მსოფლიო
24 სექტემბერი 2015
31173
გაზიარება
20 ქალაქი, რომელიც ცხოვრების მანძილზე უნდა ნახო - ნაწილი I
ქვეყნები უამრავია, ქალაქები კიდევ უფრო მეტი. დრო კი არაფერში გვყოფნის. ჩვენ გთავაზობთ იმ 20 ქალაქის ჩამონათვალს, რომელიც ტურისტების აზრით, პირველ რიგში უნდა მოინახულო...
1. სან-ფრანცისკო, აშშ
ქალაქი უამრავ სანახაობას და თავგადასავლს სთავაზობს ტურისტებს - თქვენ შეგიძლიათ ბორანით მოხვდეთ ალკატრასზე, გასინჯოთ იტალიური სამზარეულო და ფეხით შემოიაროთ მიმდებარე გორაკები. სან-ფრანცისკო ეთნიკური და კულტურული თვალსაზრისით ერთ-ერთი ყველაზე მრავალფეროვანი ქალაქია აშშ-ში. არ დაგავიწყდეთ ისაუზმოთ Mama’s-ტან და შემდეგ გაისეირნოთ Golden Gates-ზე.
2. ჩიანგმაი, ტაილანდი
ჩიანგმაი ტაილანდის ყველა სხვა ქალაქზე მშვიდი, წყნარი და გამწვანებული ქალაქია. "ჩრდილოეთის ვარდად" წოდებული ეს ადგილი უნიკალური და ულამაზესი ტაძრებით გამოირჩევა.
3. ლისაბონი, პორტუგალია
პორტუგალიის დედაქალაქში მავრიტანული და შუასაუკუნეობრივი არქიტექტურა ერთმანეთშია შერწყმული. აქ ტრამვაიც კი ისტორიულ მემკვიდრეობას წარმოადგენს - მათი დიდი უმეტესობა საუკუნეზე მეტია ქალაქში მოძრაობს.
4. სიდნეი, ავსტრალია
სიდნეის ყველაზე ცნობილი ღირსშესანიშნაობა ოპერის თეატრი, ჰარბორ-ბრიჯის ხიდი, ეგზოტიკური პლაჟები და ბუნებაა. სიდნეის საცხოვრებელი კვარტალები ნაციონალური პარკებითაა გარშემორტყმული. სანაპირო ძალიან მრავალფეროვანია, უამრავი ყურეებით, ნავსადგურებით და კუნძულებით.
5. ბუდაპეშტი, უნგრეთი
უნგრეთის დედაქალაქის ნეოკლასიკურ არქიტექტურას ჯერ კიდევ ატყვია მეორე მსოფლიო ომის კვალი, თუმცა თავის დიდებულებას მაინც არ კარგავს. შენობების დიდი ნაწილი იუნესკოს მსოფლიო მემკვიდრეობის სიაშია შეტანილი. 18-მილიონიან, დუნაის ნაპირას გაშენებულ ქალაქში უამრავი ბუნებრივი მინერალური და თერმული წყლებია და აქაური აბანოები ხშირად შედის ტურისტებისთვის აუცილებლად მოსანახულებელი ადგილების სიაში.
6. ბანგკოკი, ტაილანდი
ტაილანდის დედაქალაქი და ამასთან ყველაზე დიდი ქალაქი წარმატებით ახერხებს ბუდისტური ტაძრების სიმშვიდის და რიტმული ღამის ცხოვრების შეთავსებას. ტაილანდი ცნობილია, როგორცერთ-ერთი ყველაზე იაფი ადგილი მოგზაურობისთვის.
7. კეიპტაუნი, სამხრეთ აფრიკის რესპუბლიკა
აფრიკის დიდიდით მეორე ქალაქი სამი მხრიდან ოკეანით და ხელუხლებელი პლაჟებითაა შემოსაზღვრული, მეორე მხრიდან კი ულამაზესი მაგიდისებური მთებით. კეიპტაუნი აფრიკის ყველა კოსმოპოლიტური ქალაქია.
8. ჩიკაგო, აშშ
აქ აიგო მსოფლიოში პირველი ცათამბჯენები, ესაა ბლუზის სამშობლო და ჯაზ-კულტურის კერა.
9. დუბაი, არაბთა გაერთიანებული საამირო
გინდა ნახო ჩვენი ფუტურისტული მომავალი? დაიღალე ისტორიული ღირსშესანიშნაობების თვალიერებით? - მაშინ კეთილი იყოს შენი მობრძანება დუბაიში. სწორედ აქაა მსოფლიოს ყველაზე მაღალი შენობა- ბურჯ ხალიფა, საოცარი ხელოვნური კუნძულები ულამაზესი პლაჟებით, შოპინგის სამოთხე და დასვენების იდეალური პირობები.
10. ბარსელონა, ესპანეთი
ბარსელონაში წარსული და თანამედროვეობა მხარდამხარ, მეგობრულად არსებობენ. სანაპიროზე თანამედროვე აპარტამენტები და სასტუმროებია აშენებული, ხოლო ქალაქის ისტორიულ ნაწილში, პატარ-პატარა, ვიწრო ქუჩებში, ასწლოვან შენობებს შორის, ცნობისმოყვარე ტურისტები დაბოდიალობენ.
იხილეთ -ნაწილი II
