მეთევზეთა წყალზე მცურავი სოფელი ვიეტნამში

სად არ შეხვდები ფოტოაპარატმომარჯვებულ ტურისტებს.... დღეს ჩვენ იმ რამოდენიმე ადგილს შემოგთავაზებთ, სადაც იშვიათად თუ ხვდება უცხო ადამიანის ფეხი... 1. სოფელი გადასალური, ფარერების კუნძულები გასადალური პატარა სოფელი, რომელშიც, 2002 წლის მონაცემებით, სულ 18 ადამიანი ცხოვრობს. მანქანით აქამდე მისვლა მხოლოდ 2004 წელს გახდა შესაძლებელი. საავტომობილო გზის გაკეთებამდე აქაური მაცხოვრებლები მთის ბილიკით სარგებლობდნენ, რომელიც სიმაღლეში 400 მეტრამდე აღწევს. სოფლის მისადგომებთან ზღვის ნაპირი ძალიან ციცაბოა, ამიტომაც ნავებამდე მისასვლელად კლდეში გაყვანილი გვირაბით სარგებლობენ. სოფლის ახლოს ჩამოდის ბოსდალაფოსურის ჩანჩქერი, რომელიც 320 მეტრი სიმაღლისაა და პირდაპირ ატლანტის ოკეანეში ჩაედინება. 2. ლა-რინკონადა, პერუ ლა რინკონადა ალპებში მდებარე პატარა ქალაქია და მსოფლიოში ყველაზე მაღლა განლაგებულ ქალაქად ითვლება. ქალაქამდე მისვლა შესაძლებელია მაღალი გამავლობის მქონე დიდი სატვირთო მანქანაბით ან მთის ბილიკების გამოყენებით. აქ ნამდვილი ოქროს ციებ-ცხელებაა: ქალაქის სიახლოვეს დაახლოებით 250 პატა ...

გიგანტების გზა  ჩრდილოეთ ირლანდიაში მდებარეობს.  გზაზე 40 000 ბაზალტის სვეტია აღმართული, რომელიც წარმოიშვა ვულკანური ამოფრქვევების შედეგად. დაახლოებით 50-60 მლნ წლის წინ, პალეოგენის პერიოდში. სვეტების წვერები ნაფეხურებს წააგავს, რომლებიც ფრიალო კლდეების კალთებიდან ზღვაში უჩინარდებიან. სვეტების უმრავლესობა ექვსკუთხაა, თუმცა ზოგიერთს ოთხი, ხუთი, შვიდი და რვა კუთხეც გააჩნია. უმაღლესი სვეტები 12 მეტრია. გიგანტების გზა ჩრდილოეთ ირლანდიის ყველაზე პოპულარული ტურისტული  ღირსშესანიშნაობაა.     ...

Hitachi Seaside Park იაპონიაში, იბარაკის პრეფექტურაში, ოკეანის პირას 190 ჰექტარზეა გაშენებული. ყველაზე ცნობილი სანახაობა აქ ნემოფილების (baby blue eyes) ყვავილობის სეზონია, რომელიც აპრილის ბოლოს-მაისის დასაწყისში ყვავილობს და ცისფერი ხალიჩასავით ეფინება პარკის ტერიტორიას. პარკის შემოვლა შესაძლებელია ფეხით, ველოსიპედით და მატარებლით. ველოსიპედებისთვის ფეხით მოსიარულეთა არიდან გამოყოფილი 10 კმ-იანი ბილიკია გაკეთებული, გზადაგზა პარკინგის ადგილებით.  ველოსიპედის ქირაობა შესაძლებელია ადგილზე, თუმცა საკუთარი ველოსიპედითაც შეიძლება შესვლა. პარკში მოქმედებს 100 მეტრის სიმაღლის ეშმაკის ბორბალი, საიდანაც  ულამაზესი ხედები იშლება. ერთი წრე 12 წუთი გრძელდება. პარკში მოძრაობს პატარა მატარებელიც, რომლის სრული მარშუტი დაახლოებით 40-წუთიანია და 10 გაჩერება აქვს. პარკის ტერიტორია რამოდენიმე ნაწილადაა დაყოფილი, ყველას მისთვის დამახასიათებელი ყვავილების პარკი აქვს და ისეა განაწილებული, რომ წელიწადის მანძილზერამოდენიმეჯერ იცვლის შეფერილობას.   ლავანდა Kaori no Ta ...

