ჯადოსნური დღესასწაული პოლონეთში

უვიზო მიმოსვლამ ევროპაში მოგზაურობა კიდევ უფრო გააადვილა. პოლონეთის მიმართულებით მოგზაურობა საქართველოდან მარტივიცაა და საკმაოდ ხელმისაწვდომიც. თუ მიმდინარე წლის ზაფხულში პოლონეთისკენ გაქვთ გეზი აღებული, შეგიძლიათ ჯადოსნური დღესასწაულის მონაწილეებიც გახდეთ.

საქმე ისაა, რომ პოლონეთის აღმოსავლეთით მდებარე ქალაქი ლუბლინი დაარსებიდან 700 წლისთავს ზეიმობს. ეს ძველი და მშვიდი ქალაქი ნამდვილ ტრანსფორმაციას განიცდის და მაგიური ფერებით დაიფარება. ეს იქნება ნამდვილი საოცრებათა ქვეყანა, სადაც ცეცხლის ხეები იზრდება, გადატვირთულ ქუჩებს უზარმაზარი გაზონები ჩაანაცვლებს და ყინულის თევზები გაცოცხლდებიან. ქალაქის სტუმრები სრულიად განსხვავებულ სამყაროში მოხვდებიან, სადაც ერთმანეთს ეჯახება აწმყო და წარსული.

თეატრალური წარმოდგენები, შოუები, მუსიკოსები - ქალაქის თითოეული კუთხე ჯადოსნობის საკუთარ საიდუმლოს ინახავს. კულტურული ღონისძიებები, ბაზრობები, კარნავალები - ლუბლინი ენერგიითა და ფერებით "აფეთქდება" და ყოველ ჯერზე განსაკუთრებულ სიურპრიზებს მოგიწყობთ.

ძირითადი ღონისძიებები 3-4 ივნისს დაიწყება და აგვისტოს შუა რიცხვებამდე გაგრძელდება. დეტალური ინფორმაციის მიღება შეგიძლიათ ბმულზე