1 ივლისიდან ფასის ლარში მითითება სავალდებულო ხდება

აზერბაიჯანული ავიაკომპანია „Azerbaijan Airlines“ საქართველოს მიმართულებით რეგულარული ფრენის სიხშრეს ზრდის. 2017 წლის 28 მარტიდან ავიაკომპანია, ბაქო-თბილისი-ბაქოს მიმართულებით ფრენებს კვირაში 8 სიხშირით შეასრულებს, ხოლო 2 მაისიდან კი დაამატებს კიდევ 2 სიხშირეს და ფრენები შესრულდება კვირაში 10 სიხშირით. აქამდე აზერბაიჯანული ავიაკომპანია ფრენებს კვირაში 7 სიხშირით ასრულებდა.

დამატებითი სიხშირეებით ოპერირებას „Azerbaijan Airlines“ ყოველკვირეულად - კვირას (28 მარტიდან), სამშაბათსა და ხუთშაბათს (2 მაისიდან) განახორციელებს. ფრენები Airbus A319 ტიპის საჰაერო ხომალდით შესრულდება.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ, ავიაკომპანიას გაზრდილი სიხშირით რეგულარული ფრენების შესრულებისათვის აუცილებელი ნებართვა 9 მარტს მიენიჭა.

ბორჯომის მუნიციპალიტეტის სამთო-სათხილემურო კურორტ ბაკურიანში ტრადიციულად აღინიშნება სახალხო-სპორტული დღესასწაული „ბაკურიანობა“. ღონისძიება წელს 24-25 თებერვალს გაიმართება.

ე.წ ოცდახუთიანების ტერიტორიაზე ჩატარდება ისეთი სპორტულ-ექსტრემალური შეჯიბრები, როგორიცაა: თხილამურებით სირბილი, სლალომი, ტრამპლინიდან ხტომა, სნოუბორდი, ჰოკეი. ასევე გაიმართება ავტო შეჯიბრი ე.წ Off Road. მოხდება შეჯიბრში გამარჯვებული და ვეტერანი სპორტსმენების დაჯილდოება. "ბაკურიანობა 2018"-ს დაასრულებს გალა-კონცერტი პოპულარული საესტრადო ჯგუფების მონაწილეობითა და საზეიმო ფეიერვერკით.

დღესასწაულის განმავლობაში სტუმრებს შეეძლებათ დააგემოვნონ გლინტვეინი, ჩაი და ყავა სპეციალურად მოწყობილ კვების ობიექტებში.

უკრაინული ავიაკომპანია “Bravo Airways”, რომელიც გასული წლის განმავლობაში კიევსა და ბათუმს შორის ჩარტერულ საჰაერო მიმოსვლას ასრულებდა, აღნიშნული მიმართულებით რეგულარული საჰაერო მიმოსვლის განხორციელებას იწყებს. 

კიევი-ბათუმი-კიევის საჰაერო ხაზზე რეგულარული რეისების შესრულებას “Bravo Airways” 17 ივნისიდან დაიწყებს. ფრენები 2 სექტემბრამდე, კვირაში ორი სიხშირით, ყოველ ოთხშაბათსა და შაბათს, Boeing B737 და MD83-ის ტიპის საჰაერო ხომალდებით განხორციელდება.

ეკონომიკისა და მდგრადი განვითარების სამინიტროს სამოქალაქო ავიაციის სააგენტოს მიერ ავიაკომპანიას ფრენის ნებართვა 12 აპრილს მიენიჭა.

უნგრული დაბალბიუჯეტიანი ავიაკომპანია „ვიზეარი“ ქუთაისის აეროპორტიდან ახალ მიმართულებას ამატებს. როგორც კომპანიის მიერ გავრცელებულ ოფიციალურ განცხადებაშია ნათქვამი, ავსტრია იქნება 44-ე ქვეყანა ავიაკომპანიის ქსელში. მათივე თქმით, ვენაში იხსნება კომპანიის ახალი ბაზა. ირკვევა, რომ ვენიდან ვიზეარი 17 მიმართულებით იფრენს მათ შორისაა ქუთაისი.

ვენის მიმართულებით ფრენები 2018 წლის 15 ნოემბრიდან დაიწყება. რეისები კვირაში სამჯერ, სამშაბათს, ხუთშაბათსა და შაბათს შესრულდება. ბილეთის ფასი კი 19.99 ევროდან იქნება.