მსოფლიოს ყველა ქვეყნის ტურისტული სლოგანი ერთ რუკაზე

რომი, დიუსელდორფი, ბუდაპეშტი, მიუნხენი, ათენი - ავიაკომპანია “Myway Airlines” ახალ მიმართულებებზე

ფრენები ზამთრის სანავიგაციო სეზონის განმავლობაში შემდეგი განრიგებით შესრულდება:

• თბილისი-რომი-თბილისის საჰაერო ხაზზე კვირაში 2-ჯერ, ყოველ ხუთშაბათსა და კვირას, 2018 წლის 28 ოქტომბრიდან 2019 წლის 28 მარტამდე;
• თბილისი-დიუსელდორფი-თბილისის საჰაერო ხაზზე კვირაში 5-ჯერ, ყოველ ორშაბათს, სამშაბათს, ხუთშაბათს, პარასკევსა და კვირას, 2018 წლის 29 ოქტომბრიდან 2019 წლის 29 მარტამდე;
• თბილისი-ბუდაპეშტი-თბილისის საჰაერო ხაზზე კვირაში 3-ჯერ, ყოველ სამშაბათს, ხუთშაბათსა და კვირას), 2018 წლის 28 ოქტომბრიდან 2019 წლის 29 მარტამდე;
• თბილისი-ათენი-თბილისის საჰაერო ხაზზე კვირაში 2-ჯერ, ყოველ ოთხშაბათსა და შაბათს, 2018 წლის 31 ოქტომბრიდან 2019 წლის 30მარტამდე;
• თბილისი-მიუნხენი-თბილისის საჰაერო ხაზზე კვირაში 2-ჯერ, ყოველ სამშაბათსა და შაბათს, 2018 წლის 30 ოქტომბრიდან 2019 წლის 30მარტამდე;

წყალქვეშა ცურვის მოყვარულებისთვის მარტვილის კანიონში ახალი მარშრუტი იხნსება. სულ მალე ტურისტებს კანიონში ყვინთვის და წყალქვეშა სამყაროს ნახვის შესაძლებლობა ექნებათ. 

დაივინგისთვის განკუთვნილი ტერიტორია 300 მეტრი სიგრძისაა, ჩაყვინთვა კი 6 მეტრის სიღრმეზე იქნება შესაძლებელი. კანიონში ჩაყვინთვა იმ ტურისტებსაც შეეძლებათ, რომლებმაც ცურვა არ იციან.

სკუბა დაივინგის ევროპის ასოციაციის მიერ მარტვილის კანიონი უკვე დასახელდა ევროპაში დაივინგისთვის განკუთვნილ 8 საუკეთესო ადგილს შორის.

მესტიიდან ჰაწვალის კურორტზე ასასვლელად მხოლოდ რამდენიმე წუთი იქნება საჭირო. მესტია-ჰაწვალის დამაკავშირებელი საბაგირო 23 დეკემბერს გაიხსნება.

საბაგირო იქნება ღია სავარძლის ტიპის 6 კაციანი, მსოფლიოში წამყვანი მწარმოებლის „Doppelmayr”-ის ფირმის, რომლის სიგრძე 1200 მეტრია.

ჰაწვალის კურორტი მესტიიდან 8 კილომეტრითაა დაშორებული. ახალი საბაგირო ჰაწვალს მესტიის მუზეუმი მიმდებარე ტერიტორიიდან დაუკავშირდება.

დაბალბიუჯეტიანი ავიაკომპანია Wizzair-ი ქუთაისის საერთაშორისო აეროპორტიდან პირდაპირ რეისებს კიდევ ერთ ევროპულ დედაქალაქში შეასრულებს. კომპანია ბუქარესტის მიმართულებით ფრენებს იწყებს!

რუმინეთის დედაქალქში რეისები ქუთაისიდან 3 ივლისიდან, კვირაში სამი სიხშირით შესრულდება. ბილეთების შეძენა ავიაკომპანიის საიტზე უკვე შესაძლებელია. ცალმხრივი ბილეთის ღირებულება დაახლოებით 81 ლარიდან იწყება.

შეგახსენებთ, რომ რუმინეთი ევროკავშირის წევრობის კანდიდატი ქვეყანაა, შედის შენგენის ზონაში, შესაბამისად რუმინეთში მოგზაურობა საქართველოს მოქალაქეებს უვიზოდ შეუძლიათ.

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაცული ტერიტორიების სააგენტოს თავმჯდომარე, დავით მარკოზაშვილთან ერთად ნავენახევის მღვიმეში იმყოფებოდა, სადაც მოწყობილი ტურისტული ინფრასტრუქტურა ადგილზე დაათვალიერა.

აშენდა ვიზიტორთა ცენტრი, კაფეტერია და სუვენირების მაღაზია. ასევე გამოიყო საგანმანათლებლო სივრცე, მოეწყო ტურისტული ბილიკი. მღვიმე პირველ ვიზიტორებს ახალ ტურისტულ სეზონზე მიიღებს.

ნავენახევის მღვიმე განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 250 მეტრის სიგრძის ორსართულიანი და ოთხ დარბაზიანი მღვიმეა, რომელიც 80-იან წლებში ვიზიტორებში პოპულარობით სარგებლობდა, თუმცა მოგვიანებით ინფრასტრუქტურის წყობიდან გამოსვლის გამო ტურისტებისთვის დაიკეტა.

ინფრასტრუქტურული პროექტი საქართველოს ბიუჯეტიდან 980 000 ლარით დაფინანსდა.