10 ადგილი მსოფლიოში, სადაც ყველაზე ნაკლები რაოდენობით შეხვდებით ტურისტებს (ნაწილი I)

ზამთრის ცივ დღეებში ყველას თბილ ქვეყნებში, ზღვაზე და მზიან სანაპიროზე სურს დასვენება.  არის რამე უკეთესი, ვიდრე კარიბის კუნძულების რბილი ჰავა, მზიანი  სანაპიროები და ულამაზესი ბუნება? კარიბებზე წარმოდგენილია როგორც კერძო მდიდრული სანაპიროები და კერძო კუნძულები, ასევე იაფი საერთო საცხოვრებლები. აქ ყველა გემოვნებისა და ბიუჯეტისთვის მოიძებნება სასურველი  სერვისი. შეგიძლიათ ისიამოვნოთ მართლაც განსაკუთრებული სამზარეულოთი, იშოპინგოთ როგორც მდიდრულ ბუტიკებში, ასევე ადგილობრივ ბაზრებზე. გთავაზობთ 9 ადგილს კარიბებზე, რომლებსაც აუცილებლად უნდა ესტუმროთ. St. Lucia    St. Lucia-ას სილამაზეს მოწმობს ყველაფერი, თვალწარმტაცი ხედები, მისი მუქი ლურჯი ზღვა, ულამაზესი ფლორა და ფაუნა. ეს ადგილი არ არის  შოპინგის და წვეულებების მოყვარულთათვის, ის უფრო რომანტიკის და წყალქვეშა სპორტული აქტივობების მოყვარულთათვისაა განკუთვნილი. ეს კუნძული ბუნებრივ ცხელ წყალს, ადგილობრივი სამზარეულოს დელიკატესებს, დაივინგსა და ვინდსერფინგს გთავაზობთ.   Aruba არუბა წლის ნ ...

[su_youtube url="https://youtu.be/pNafai5HB1E"] ნიდერლანდების სამეფოში  უნიკალური თემატური პარკი მდებარეობს - ეფტელინგი  - ზღაპრული ატმოსფეროთი და მომაჯადოვებელი ატრაქციონებით, რაც მას ოჯახური დასვენების იდეალურ ადგილად აქცევს. 1952 წლის 31 მაისს ეფტელინგის პარკი ოფიციალურად გაიხსნა. ეფტელინგის თემატური პარკი 72 ჰექტარზეა გადაჭიმული (პარკინგის ადგილის ჩათვლით). გახსნისას, ორიგინალური პარკი  მოიცავდა ზღაპრულ ტყეს 10 ატრაქციონით, სათამაშო მოედანს, რამოდენიმე ხელოვნურ ტბას, ჩაის სახლს, საჩუქრების მაღაზას, ოთხ ჩოგბურთის მოედანს, აუზს და ერთ ჰექტარ პარკს. ატრაქციონებში შედიოდა გნომების სოფელი, ჩინური ბულბულის ატრაქციონი, ცელქი პრინცესა, ფიფქია და შვიდი ჯუჯა, პრინცი რომელიც ბაყაყად გადაიქცა, ჯადოსნური საათი და ა.შ. თავდაპირველად ძველი ევროპული ზღაპრების მოტივებზე დაარსებული პარკი წლების განმავლობაში სრულყოფილ გასართობ პარკად გადაიქცა მთელი ოჯახისთვის, ამერიკული მთებით და უამრავი ქვეგანყოფილებით. თავდაპირველ გმირებს ახლები დაემატა და ამჟამად ჯადოსნურ ტყეში 26 პერსონაჟი ცხოვრო ...

