Turebi Ge

სიახლეები

14 ივლისი 2016

ბორჯომი

15396

შეკვეთილში ვანესა მეის კონცერტი გაიმართება

მევიოლინე ვანესა მეი 6 აგვისტოს Black sea arena-ს სცენაზე კონცერტს გამართავს. დიდი ბრიტანეთის წარმატებული არტისტი ქართველი და უცხოელი მსმენელის წინაშე ცნობილი ჰიტებით და შოუ-კონცერტით წარდგება.

ელექტრონული კლასიკის დედოფლად წოდებული ვანესა მეი კლასიკური მუსიკის პირველი წარმომადგენელია, რომელმაც "Brit Awards"-ის ნომინაცია მიიღო, როგორც საუკეთესო ქალმა არტისტმა. მას 1997 წელს მიღებული აქვს "მსოფლიო მუსიკის ჯილდო". Black sea arena-ზე ვანესა მეის კონცერტზე დასწრების მსურველებს ბილეთების შეძენა 18 ივლისს დილის 9:00 საათიდან tkt.ge-ზე შეეძლებათ.

მსგავსი სიახლეები

Turebi Ge 870 პოსტი

მესტიის აეროპორტი 10 ყველაზე ლამაზი აეროპორტის სიაში მოხვდა

16 სექტემბერი 2016

ბრიტანული The Telegraph მსოფლიოში 10 ყველაზე ლამაზი აეროპორტის ტერმინალის სიას აქვეყნებს. აღნიშნული სიის მეორე ადგილი მესტიის თამარ მეფის აეროპორტის ტერმინალს უკავია. "შორეული თუ კარგად ნაცნობი აეროპორტები გამოირჩევა გააზრებული არქიტექტურით და დრამატული დიზაინით. ისინი არიან სუფთა ჰაერის სუნთქვა, შორს ანონიმური მოსაცდელი ოთახებისა და გაუთავებელი ასაფრენი ზოლებისგან"- წერს "ტელეგრაფია". გამოცემა პოსტს მესტიის აეროპორტის საკმაოდ საინტერესო ფოტოს ურთავს.

სიახლეები

Turebi Ge 870 პოსტი

ევროპამ ე.წ. შეჩერების მექანიზმს მხარი დაუჭირა

08 დეკემბერი 2016

საქართველომ და უკრაინამ ვიზალიბერალიზაციის გზაზე კიდევ ერთი ნაბიჯით წაიწიეს წინ.

ევროკავშირის საბჭომ, ევროპარლამენტმა და ევროკომისიამ ერთობლივ მოლაპარაკებაზე მიაღწიეს შეთანხმებას ე.წ. შეჩერების მექანიზმის ამოქმედების შესახებ. ევროპარლამენტი უახლოეს მომავალში შეჩერების მექანიზმის ამოქმედებას პლენარულ სხდომაზე უყრის კენჭს. აღნიშნული მექანიზმის ამოქმედება საქართველოს და უკრაინას ვიზების ლიბერაზაციის მიღების საშუალებას მისცემს.

ე.წ შეჩერების მექანიზმზე დაყრდნობით უვიზო რეჟიმის ამოქმედების შემდეგ რეჟიმი მარტივი პროცედურებით შეწყდება თუ კონკრეტული ქვეყნიდან გაიზარდა თავშესაფრის მაძიებელთა რაოდენობა.

სიახლეები

Turebi Ge 870 პოსტი

ახალი პროექტი SioniGlamping ნოემბრის ბოლოს სტუმრებს უმასპინძლებს.

17 ნოემბერი 2020

ინოვაციური პროექტი SioniGlamping -ის მოწყობა უკვე დიდიხანია მიმდინარეობს კერძო ინვესტორი შალვა ბერიძის მიერ და დაახლოებით 50 000 ლარზე მეტია დახარჯული, პროექტი ნოემბრის ბოლოს სრულდება და სტუმრებსაც უმასპინძლებს. სულ სამი 28 კვადრატული ფართის კოტეჯია მოწყობილი, ტბის პირველ ზოლში, რომელიც მოიცავს საძინებელს, სამზარეულო კუთხესა და აივანს, კოტეჯის აივნებზე განთავსებულია ჰამაკები, ეს კი საშუალებას იძლევა დამსვენებელი დატკბეს პანორამული ხედებითა და ბუნების სილამაზით. SioniGlamping - ის იდეის ავტორის თქმით ჯერ ასეთი მაშტაბის პანორამული გლამპინგი საქართველოს მაშტაბით არ არსებობს და გაზაფხულისათვის იგეგმება გლამპინგის წყალზე დადმაც, რაც კიდევ უფრო საინტერესეო და მიმზიდველი იქნება სტუმრებისათვის. სამომავლოდ იგეგმება კიდევ უფრო გაფართოება, ვერანდების დამატება, ქორწილის, დაბადების დღეებისა და სხვა ღონისძიებების მოსაწყობად, ასევე აღსანიშნავია, რომ იგეგმება, სხვადასხვა საინტერესო სერვისების დამატება, როგორიცაა: საცხენოსნო ტურები, ნავით გასეირნება, თევზაობა, ბაღის გაშენება სადაც ეკოლოგიურა ...