საქართველოში უამრავი ლამაზი ტბა მდებარეობს, მათ შორის ლისის, ყვარლის, ილიას და ბაზალეთის ტბები, რომლებიც კარგადაა ნაცნობი ტურისტებისა და ადგილობრივებისთვის. დღეს წარმოგიდგენთ ნაკლებად ცნობილ, მაგრამ ულამაზეს ტბებს, რომლებიც აუცილებლად უნდა მოინახულოთ. ბატეთის ტბა  ბატეთის ტბა, ქარელის მუნიციპალიტეტში, ბატეთისწყლის ხეობაში მდებარეობს, ზღვის დონიდან 1313 მეტრზე. ტბის წყალი გამჭვირვალეა და მტკნარი, მისგან პატარა ნაკადულიც გამოედინება. ის  გარშემორტყმულია წიწვნარ-წიფლნარი ტყით. მისი სამხრეთ ნაპირი დაჭაობებულია. საუკეთესო დრო მის მოსანახულებლად შემოდგომაა, როდესაც გარშემო ბუნება სხვადასხვა ფერით იმოსება. ლევანის ტბა  ლევანის ტბა ჯავახეთში, სამსარის ქედზე მდებარეობს. ის გაუდინარი მყინვარული ტბაა, რომელიც თოვლით, წვიმით და მიწისქვეშა წყლით წარმოიქმნება. მისი აუზის ფართობი 1,38 კმ², უდიდესი სიღრმე 2,8 მ , მოცულობა 0,12 მლნ. მ³. ანგელოზის ტბა ანგელოზის ტბა - ასე უწოდებენ სვანეთში მდებარე, საქართველოს რ ...

ესპანეთში, ქალაქ გრანადაში ერთი საოცარი უბანია - მიტოვებულ გამოქვაბულებში განსაკუთრებული ადამიანები ცხოვრობენ. გრანადაში, საკრომონტეს უბნის მიღმა გორებზე მიტოვებული გამოქვაბულების ქალაქია შეფენილი, სადაც გამოქვებულის ბოშების საზოგადოების (Roma (gypsy) cave community) წევრები ცხოვრობენ. 500 წლის წინ აქ ნამდვილი ბოშები ოჯახებად ცხოვრობდნენ, ბოლო წლებში კი მსოფლიოს ყველა კუთხიდან მოაწყდნენ მოგზაურები. აქ არიან თანამედროვე ბოშები, ჰიპები, უბრალოდ, განდეგილები, რომლებმაც უარი თქვეს საზოგადოებაში ცხოვრებაზე და აქ გადმოსახლდნენ. ამჟამად აქაურობა ტურისტების საყვარელ სანახაობადაა ქცეული.  30-40 ადამიანი აქ მუდმივად ცხოვრობს, დანარჩენები მოდიან, რამოდენიმე თვე ჩერდებიან და შემდეგ გზას აგრძელებენ. გამოქვაბულების უმეტესობას ელექტროენერგია მიეწოდება - სადენებით ან აქვე დამონტაჟებული მზის ბატარეების ხარჯზე. ზოგიერთ მათგანში ტელევიზორსაც შეხვდებით. გამდინარე წყალი და საპირფარეშო ხშირად საერთო აქვს რამოდენიმე მეზობელს. აქ შეგიძლიათ თქვენც მიხვიდეთ, რომელიმე მათგანი აუცილებლად შეგიპატიჟებთ საკუთ ...