რატომ პიზა? არ ვიცი ალბათ დაგვაინტერსა ის კოშკი, 200 წელი რომ აშენებდნენ და  რომელზეც ყველა ლაპარაკობდა სათანადოდ იყო თუ არა გადახრილი...     ხოდა გადასამოწმებლად ჩავედით. პიზის აეროპორტიდან ცენტრი 3-4 კმ-ში მდებარეობს. აეროპორტი პატარა და კომფორტულია. ქალაქში მეტროც მიდის ავტობუსებიც, მაგრამ ჩვენ გვეძვირა 4 კილომეტრში რვა ევრომდე გადახდა და ფეხით დავადექით გზას, თანაც ქალაქს ასე უკეთ ვნახავთთქო ვიფიქრეთ.     გამთენიისას მივადექით პიზის კოშკს. მზე ახლა ამოდიოდა, მარმარილოს ქვებზე სინათლის ისეთ სიხშირეს ირეკლავდა რომ სამყარო სამჯერ მეტად თეთრი მოგეჩვენებოდათ. ხომ არის ადგილები თითქოს მარილი რომ აკლია. ამ ადგილს ზედმეტი აყრიაო იტყოდით... დილა იყო.  ტურისტებს ჯერ კიდევ ეძინათ და ნამდვილად გირჩევთ, თუ ამ ადგილის ნახვას გადაწყვეტთ გამთენიას, მზის ამოსვლისას ესტუმროთ. ამ დროს განსაკუთრებით ლამაზი სანახაობაა და თანაც ტურისტების პირდაპირი მნიშვნელობით ალიაქოთის გარეშე.        კოშკი პიაცა დე ...

ევროპაზე ვერაფერს დავწერ ისეთს, რაც ცნობილ პუბლიცისტებსა და ჟურნალისტებს არ დაუწერიათ… ვერც პოლონეთზე დავწერ განსაკუთრებულს რამეს, იმიტომ კი არა, რომ არ შემიძლია. იმიტომ, რომ პოლონეთი ჩემთვის ესაა ქვეყანა სავსე მშვიდი, ლამაზი, მშრომელი, მოწესრიგებული და განათლებული ხალხით. ქვეყანა, სადაც არცერთი გოჯი მიწა არაა აუთვისებელი, ქვეყანა, რომელიც ნამდვილად იმსახურებს ევროკავშირს. ევროპა გარყვნილება არაა. ევროპა ჩემთვის ევროკავშირია. ევროკავშირი კი ესაა ბევრი , კულტურულად განსხვავებული, ტრადიციებშემონახული და ამავდროულად მოდერნიზებული ქვეყნით დაკომპლექტებული კავშირი, სადაც დაახლოებით სამოცი, სამოცდაათი წელი ვერ შევალთ. ვერ შევალთ მხოლოდ და მხოლოდ იმიტომ, რომ არ ვიცით სად დავყაროთ ჩვენი ნაგავი, არ ვიცით სად გადავაფურთხოთ, სად დავცალოთ საშარდე ბუშტი, სად დავიცვათ საგზაო მოძრაობის წესები და სად დავარღვიოთ, სად ვიყოთ სოლიდარულები და სად არა, სად დავიცვათ ჩვენი ქვეყნის მოქალაქეები (მიუხედავად მათი რელიგიური, რასობრივი, ეროვნული , სექსუალური , ფიზიკური და ფსიქიკური ...

საფრანგეთში ქალაქების გარდა, არანაკლებ ლამაზი და საინტერესო სოფლების მონახულება არის შესაძლებელი, რომლებიც შუასაუკუნეების შემდეგ თითქმის არ შეცვლილან და თითეული თავის უნიკალურ ისტორიას მოგიყვებათ Eguisheim  - პატარა სოფელი ელზასში, კოლმარის მახლობლად, რომელიც ცნობილია თავისი შესანიშნავი ღვინოებით და შუასაუკუნის ქალაქის უცვლელი ხედებით. Flavigny-sur-Ozerain - ბურგუნდიის ეს პატარა სოფელი ცნობილი გახდა პოპულარული ფილმის "შოკოლადი" გადაღების შემდეგ, უძველესმა შენობებმა შესანიშნავი დეკორაციების როლი შეასრულეს. სიამაყის მეორე მიზეზი მსოფლიოში უნიკალური ანისულის ტკბილეულობაა, რომელსაც უკვე ათას წელზე მეტია ადგილობრივი მონასტრის ბერები აწარმოებენ. Pérouges - არის ლამაზი ქვის სოფელი ლიონის მახლობლად, რომელიც კარგად არის შემონახული შუა საუკუნეების დროიდან და განთქმულია თავისი ნაღების და ლიმონის ტორტით, რომელიც, სტუმრობისას, აუცილებლად უნდა დააგემოვნოთ. Beynac-et-Cazenac - მდებარეობს საფრანგეთის სამხრეთ-დასავლეთ ნაწილში  და ყველაზე ...

