პრაღაში აუცილებლად სანახავი ადგილები

ასტრონომიული საათი

ბევრი ტურისტი პრაღას სწორედ ასტრონომიული საათის გამო სტუმრობს. საათს რამდენიმე დისკი აქვს. პირველი ფენა წარმოადგენს ცას და დედამიწას, მეორე ზოდიაქოს, მესამე ფენა მზის მდგომარეობას ასახავს, მეოთხე მთვარეს, მეხუთე ვარსკვლავური საათია.

ასტრონომიული საათი დაახლოებით 600 წლისაა. მისი შემქმნელი მიკულაშ კადენსია, რომელსაც მისი ქმნილების გამო, ლეგენდის სხვადასხვა ვერსიით, ან ხელები მოკვეთეს ან თვალები დათხარეს. ასტრონომიული საათი ყოველ საათში ერთხელ რეკავს, სარკმელები იხსნება და მოციქულები ტრიალებენ.

პრაღის ციხესიმაგრე

პრაღის ციხესიმაგრე მე-9 საუკუნეში აშენდა და გინესის რეკორდების წიგნშია შეტანილი. ის მსოფლიოს უდიდესი ციხესიმაგრეა, მისი ფართობი დაახლოებით 70 000 კვ.მ-ია , სიგრძე 570 მ, სიგანე 130 მ.

ოპერა

პრაღის ოპერის სახლი 1888 წელს გაიხსნა. თავდაპირველად ის გერმანულ თეატრს წარმოადგენდა, დღეს კი პრაღის ოპერის სახლია. შენობა განსაკუთრებულ ყურადღებას იმსახურებს მისი უნიკალური დიზაინის და არქიტექტურის გამო. თეატრში ყოველწლიურად 300-მდე წარმოდგენა იმართება.

ძველი ქალაქის შესასვლელი

ძველი ქალაქის შესასვლელი პრაღის ერთ-ერთი სიმბოლო და ტურისტების ერთ-ერთი ყველაზე საყვარელი ადგილია.

ჩარლზის ხიდი

ჩარლზის ხიდი ძალიან პოპულარულია ტურისტებს შორის, განსაკუთრებით მხატვრებს, ფოტოგრაფებსა და მუსიკოსებს შორის. ის ულამაზესი ხიდია, რომელიც შუასაუკუნეების გარემოს ქმნის. მისი ვიზიტის საუკეთესო დროა საღამო ან დილა, როდესაც ნაკლები ხალხია და ხედიც უფრო დრამატულია.            

მომდევნო პოსტში გაგაცნობთ პრაღის სამზარეულოს, მის რესტორნებს და ღამის ცხოვრებას. თვალი ადევნეთ ჩვენს ბლოგს.

იხილეთ პრაღის ტურები