Turebi Ge

მარტვილის და ოკაცეს კანიონებზე და პრომეთეს და სათაფლიის მღვიმეებში ფასები იზრდება

დაცული ტერიტორიების სააგენტო ეკოტურისტულ პროდუქტებზე ფასების ცვლილებასთან დაკავშირებით სპეციალურ განცხადებას ავრცელებს.

"2017 წელს, წინა წელთან შედარებით, დაცულ ტერიტორიებზე ვიზიტორთა რაოდენობა 35%-ით გაიზარდა. ტურისტების რაოდენობის განსაკუთრებული ზრდა დაფიქსირდა მარტვილისა და ოკაცეს კანიონებსა და პრომეთესა და სათაფლიის მღვიმეებში.

რა თქმა უნდა, გვახარებს დაცული ტერიტორიების პოპულარობის ზრდა, რისთვისაც ძალისხმევას არ ვიშურებთ. თუმცა ზემოხსენებულ ადგილებში ვიზიტორთა რაოდენობა გასცდა იმ დასაშვებ ზღვარს, რომლის ზემოთაც იქმნება დაცული ტერიტორიის (ამ შემთხვევაში - ბუნების ძეგლების) ბუნებრივი მდგომარეობის გაუარესების რისკი. მაგალითად, მარტვილის კანიონზე დაფიქსირდა ერთ დღეში 3200 ვიზიტორი, ხოლო 
პრომეთეს მღვიმეში - 2300 მაშინ, როდესაც დღის განმავლობაში მღვიმეში, მისი გამტარუნარიანობის გათვალისწინებით, ვიზიტორთა მაქსიმალური რეკომენდირებული რაოდენობა არის 2 000. ვიზიტორთა რაოდენობის მნიშვნელოვანმა ზრდამ გამოიწვია შეფერხებები და სერვისების მიწოდების ხარისხის გაუარესება, რაც ეწინააღმდეგება როგორც სააგენტოს, ისე ვიზიტორების ინტერესებს.

არსებული სიტუაციიდან გამომდინარე, დაცული ტერიტორიების სააგენტოს გადაწყვეტილებით, რიგ დაცულ ტერიტორიებზე სერვისების საფასური გაიზრდება. ასევე დღეიდან, საერთაშორისოდ მიღებული პრაქტიკის შესაბამისად, ზემოხსენებულ ოთხ დაცულ ტერიტორიაზე საქართველოსა და უცხოეთის ქვეყნების მოქალაქეებზე დიფერენცირებული ფასები ამოქმედდება.  გაზრდილი შემოსავლები მოხმარდება არსებულ ტერიტორიებზე ინფრასტრუქტურის განვითარებას, სერვისების დახვეწას და ხარისხის გაუმჯობესებას.

ფასების ზრდა ამ ეტაპზე არ შეეხება იმ ტურისტულ სააგენტოებს, რომლებთანაც სააგენტოს 
გაფორმებული აქვს ხელშეკრულება. არსებული ფასები ძალაში დარჩება ამ ხელშეკრულებების ვადის გასვლამდე."

მომსახურების ახალი ტარიფები იხილეთ აქ

მსგავსი სიახლეები
გამოკითხვა
სად გაატარებთ ზამთრის შვებულებას?
სად გაატარებთ ზამთრის შვებულებას?
საქართველოში
36 %
ევროპაში
28 %
აზიაში
6 %
თურქეთში
3 %
ეგვიპტეში
10 %
საბერძნეთში/კვიპროსზე
6 %
სახლში
12 %