მსოფლიო
21 მაისი 2018
24656
გაზიარება
10 რამ რაც ლონდონის ვიზიტისას უნდა გააკეთოთ - ნაწილი 2
წარმოგიდგენთ 10 აქტივობას, რომლებიც ლონდონის ვიზიტისას უნდა განახორციელოთ. პირველი ნაწილი შეგიძლიათ იხილოთ აქ.
Sea Life London Aquarium
აუცილებლად ეწვიეთ ლონდონის აკვარიუმს SEA LIFE London, სადაც 400-მდე სხვადასხვა სახეობის ზღვის ბინადარია წარმოდგენილი, მათ შორის მწვანე კუ, ზვიგენი და სხვა.
Tower of London
Tower of London (ლონდონის თაუერი) მთელს მსოფლიოში ცნობილი არქიტექტურული ნაგებობათა კომპლექსია, რომელთა საერთო ფართობი 18 აკრს შეადგენს. ის მეფე უილიამ დამპყრობელმა დააარსა, მისი ისტორია 900 წელს მოიცავს. თაუერი ფუნქციონირებდა როგორც სამეფო სასახლე, საიუველირო სახლი, ციხე, სასჯელაღსრულების ადგილი და ზოოპარკი, დღეს კი მუზეუმის ფუნქციას ითავსებს.
The Shard
ეწვიეთ The Shard-ს, ის ლონდონის და ევროპის ყველაზე მაღალი შენობაა, მისი სიმაღლე 310 მეტრს შეადგენს. შენობიდან შეგიძლიათ იხილოთ ულამაზესი ქალაქი და მისი ღირსშესანიშნაობები, მათ შორის წმ. პეტრეს ტაძარი, უემბლის სტადიონი, Coca-Cola London Eye და სხვა.
London Dungeon
London Dungeon სპეციალური ატრაქციონია, რომელშიც საშინელ ისტორიულ მოვლენებს აცოცხლებენ, რისთვისაც ცოცხალ მუსიკას, სპეც ეფექტებს და მსახიობებს იყენებენ. ტურში მონაწილეობის მიღება შეუძლია 45 ადამიანს, მისი ხანგრძლივობა 110 წუთს შეადგენს.
Kensington Palace
კენსინგტონის სასახლე მე-17 საუკუნიდან სამეფო ოჯახის რეზიდენციას წარმოადგენდა, დღეს კი კემბრიჯის ჰერცოგის რეზიდენციაა.
სასახლის სამთავრობო ნაწილი ღიაა ტურისტებისთვის, მას არაკომერციული ორგანიზაცია Historic Royal Palaces მართავს, რომელიც 4 სხვადასხვა ტურს სთავაზობს მნახველებს.
ვიზიტორებს შეუძლიათ იხილონ სასახლის არქიტექტურა, დიზაინი, სამეფო სახლის ავეჯი, უილიამის და მერის, გეორგ I და გეორგ II-ის, დედოფალი ვიქტორიას რეზიდენცია და სხვა.
