03 May 2018
  • 6858 ნახვა

თეთნულდი - ჩემი პირველი მწვერვალი

თუ თქვენ გადაწყვიტეთ დაკავდეთ ალპინიზმით იცოდეთ, რომ სპორტის ეს სახეობა არ გაძლევთ უსაფრთხოების გარანტიას, იმ შემთხვევებშიც კი, თუ ფიზიკურად ხართ მზად და ასევე სპეციალური უნარებიც მაქსიმალურად გაქვთ განვითარებული. ფიზიკური მომზადება, რა თქმა უნდა, რისკს მინიმუმამდე ამცირებს, მაგრამ ყველაფერი მასზე არაა დამოკიდებული. ყოველთვის არსებობს ობიექტური საფრთხე - ქვების ცვენის, ბზარების, ზვავის , აკლიმატიზაციის სირთულე და ასევე ამინდის უეცარი ცვლის საშიშროება.
ჩემი პირველი მწვერვალი სვანეთის თეთრი პატარძალი, თეთნულდი იყო. 
4852 მ სიმაღლის თეთნულდი არც თუ ისე მარტივ მწვერვალად ითვლება. არც იმის ილუზია მქონია, რომ ორ ნაბიჯში ავირბენდი. არც ის მიფიქრია, რომ სვანეთის კავკასიონზე ასვლა ისეთივე მარტივი იქნებოდა, როგორიც მაგალითად, ხვამლზე.
თეთნულდზე ასვლამდე ლაშქრობის დიდი გამოცდილება დავაგროვე, მთელი წლის განმავლობაში კი სპორტდარბაზში ვვარჯიშობდი.
თეთნულდი
მწვერვალი ნებისმიერი მოლაშქრისთვის დიდი გამოწვევაა. იქ მოსახვედრად პირველ რიგში, აუცილებელია მტკიცე ნებისყოფა, ძლიერი ფეხები, კიდევ უფრო ძლიერი ფილტვები და სპეციალური აღჭურვილობა, რომელიც მთაში შენი საუკეთესო მეგობარი ხდება. იყავით მზად იმისათვის, რომ ალპინიზმით დაკავება ძვირადღირებული სიამოვნებაა. ასევე გახსოვდეთ - ეკონომია არ შეიძლება გაკეთდეს ინვენტარზე, იქნება ეს სავარჯიშოდ გათვლილი თუ პროფესიული სვლისთვის. ეს შეიძლება სიცოცხლის ფასად დაგიჯდეთ არა მარტო თქვენ, არამედ მათ, ვინც თქვენთან ერთად იქნება. . ალპინიზმი გუნდური სპორტის სახეობაა და არა ერთი კაცის ''თამაში'', არასოდეს იფიქროთ მთაში მხოლოდ საკუთარ თავზე. იქ, მაღლა, ღრუბლებთან ახლოს თქვენ პასუხს აგებთ  სხვებზეც.
თეთნულდი, სვანეთი
თოვლიან და ყინულიან მთებში სალაშქრო ფეხსაცმელს  სპეციალურად მაღალი მთისთვის შექმნილი ჩექმა ცლის, რომელზეც წრიაპები მაგრდება. თხელი, სალაშქრო ქურთუკი აუცლებლად ჩაანაცვლეთ სამთო, ქარ და თოვლგამძლე კომბინიზონით ან შარვლითა და შესაბამისი ქურთუკით. მწვერვალზე ასასვლელად აუცილებელია აღჭურვილობის მოხმარებისა და ხშირად კლდეზე ცოცვის ცოდნაც. დამეთანხმებით, რომ სტანდარტულ მოლაშქრეს ეს უნარები ხშირად არაფერში სჭირდება.
თეთნულდზე ასასვლელად პირველი ბანაკი მთის ძირში, საძოვრებთან ახლოს გავშალეთ. ჩვენი საფეხმავლო გზა ადიშიდან დაიწყო. პირველი ეტაპი ჩემთვის, როგორც ლაშქრობებში გამობრძმედილისათვის არც ისე რთული აღმოჩნდა, თუმცა იყო ერთი დეტალი, რომელმაც გზა გამიძნელა. საძოვრები სავსე იყო გრანდიოზულად დიდი ობობებით, რომლებიც ჩემთვის, როგორც არაქანოფობისთვის კიდევ უფრო დიდები ჩანდნენ.
ბანაკი თეთნულდის გზაზე
ობობები და საძოვრები რომ გავიარეთ, ნამდვილი მთის რელიეფი დაიწყო. საუკუნოვანი ქანები ჩემს ფეხქვეშ იშლებოდა და ზათქით მიექანებოდა ციცაბო კალთებზე. ადიშის მყინვარი, რომელსაც ბარში ნანახი თოვლის არც სუნი, არც ფერი და არც კონსისტენცია ჰქონდა, სიძველისაგან ყარდა. თოვლიანი რელიეფის ავლის შემდეგ ისევ ციცაბო, ნაშალი ქვებით სავსე მორენები დაიწყო. ენერგიის მოსაკრებად და დასასვენებლად ორჯერ გავჩერდით. ვკრეფდით სიმაღლეს და ჩვენს ზურგსუკან რჩებოდა კავკასიონის დიდებული პეიზაჟი. პირველი გაჩერება თითქმის ერთდღიანი ფეხსვლის შემდეგ თეთნულდის პირველი საბანაკე პლატო იყო. პლატოზე ასვლამდე მცირე სიმაღლის, ფრიალო კლდეზე ავცოცდით, სადაც კიდევ ერთხელ გამომადგა ჩემი ბარში შეძენილი გამოცდილება.
მწვერვალი თეთნულდი
მოშიშვლებულ, ტრიალ,ათასწლოვანი ქანებით სავსე პატარა მოედანზე გავშალეთ ჩვენი ნარინჯისფერი კარვები და ჩემი ახალბედობის, აკლიმატიზაციის სირთულისა და გამოუცდელობის გამო ჩემი მწვერვალიც აქ  ''დასრულდა''. ბიჭებმა მწვერვალისაკენ გასვლა გამთენიისას გადაწყვიტეს. 
მთა ყოველთვის უკრავს იდუმალ მუსიკას, რომელიც მხოლოდ გამთენიისხანს, ჯერ კიდევ ბინდბუნდში შეგიძლია გაიგონო...მუსიკა შეგიძლია გაიგონო მაშინაც, როცა ღამით, კარავში, საძილე ტომარაში თბილად შეყუჟულს ყინულის მსხვრევის გუგუნი გაღვიძებს. ეს მუსიკა ისმის შუადღითაც, როცა თოვლს მზის სხივები ელამუნება...
ყოველღამით შეგიძლია უსმინო, როგორ ტკაცუნებს ყინული მთვარის სხივებქვეშ, როგორ იბადებიან მდინარეები მყინვარებიდან, როგორ ნაპრალდება საუკუნოვანი თოვლი და როგორ იხმობს გზააბნეულ მოგზაურებს ფერადი ნაპრალები, სირინოზებივით რომ გამოსცემენ ათასგვარ იდუმალ ხმას შუადღის მცხუნვარე მზის ქვეშ.
თეთნულდის მწვერვალი, სვანეთი
ყოველ სისხამ დილით, შეგიძლია გაიგონო კლდის მკერდს მოწყვეტილი ლოდების ხმა, მთების იდუმალი მუსიკა, არწივების ჭყივილი და მთის კაშკაშა მზის სხივებისგან თვალებდამწვარმა ერთადერთი რამ გაიფიქრო_ რომ შენი ქვეყანა ყველაზე, ყველაზე ლამაზია. თუმცა, სამწუხაროდ, ლამაზია ველური, მიუწვდომელი და რაც მთავარია, ადამიანებისგან ნაკლებად დასნებოვნებული მიწები. მიწები, რომლებსაც ჯერ კიდევ ეტყობა იმ რაღაც ამოუცნობი არსების თუ მოვლენის ხელი, ჩვენ რომ ღმერთს ვეძახით ხოლმე ...


