გეირანგერფიორდი - ნორვეგიის ყველაზე ცნობილი ღირსშესანიშნაობა

გეირანგერფიორდი (ნორ. Geirangerfjorden)  - S -ის ფორმის ფიორდი მსოფლიოს ერთ-ერთი ყველაზე გრძელი და ღრმა ფიორდია. ის ნორვეგიის დასავლეთ ნაწილში, სუნმორეს რეგიონში, სტრანდის მუნიციპალიტეტში მდებარეობს. მისი სიგრძე 15 კმ-ია. ფიორდის კიდეზე (წვერში), სადაც მას მდინარე გეირანგელვა უერთდება, მდებარეობს სოფელი გეირანგერი. ფიორდი ნორვეგიის ერთ-ერთ ყველაზე მონახულებად ღირსშესანიშნაობას წარმოადგენს, რომელიც საკმაოდ პოპულარულია ტურისტებში. 2005 წელს, იუნესკომ ის ნერიოიფიორდთან ერთად, მსოფლიო მემკვიდრეობის სიაში შეიყვანა, მაგრამ ეს სტატუსი ამჟამად საფრთხის ქვეშ დგას, რადგან ფიორდის თავზე დაგეგმილია ელექტროგადამცემი ხაზების გაყვანა. ტურისტულ მარშუტში ბორანით გასეირნება შედის, რომელიც ფიორდის უკეთ დათვალიერების და სიღრმეში შესვლის საშუალებას იძლევა. აქვე უამრავი თოლია დაფრინავს, რომლებიც ადამიანის მიერ გადაყრილ სასუსნავებს მიირთმევენ.   თუ პანორამული ხედები გიზიდავთ, მაშინ სოფელ გეირანგერში შეგიძლიათ ელექტრომობილი იქირაოთ და მთის წვერისკენ მიმავალ გზებს შეუყვეთ.  გადაწყისისთვის Flydalsjuvet-ს მიადგებით, საიდანაც ნორვეგიის ყველაზე ცნობილი ხედი იშლება. აქ მდებარეობს “Fjordsetet”-ის სინსტალაცია, რომელიც "დედოფლის სკამის" სახელითაა ცნობილი. იმ შემთხვევაში, თუ ღობის იქით გადაძვრომა არ დაგეზარებათ, ასეთ შესანიშნავ კადრს გადაიღებთ. კიდევ უფრო ლამაზი პანორამული ხედი იშლება  Eagle’s Road-დან. ესაა 11 სერპანტინიანი გზა, რომელსაც სიმაღლეში 700 მეტრზე აყავხარ. გზის ბოლოს Ørnesvingen-ია, ადგილი, სადაც ფიორდის ყველაზე ცნობილი ფოტოებია გადაღებული. აქედან ყველაზე იოლად შეიძლება აღიქვა, თუ რამდენად უზარმაზარია ეს ფიორდი.