სიახლეები

Turebi Ge 870 პოსტი

ქუთაისი-რიგა - WizzAir-ის ახალი მიმართულება

12 დეკემბერი 2017

ავიაკომპანია „ვიზეარი” რიგის მიმართულებით ახალ ავიამიმართულებას ამატებს!

ავიაკომპანია „ვიზეარი“ ქუთაისის საერთაშორისო აეროპორტიდან ლატვიის მიმართულებით ავიარეისებს 2018 წლის 25 მარტიდან დაიწყებს.

ფრენები ქუთაისიდან რიგის მიმართულებით კვირაში ორჯერ - ოთხშაბათს და კვირას შესრულდება.

ქუთაისი-რიგის მიმართულებით ბილეთების შეძენა ახალი წლიდან wizzair.com-ზე არის შესაძლებელი, ბილეთის ფასი 52.99 ლარი/19.99 ევროდან.

ცენტრალური და აღმოსავლეთ ევროპის უდიდესი და საქართველოს წამყვანი დაბალბიუჯეტიანი ავიაკომპანია Wizz Air-ი ამჟამად 18 მიმართულებით 12 ქვეყნაში დაფრინავს.

სიახლეები

Turebi Ge 870 პოსტი

ევროპის 5 ახალი მიმართულება ქუთაისიდან

17 მაისი 2018

ავიაკომპანია WizzAir-ი მაისის თვეში ევროპის კიდევ 5 მიმართულებით იწყებს ფრენებს. 17 მაისს პირველი რეისი შესრულდება რომის, პარიზის და ათენის მიმართულებით. 18 მაისიდან ფრენები განხორციელდება ბარსელონას მიმართულებით. 19 მაისიდან კი WizzAir-ი პრაღის მიმართულებით დაიწყებს რეისების შესრულებას.

გარდა ამისა, 17 მაისს უნგრული დაბალბიუჯეტიანი ავიაკომპანია ვიზეარი ქუთაისის საერთაშორისო აეროპორტში მეორე ბაზას გახსნის.

ავიაბილეთების ფასები 29,99 ევროდან იწყება. ფრენებს კომპანია ეარბას A320 ტიპის ავიახომალდით შეასრულებს.

სიახლეები

Turebi Ge 870 პოსტი

ბარსელონის მიმართულებით თბილისიდან პირდაპირი ფრენები შესრულდება

04 აპრილი 2017

ქართული ავიაკომპანია Georgian Airways ბარსელონას მიმართულებით ფრენის დაწყებას გეგმავს. ინფორმაციას ამის შესახებ Tav Georgia ავრცელებს.

მათივე ცნობით, პირდაპირი რეისების განხორციელება 5 ივლისიდან დაიწყება და სავარაუდოდ, ზაფხულის სეზონის დასრულებამდე გაგრძელდება.

რაც შეეხება ინტენსივობას, ფრენა კვირაში ერთხელ, ყოველ ოთხშაბათს შესრულდება.

წყარო

სიახლეები

Turebi Ge 870 პოსტი

უსაფრთხოების წესები ისრაელში გამგზავრების მსურველებისთვის

02 მარტი 2018

იერუსალიმის პოლიციის ხელმძღვანელობა ცეცხლის გარდამოსვლის ცერემონიასთან დაკავშირებით უსაფრთხოების წესების შესახებ სპეციალურ განცხადებას ავრცელებს. 2018 წელს ცეცხლის გადმოსვლის ცერემონია გაიმართება 7 აპრილს, მაცხოვრის ტაძარში, იერუსალიმის ძველ ქალაქში. ათასობით მომლოცველი დაესწრება ცეცხლის გადმოსვლის ცერემონიას მსოფლიოს სხვადასხვა ქვეყნიდან, მათ შორის უცხო ქვეყნების ოფიციალური დელეგაციები. მოქალაქეთათვის მნიშვნელოვანია იცოდნენ, რომ ყოველ წელს ისრაელის პოლიცია ცეცხლის გადმოსვლის ცერემონიის დროს უსაფრთხოებისათვის იღებს განსაკუთრებულ ზომებს. ამ დღისათვის ყველა მოქალაქეს, რომელსაც აქვს ჯანმრთელობის ცუდი მდგომარეობა, მოსალოდნელი ხალხის სიმრავლის გამო, რეკომენდებულია თავი შეიკავონ მაცხოვრის ტაძარში მისვლისგან. ის პირები, რომლებიც დაესწრებიან ცეცხლის გადმოსვლის ცერემონიას, უნდა დაემორჩილონ პოლიციის პირველივე მითითებას ადგილის შეცვლასთან დაკავშირებით. დაუშვებელია იმ პირებისათვის წინააღმდეგობის გაწევა, რომელთაც ევალებათ ტაძარში და მასთან მისასვლელ გზებზე წესრიგის დამყარება. გასათვალის ...