სან-ფრანცისკოში თუ მოხვდებით, ლომვარდის ქუჩის გარდა, აუცილებლად უნდა შეიაროთ ამ ქუჩაზეც. რატომ? იმიტომ რომ აქ სან-ფრანცისკოს ყველაზე ლამაზი შენობები მდებარეობს.  აქ ვიქტორიანული სტილის სახლები დგას, რომლებსაც "Painted ladies" ეძახიან.. ასეთი სტილის სახლები რამოდენიმე ადგილასაა შემორჩენილი, მაგრამ ყველაზეცნობილი მაინც შტეინერის ქუჩაა, რადგან პირველი ასეთი სახლები სწორედ აქ აშენდა. მოდა "Painted ladies" სტილის სახლებზე 1849 წელს დაიწყო და 1915 წლამდე გაგრძელდა. ამ პერიოდში სან-ფრანცისკოში 48 ათასზე მეტი სახლი აშენდა, რომელთა განმასხვავებელი დეტალი ის იყო, რომ ლამაზ, ელეგანტურ ფერებში ღებავდნენ და ჩუქურთმებით ამშვენებდნენ. ფერები უამრავი იყო, მათ შორის მწვანე, ვარდისფერი, ფორთოხლისფერი, ყავისფერი და ყვითელიც კი.   სწორედ ამიტომ დაერქვა ამ სტილის სახლებს "გაპრანჭული ქალბატონები" ანუ  "Painted ladies". მათი უმეტესონა 1892 - 1896 წლებშია აშენებული. დასახელება მწერლების - ელიზაბეტ პომადას და მაიკლ ლარსენის დამსახურებით გაჩნდა, რომლებმაც 1978 წელს წიგნი გამოსცეს ...

დაგიგემოვნებიათ ოქროთი მორთული ეკლერი ან ლოკოკინა დესერტად? თუ არა მოემზადეთ, რადგან ამ სტატიაში წარმოგიდგენთ 5 გამორჩეულ დესერტს, რომლებიც აუცილებლად უნდა დააგემოვნოთ ლონდონის ვიზიტისას.  Pierre Marcolini Pierre Marcolini ნამდვილად ზრუნავს მისი სტუმრების გაოცებაზე. ბელგიელი კონდიტერი საქმიანობას სრული სერიოზულობით უდგება და დესერტს ნამდვილ ხელოვნების ნიმუშად აქცევს. დესერტის დამზადებისას სეზონური პროდუქტები გამოიყენება, თუმცა უცვლელი რჩება ისეთი კომპონენტები როგორიცაა ვანილი, ყავა, კაკაო, შოკოლადი au lait და chocolat noir. ნამცხვრები მორთულია თხილის და შოკოლადის ნატეხებით, სპეციალურად დამუშავებული ოქროს მცირე ნაწილაკებით, რომლებიც შეგიძლიათ თავისუფლად მიირთვათ. ლონდონის ვიზიტისას აუცილებლად ეწვიეთ Pierre Marcolini-ს და  დააგემოვნეთ მისი სახელგანთქმული ეკლერები, სულ რაღაც  £4.80. Freakshake at Molly Bakes Freakshake  იგივე მილკშეიკი, ტალღოვანი ნაღებით, ჟოლოთი, შოკოლადის სოუსით, ვაფლის, ბრაუნის და ორეოს ნატეხებით, ტკბილი სოუსით ...

სულაც არ არის აუცილებელი ავტომობილების ინდუსტრიაში მუშაობდეთ იმისათვის, რომ დატკბეთ 50 და მეტი წლის წინ გამოშვებული როლს როისის, იაგუარის, პორშეს, რუსული მოსკვიჩის თუ სხვა მარკის ავტომობილების თვალიერებით. ვინტაჟური ავტომობილების დათვალიერება  Michael Frohlich-ის ბაღში შეგიძლიათ. აქ ვერ იპოვნით მბრწყინავ ავტომობილებს, რადგან ყველა ექსპონატი დაჟანგული და დაზიანებულია. მაიკლ ფროლიხის ბაღს ჩვეულებრივი მუზეუმებისგან ისიც გამოარჩევს, რომ ექსპონატები ტყეშია განთავსებული და ბუნება მათზე დროთა განმავლობაში იმარჯვებს. ავტომობილების ექსპერტმა ექსპონატების "გამოძერწვა" ბუნებას მიანდო. ფროლიხმა საკუთარი კოლექცია ამ "ავტომავზოლეუმის" შესაქმენლად 2000 წელს საკუთარ 50-ე დაბადების დღეზე დათმო. დღეს ეს ადგილი უამრავ ჟურნალისტს და ფოტოგრაფს იზიდავს მსოფლიოს სხვადასხვა ქვეყნიდან. თითოეული ავტომობილი მსოფლიოს ისტორიის გარკვეულ ეტაპს ასახვს და თავადაც ისტორიის ნაწილს წარმოადგენს.     ...

