გასეირნება დუბროვნიკის გალავანზე

დუბროვნიკში მოგზაურობისთვის საუკეთესი სეზონი სექტემბერ-ოქტომბერია, ზაფხულში აქ ძალიან ცხელა და ტურისტების უზარმაზარი არმია მოძრაობს. „ადრიატიკის ზღვის მარგალიტი“ ადრიატიკის ზღვის სანაპიროზე, ხორვატიის უკიდურეს სამხრეთში მდებარეობს. 1979 წელს დუბრივნიკი იუნესკოს მსოფლიო კულტურული მემკვიდრეობის ძეგლთა სიაში შეიტანეს. ძველ ქალაქს დღემდე არტყავს გარს უზარმაზარი გალავანი, რომლის ქონგურებიდანაც მთელი ქალაქი ხელისგულზე მოჩანს. მოდი, ერთად გავიაროთ ეს მარშუტი უმჯობესია თუ ამ მარშუტის გავლას დილით დაიწყებთ, როცა ჯერ კიდევ არ ცხელა, ტურისტების ნაკადი კი მცირეა. ამინდი აქ უმეტესად მზიანია, ფოტოებიც, შესაბამისად, დღის ყველა მონაკვეთში საუკეთესო გამოდის. დასაწყისისთვის, ძველ ქალაქში უნდამოვხვდეთ... უძველეს, ულამაზეს და ისტორიულ ნაწილში. შემდეგ კი კედელზე უნდა ავიდეთ, რომელიც დაახლოებით 24 მეტრი სიმაღლისაა. ზედა ნაწილამდე რკინის კიბეები ადის, ზემოთ კი მშვენიერი სავალი ბილიკია... კედლიდან საოცარი ხედები იშლება... საუკუნეების მანძილზე დუბროვნიკში საუკუნეების მანძილზე სიმშვიდე და ნაკლები ომიანობა იყო, თუმცა 1990-იან წლებში მიმდინარე დამოუკიდებლობისთვის ომის დროს ეს ადგილები მრავალჯერ დაიბომბა და ზოგიერთ შენობას დღემდე ეტყობა ტყვიების კვალი. თუმცა, თუ ისტორიაში ჩახედული არ ხარ, ვერც მიხვდები - ამისათვის კარგად უნდა დააკვირდე სახურავებს - მათი უმეტესობა ახალი დახურულია. კედლიდან ადრიატიკის ზღვის მომაჯადოვებელი ხედებიც იშლება. აქაური ქუჩები ვიწროა, კედელს და მიმდებარე შენობებს შორის მოქცეული, ღრმა კანიონებივით. აქედან ქალაქის ნავსადგურიც ჩანს ძველ შენობებს ახლები ესაზღვრება - კონტრასტები შეუმჩნეველია, ერთიმეორეში გარდამავალი. კედელზე "მოგზაურობა" მაქსიმუმ ორ საათს წაგართმევთ (ისიც იმ შემთხვევაში, თუ უამრავ ფოტოს გადაიღებთ). დამეთანხმებით, ზემოდან დანახული დუბროვნიკი სულ სხვა სანახაობაა....