სიახლეები

Turebi Ge 870 პოსტი

აზერბაიჯანის ავიახაზები საქართველოს მიმართულებით ფრენის სიხშირეს ზრდის

21 მარტი 2017

აზერბაიჯანული ავიაკომპანია „Azerbaijan Airlines“ საქართველოს მიმართულებით რეგულარული ფრენის სიხშრეს ზრდის. 2017 წლის 28 მარტიდან ავიაკომპანია, ბაქო-თბილისი-ბაქოს მიმართულებით ფრენებს კვირაში 8 სიხშირით შეასრულებს, ხოლო 2 მაისიდან კი დაამატებს კიდევ 2 სიხშირეს და ფრენები შესრულდება კვირაში 10 სიხშირით. აქამდე აზერბაიჯანული ავიაკომპანია ფრენებს კვირაში 7 სიხშირით ასრულებდა.

დამატებითი სიხშირეებით ოპერირებას „Azerbaijan Airlines“ ყოველკვირეულად - კვირას (28 მარტიდან), სამშაბათსა და ხუთშაბათს (2 მაისიდან) განახორციელებს. ფრენები Airbus A319 ტიპის საჰაერო ხომალდით შესრულდება.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ, ავიაკომპანიას გაზრდილი სიხშირით რეგულარული ფრენების შესრულებისათვის აუცილებელი ნებართვა 9 მარტს მიენიჭა.

სიახლეები

Turebi Ge 870 პოსტი

გაიგე მეტი ჩვენს დედამიწაზე

10 ოქტომბერი 2019

დღეს წარმოგიდგენთ საინტერესო ფაქტებს, რომლის შესახებ ალბათ ბევრს არ სმენია 1. ჩვენს პლანეტაზე იმდენი ბრილიანტია, რომ თითოეულ ადამიანს საკმარისი რაოდენობა ექნებოდა კომფორტული ცხოვრებისთვის. 2. მთავრობას ინგლისის ციხე წელიწადში 45,000 ფუნტი უჯდება, და თან ეს მხოლოდ ერთ პატიმარზე დახარჯული თანხაა . ამ ფასად ერთ ინგლისელს შეუძლია ისწავლოს Eton- ში. 3. ვიქტორიანულ ხანაში ჟურნალები მოუწოდებდნენ ქალებს გამგზავრებისას პირში ქინძისთავი ჩაედოთ. რატომ? სწორედ იმისთვის, რომ დაცულები იყვნენ უცხო კაცის კოცნისგან. 4. დედამიწაზე ურანი 500-ჯერ მეტია ვიდრე ოქრო. 5. მსოფლიოში ბოთლებში ჩამოსხმული წყლის თითქმის ნახევარი, ფაქტობრივად, ჩვეულებრივი ონკანის წყალია. 6. XIX საუკუნეში მოდაში იყო მოზარდებისთვის კბილების ამოღება ან შეცვლა საჩუქრად. 7. ადამიანის ტვინი არ ამუშავებს მის მიერ მიღებული ინფორმაციის მეათედსაც კი. 8. თამაშისთვის «Gitar hero» Aerosmith ჯგუფმა უფრო მეტი ფული იშოვა, ვიდრე რომელიმე ალბომზე. 9. ...

სიახლეები

Turebi Ge 870 პოსტი

შენგენის ზონაში უვიზოდ მიმოსვლა საქართველოს მოქალაქეებს 28 მარტიდან შეეძლებათ

08 მარტი 2017

საქართველოს მოქალაქეებისთვის შენგენის ზონაში უვიზოდ მიმოსვლა 28 მარტიდან იქნება შესაძლებელი. შესაბამისი გადაწყვეტილება ევროკავშირის ოფიციალურ ჟურნალში უკვე გამოქვეყნდა. გადაწყვეტილება ჟურნალში გამოქვეყნებიდან 20 დღის შემდეგ შედის ძალაში. უვიზო რეჟიმი გულისხმობს თავისუფალ გადაადგილებას შენგენის ზონის ტერიტორიაზე, რომელიც მოიცავს ევროკავშირის 22 წევრ ქვეყანას, ევროკავშირის 4 არაწევრ ქვეყანას და შენგენის 4 კანდიდატ ქვეყანას: წევრი ქვეყნები: ავსტრია, ბელგია, გერმანია, დანია, ესპანეთი, ესტონეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი, ჩეხეთი. არაწევრი ქვეყნები: ისლანდია, ლიხტენშტეინი, ნორვეგია და შვეიცარია; კანდიდატი ქვეყნები: ბულგარეთი, კვიპროსი, რუმინეთი, ხორვატია; გამონაკლისს წარმოადგენს ევროკავშირის წევრი ქვეყანა: დიდი ბრიტანეთი და ირლანდია. ტურისტული მიზნით უვიზო მიმოსვლის წესებს გაეცანით ბმულზე ...

სიახლეები

გამოკითხვა