კანადელმა წყვილმა - უეინ ადამსმა და ქეთრინ კინგმა 1992 წელს საკუთარი მცურავი კუნძულის მშენებლობა დაიწყეს. სახლი ძალიან ორიგინალურია - ამჟამად ის 12 მცურავი პლატფორმისგან შედგება, რომელიც კანადაში, ბრიტანეთის კოლუმბიის სანაპიროსთან ცურავს.     პლატფორმები აშენებულია როგორც ხის, ასე რკინის კონსტრუქციებისგან. ნაწილი სახლის ფუნქციას ასრულებს, ნაწილზე კი მწვანე ბაღებია გაშენებული, სადაც წყვილს ყვავილები და სხვადასხვა სახის საჭმელად ვარგისი მცენარეები მოყავს ხუთ სათბურში,  აქვეა სამხატვრო სტუდია, სოლარიუმი და სხვადასხვა ფუნქციის  და დანიშნულების მქონე შენობები. აქვე იზრდებიან შინაური ფრინველებიც. სასმელ წყალს სანაპიროზე არსებული ჩანჩქერიდან იღებენ, ხოლო ზამთარში წვიმის წყალს აგროვებენ. ელექტროენერგიას 14 მზის ბატარეა იძლევა. ეს ყველაფერი საშუალებას აძლევს მცურავს სახლს, დამოუკიდებლად იარსებოს წლების განმავლობაში. ქეთრინი საკუთარ, ეკოლოგიურად სუფთა ბოსტნეულთან ერთად.   ვარდისფრად და ფირუზისფრად შეღებილი კონსტრუქციის მშენებელ წყვილს ორი ...

ბაქო მრავალფეროვანი, საინტერესო ქალაქია. ის ისტორიის, ძველი კულტურის და თანამედროვეობის მიქსია, რომელიც ათასობით ტურისტზე ტოვებს წარუშლელ შთაბეჭდილებას. ერთ-ერთი ახლად დაარსებული ფესტივალი, რომელიც ბაქოში ტარდება, ყვავილების ფესტივალია. ის 2004 წლიდან მოყოლებული, ყოველ 10 მაისს ტარდება. თავდაპირველად ფესტივალი ჰეიდარ ალიევის სახელობის  პარკში ტარდებოდა  და ყვავილების გამოფენით აღინიშნებოდა, ახლა კი მთელს ქალაქს მოიცავს და ყვავილების გამოფენის გარდა მათ, დარგვასაც გულისხმობს.  წელს ფესტივალი ეკოლოგიურ პრობლემებს მიეძღვნება. ფესტივალს თან ახლავს  ფოლკლორული კონცერტები და ფეიერვერკები. პარკი, სადაც ფესტივალი ტარდება, მორთულია ასობით ათასი ულამაზესი ყვავილით მსოფლიოს სხვადასხვა კუთხიდან, მათ შორის ბრაზილიიდან, საფრანგეთიდან, თურქეთიდან, ჰოლანდიიდან, იტალიიდან და ჩინეთიდანაც კი. წლევანდელ ფესტივალზე სხვადასხვა ორგანიზაციები და ფიზიკური პირები ერთმანეთს იკებანას შექმნაში შეეჯიბრებიან.   ...