BBC-ის ჟურნალისტის თვალით დანახული ქართული სუფრა და სტუმარმასპინძლობა

ბრიტანელი პოპ-მომღერლის, James Blunt-ის კონცერტი თბილისში 26 მაისს გაიმართება. მუსიკოსი თბილისს მუსიკალური ფესტივალის "დამოუკიდებლობის დღე" ფარგლებში ეწვევა.

ჯეიმს ბლანტის კონცერტი მიხეილ მესხის სახელობის სტადიონზე გაიმართება.

ფესტივალის ფარგლებში მაყურებლების წინაშე წარდგებიან ქართული ჯგუფები: "Young Georgian Lolitaz" და "Loudspeakers".

ჯეიმს ბლანტის კონცერტზე დასასწრები ბილეთების ფასი 120 ლარიდან დაიწყება.

აზერბაიჯანული ავიაკომპანია „Azerbaijan Airlines“ საქართველოს მიმართულებით რეგულარული ფრენის სიხშრეს ზრდის. 2017 წლის 28 მარტიდან ავიაკომპანია, ბაქო-თბილისი-ბაქოს მიმართულებით ფრენებს კვირაში 8 სიხშირით შეასრულებს, ხოლო 2 მაისიდან კი დაამატებს კიდევ 2 სიხშირეს და ფრენები შესრულდება კვირაში 10 სიხშირით. აქამდე აზერბაიჯანული ავიაკომპანია ფრენებს კვირაში 7 სიხშირით ასრულებდა.

დამატებითი სიხშირეებით ოპერირებას „Azerbaijan Airlines“ ყოველკვირეულად - კვირას (28 მარტიდან), სამშაბათსა და ხუთშაბათს (2 მაისიდან) განახორციელებს. ფრენები Airbus A319 ტიპის საჰაერო ხომალდით შესრულდება.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ, ავიაკომპანიას გაზრდილი სიხშირით რეგულარული ფრენების შესრულებისათვის აუცილებელი ნებართვა 9 მარტს მიენიჭა.

ავიაკომპანია WizzAir-ი მაისის თვეში ევროპის კიდევ 5 მიმართულებით იწყებს ფრენებს. 17 მაისს პირველი რეისი შესრულდება რომის, პარიზის და ათენის მიმართულებით. 18 მაისიდან ფრენები განხორციელდება ბარსელონას მიმართულებით. 19 მაისიდან კი WizzAir-ი პრაღის მიმართულებით დაიწყებს რეისების შესრულებას. 

გარდა ამისა, 17 მაისს უნგრული დაბალბიუჯეტიანი ავიაკომპანია ვიზეარი ქუთაისის საერთაშორისო აეროპორტში მეორე ბაზას გახსნის.

ავიაბილეთების ფასები 29,99 ევროდან იწყება. ფრენებს კომპანია ეარბას A320 ტიპის ავიახომალდით შეასრულებს.

მთიან აჭარაში ახალი ტურისტული  ბილიკი გაიხსნა, მარშრუტი სოფელ ღორჯომიდან, მთა ლენკარის გავლით კურორტ ბახმაროზე სრულდება.

ტურისტებს, რომლებიც დაინტერესებულნი არიან მთიანი აჭარის მონახულებით, ახალი ბილიკის საშუალებით შეძლებენ სოფელ ღორჯომში კასკადოვანი ჩანჩქერების, ოდებისა და მეჩეთების მონახულებას, ასევე ახალი ბილიკით შესაძლებელია მთა ლეკნარისა და ბახმაროს მონახულებას.

ტურისტული მარშუტის მარკირება აჭარის ტურიზმის დეპარტამენტის ტურისტული პროდუქტების განვითარების სააგენტომ უკვე დაასრულა.

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაცული ტერიტორიების სააგენტოს თავმჯდომარე, დავით მარკოზაშვილთან ერთად ნავენახევის მღვიმეში იმყოფებოდა, სადაც მოწყობილი ტურისტული ინფრასტრუქტურა ადგილზე დაათვალიერა.

აშენდა ვიზიტორთა ცენტრი, კაფეტერია და სუვენირების მაღაზია. ასევე გამოიყო საგანმანათლებლო სივრცე, მოეწყო ტურისტული ბილიკი. მღვიმე პირველ ვიზიტორებს ახალ ტურისტულ სეზონზე მიიღებს.

ნავენახევის მღვიმე განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 250 მეტრის სიგრძის ორსართულიანი და ოთხ დარბაზიანი მღვიმეა, რომელიც 80-იან წლებში ვიზიტორებში პოპულარობით სარგებლობდა, თუმცა მოგვიანებით ინფრასტრუქტურის წყობიდან გამოსვლის გამო ტურისტებისთვის დაიკეტა.

ინფრასტრუქტურული პროექტი საქართველოს ბიუჯეტიდან 980 000 ლარით დაფინანსდა.