თუშეთი ჩაბუდებული ბუნების სული

თუშეთი საქართველოს ულამაზესი კუთხეა. იქ, ზამთარში  თოვლი  5–6 თვის განავლობაში არ დნება. ხოლო ზაფხულში ტემპერატურა  14-15 გრადუსია. თუშეთის ჰავა კონტინენტურია.  სეტყვა იშვიათი მოვლენაა,  ხორხოშელა კი   უფრო ხშირადაა. თუშეთის ფლორა  მრავალფეროვანია, მდიდარია ენდემური და უძველესი სახეობებით. თუშეთის ტყეების საერთო ფართობი შეადგენს 32000 ჰა-ს. ძირითადად გავრცელებულია  ფიჭვნარი და არყნარი. თუშეთის ტყეებში და მათ გარეთაც მრავლადაა კენკროვანი და ტყის ხილის მცენარეულობა. თუშეთის ტყეები სხვა ნიშნითაცაა უნიკალური– იქ არის ტყის ისეთი ტიპები, რომლებიც სხვაგან თითქმის არ აღნიშნულა: არყნარ-ფიჭვნარი სუბალპური ბალახეულით, არყნარ-ცაცხვნარი ბუჩქნარებით, ფიჭვნარი დეკათი და სხვა.  ფიჭვი ზღვის დონიდან 2650 მეტრამდე გვხვდება, რაც კავკასიისათვის უნიკალური შემთხვევაა. თუშეთის აზიდულ მთებში ბინადრობს  ჯიქი, რომელიც მთელ კავკასიაში ერთეული ინდივიდების სახით არის შემორჩენილი  და  წითელ წიგნშია შეტანილი. თუშეთში ტბები ძალიან ცოტაა და ზომითაც პატარებია. მათგან აღსანიშნავია ორეთის (უძირო) ტბა, რომელიც ტურისტებისთვის შედარებით ადვილი მისასვლელია. თუშეთში ზღვის დონიდან ყველაზე მაღალი წერტილი თებულოსმთაა 4492 მ , ყველაზე დაბალი  კი 1490 მ – მდინარე თუშეთის ალაზანი ,  დაღესტნის საზღვართან.