კირქვის ბუნებრივ ავზებსა და კედლებში, სადაც  წყალი  მთის ფერდობებიდან ჩამოდის – ბუნებრივი საცავია თერმული წყლების . მას  ფამუქალეს  იგივე "ბამბის ციხეს"  ეძახიან. ეს ადგილი  თურქეთის სამხრეთ- დასავლეთით, ეგეოსის რეგიონში მდებარეობს , კერძოდ  დენიზლის პროვინციაში.  თეთრი ტერასები მთის ფერდობზე წარმოიქმნა კალციუმით გაჯერებული თერმული წყლებს მარილების ნადებით. ფამუქალეს სიგრძე 2700, სიმაღლე კი – 160 მეტრი. თერმული წყლების ტემპერატურა 35 –დან  100 °C –მდეა და ტურისტებისთვის წყალში ჩასვლა დაშვებულია.  აქ უძველესი ქალაქი იერაპოლისი  "თეთრი "ციხის" თავზე იყო აგებული. ...

ყოველ წელს, შემოდგომობით, შუანტაი-ჰეკოუს ნაკრძალში, ლიაოჰეს მდინარეზე, ჩინეთში განლაგებული პლაჟი წითელ ფერში იღებება. პლაჟის სახელიც აქედან მომდინარეობს - პანჯინის წითელი სანაპირო. ეს სანაპირო ქალაქ პანჯინიდან 30 კილომეტრში, სამხრეთ-დასავლეთით მდებარეობს. საიდან მოდის წითელი შეფერილობა? საქმე იმაშია, რომ ლიაოჰეს ნაპირები ზღვის წყალმცენარით -  Sueda-თია მოფენილი. ზრდის პერიოდში -აპრილიდან მაისამდე ისინი ჩვეულებრივ მწვანე ფერისაა, ხოლო სექტემბრის დასაწყისიდან, როცა ჭკნობას და კვდომას იწყებენ, წითლად იღებებიან. სწორედ ამ დროს აწყდება აქაურობას ტურისტების უზარმაზარი ნაკადი. ფოტოებზე კარგად ჩანს წითელი ხალიჩა, რომელიც კილომეტრების მანძილზე გადაჭიმული.       სანაპირო ნაკრძალის ტერიტორიის ნაწილია, რომელიც 600 ათას ჰექტარზეა გადაჭიმული. ნაკრძალის უდიდესი ტერიტორია მნახველებისთვის დახურულია და მხოლოდ მის მცირე ნაწილზე შეიძლება შესვლა, სადაც ტურისტებისთვის აშენებულია ხიდები, დასასვენებელი ადგილები, პანორამული მოედნები და ა.შ. მხოლოდ ეს პატარა ტერი ...

20 წელზე მეტია საფრანგეთი მსოფლიოს ყველაზე პოპულარული ტურისტული დანიშნულებაა, რომელიც ყოველწლიურად საშუალოდ 82 მილიონ უცხოელ ტურისტს მასპინძლობს. ფრანგული კულტურა, დახვეწილი სამზარეულო, ღვინო და რომანტიკული შატოები მსოფლიოს სხვადასხვა კუთხიდან ტურისტებს იზიდავს. წარმოგიდგენთ საფრანგეთის საუკეთესო ტურისტულ ადგილებს. პარიზი პარიზი მსოფლიოს ყველაზე პოპულარული ქალაქია, ყოველწლიურად მას  45 მილიონი ტურისტი სტუმრობს. პარიზს სხვადასხვანაირად მოიხსენიებენ: სინათლის ქალაქი, მოდის დედაქალაქი და სხვა. ის სახელგანთქმულია თავისი რომანტიკული გარემოთი, ბიზნეს, გასართობი, გასტრონომიული, მოდის, ხელოვნების და კულტური სფეროს გამო.  მის სავიზიტო ბარათს ეიფელის კოშკი, ნოტრდამის კათედრალი და ტრიუმფალური თაღი წარმოადგენს, ის ასევე მსოფლიოში სახელგანთქმული მუზეუმების სამშობლოა, ისეთების, როგორიცაა ლუვრი და ორსეის მუზეუმი. ფრანგული რივიერა ფრანგული რივიერა საფრანგეთის ხმელთაშუა ზღვის სანაპიროზე მდებარეობს. ის მდიდარი და ცნობილი ადამიანების თავშეყრის ადგილს წარმოადგენს და ცნობი ...