მსგავსი
10 August 2017

ისტორიული ახალციხე

ამჯერად ეს პოსტი ოდნავ განსხვავებული იქნება, რადგან ქალაქი, რომელზეც უნდა მოგიყვეთ, ჩემი მშობლიური ქალაქია. რა თქმა უნდა,&...

24 July 2017

საირმე – მწვანე მარგალიტი

 თუ მწვანე თქვენი საყვარელი ფერია, მაშინ საირმე აუცილებლად შეგიყვარდებათ, მაგრამ, რა თქმა უნდა, ეს არ არის აუცილებელი პირო...

11 May 2017

ნავენახევის მღვიმე - 210 მეტრიანი მღვიმე თერჯოლაში

განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 210 მეტრის სიგრძის ორსართულიანი მღვიმე ჯერ კიდევ...

05 April 2016

ბირთვისები - აუღებელი ციხე

ბირთვისის ციხის კომპლექსი ქვემო ქართლში, ალგეთის ხეობაში თეთრიწყაროდან ჩრდილო-აღმოსავლეთით  მდებარეობს. ბირთვისი ბუნების  გამორ...

08 March 2016

ლაგოდეხი, ნინოსხევის (გურგენიანის) ჩანჩქერი

ჩანჩქერის სანახავად საუკეთესო პერიოდი გვიანი გაზაფხულიდან ზაფხულის ბოლომდეა, მაშინ, როცა ყველაფერი გაფოთლილია და ტემპერატურა საკმა...

06 March 2016

Lake Paliastomi - Kolkheti National Park

Lake Paliastomi  is a small lake near the city of Poti, Georgia, connected to the Black Sea by a narrow channel. Its surface area ...

20 December 2015

Ski splendidly in Georgia - Hatsvali

Mestia  is a highland townlet  in northwest Georgia, at an elevation of 1,500 metres (4,921 feet) ...

07 December 2015

Focus on Georgian Wines and the Traditional Method of Winemaking

Georgia, a land of 520 grape varieties and an 8000 year history of winemaking, proudly maintains its status as the birthplace of w...

01 December 2015

Ski splendidly in Georgia - Bakuriani

A two and half hour drive from Georgia's capital will bring you to Bakuriani - the ski and health resort set at an altitude of 170...

27 November 2015

Ski splendidly in Georgia - Gudauri

A mountain ski resort situated on a south-facing plateau of the Greater Caucasus Mountain Range - surrounded by some of Europe's m...