. მშობლებმა საჩუქარი გამიკეთეს და პირველად მომიწია ს...