ჩვენებურ ნატვრის ხეებს ბევრგან შეხვდები - ფერად-ფერადი ნაჭრებია ტოტებზე შებმული  და ყველა ნაჭერი მეპატრონის მიერ ჩათქმულ სურვილებზე მიგვანიშნებს. თურმე შოტლანდიელებსაც აქვთ მსგავსი ტრადიცია, ოღონდ ისინი ნაჭრის ან ლენტის შებმის მაგიერ მონეტებს არჭობენ ხეში.  აქ ასეთი ხეების მთელი ტყეა! ამ ტყეს  Peak District ქვია და შოტლანდიაში მდებარეობს. მონეტებს ქვის მეშვეობით არჭობენ ხეში და იძახიან, რომ ამას იღბალი მოაქვს. ხოლო თუ ჩარჭობისას სურვილს ჩაუთქვამ, აუცილებლად აგისრულდება.   ეს ტრადიცია უკვე რამოდენიმე ასეულ წელს ითვლის, ამას ისიც ადასტურებს, რომ მონეტებს შორის ნამდვილ სიძველეებს შეიძლება გადააწყდე. დიდ ბრიტანეთში ეს ტრაციდია 1700-იან წლებს უკავშირდება. შოტლანდიის ერთ-ერთ ხეში აღმოჩენილია მეთოთხმეტე საუკუნის ინგლისური მონეტა. როგორ გაჩნდა ეს ტრადიცია? ძველი ხალხები ფიქრობდნენ, რომ ღმერთების სულები ხეებში ცხოვრობდნენ, მათთვის საჩუქრად ტკბილეული და სხვადასხვა საჩუქრები მიქონდათ, რომლებსაც ხეებზე კიდებდნენ. შემდეგ ეს ტრადიცია ახალ წელს დაუკავშირდა, მათ მაგიერ ...

დაგიგემოვნებიათ ოქროთი მორთული ეკლერი ან ლოკოკინა დესერტად? თუ არა მოემზადეთ, რადგან ამ სტატიაში წარმოგიდგენთ 5 გამორჩეულ დესერტს, რომლებიც აუცილებლად უნდა დააგემოვნოთ ლონდონის ვიზიტისას.  Pierre Marcolini Pierre Marcolini ნამდვილად ზრუნავს მისი სტუმრების გაოცებაზე. ბელგიელი კონდიტერი საქმიანობას სრული სერიოზულობით უდგება და დესერტს ნამდვილ ხელოვნების ნიმუშად აქცევს. დესერტის დამზადებისას სეზონური პროდუქტები გამოიყენება, თუმცა უცვლელი რჩება ისეთი კომპონენტები როგორიცაა ვანილი, ყავა, კაკაო, შოკოლადი au lait და chocolat noir. ნამცხვრები მორთულია თხილის და შოკოლადის ნატეხებით, სპეციალურად დამუშავებული ოქროს მცირე ნაწილაკებით, რომლებიც შეგიძლიათ თავისუფლად მიირთვათ. ლონდონის ვიზიტისას აუცილებლად ეწვიეთ Pierre Marcolini-ს და  დააგემოვნეთ მისი სახელგანთქმული ეკლერები, სულ რაღაც  £4.80. Freakshake at Molly Bakes Freakshake  იგივე მილკშეიკი, ტალღოვანი ნაღებით, ჟოლოთი, შოკოლადის სოუსით, ვაფლის, ბრაუნის და ორეოს ნატეხებით, ტკბილი სოუსით ...