10 საოცარი სასტუმრო, რომელსაც ერთხელ მაინც უნდა ესტუმროთ

1. ტელჩი, ჩეხეთი     ტელჩი ქალაქი-მუზეუმია ჩეხეთში. დოკუმენტებში ქალაქი პირველად 1333 წელს მოიხსენიება, უძველესი ციხე-სიმაგრის ირგვლივ პატარა, ლამაზი ქალაქია გაშენებული, ხოლო ციხის კედლებთან ადგილობრივი ბაზრის მოედანია განლაგებული, რომელიც ვაჭრების ყოფილი სახლებითაა შემოფარგლული. 1971 წელს ქალაქი არქიტექტურულ ნაკრძალად გამოცხადდა, ხოლო 1992  წელს იუნესკოს მსოფლიო მემკვიდრეობის სიაში შევიდა. გარდაამისა, 1995 წლიდან ტელჩის ციხე ჩეხეთის ნაციონალური კულტურის ძეგლადაა გამოცხადებული.   2. ბლედი, სლოვენია     სლოვენიის ამ პატარა ქალაქის მიგნება ძალიან იოლია, ის ლუბლიანას აეროპორტიდან 32 კილომეტრშია განლაგებული, ალპების ძირში, ზღვის დონიდან 501 მეტრზე. აქ უამრავი საინტერესო და ლამაზი ადგილია, მაგრამ განსაკუთრებით საინტერესო ბლედის ტბაა, რომელზეც ქალაქია განლაგებული. ამ ტბას თბილი წყაროები კვებავს, რის გამოც ზაფხულში წყლის ტემპერატურა +18 +24 გრადუსამდე თბება, ხოლო ზამთრობით მხოლოდ ძალიან ძლიერი ყინვების შემთხვევაში იყინებ ...

ავიაკომპანია Fly Dubai - ს რეისი უკვე ასრულებდა თითქმის 5 საათიან ფრენას დუბაიდან კოლომბოს მიმართულებით, ადგილობრივი დროით დილის 4:00 იყო, ილუმინატორებიდან გარიჟრაჟი ჩანდა. სადღაც შორს, ქვიშიან სანაპიროს ინდოეთის ოკეანის ტალღები ხვდებოდა, ნაპირს კი მთელს სიგრძეზე მიუყვებოდა მწვანე პალმების ზოლი. ეს იყო ჩემი პირველი მოგზაურობა შორეულ ტროპიკულ მხარეში და მოუთმენლად ველოდი, თუ როდის დაიწყებდა ლაინერი დაშვებას.   კუნძული შრი ლანკა, იგივე ცეილონი. სუსხიანი ზამთრისგან დაღლილი ადამინისათვის ეს ადგილი არის შველა და ბედნიერება. აეროპორტშივე გვხდება წარწერა : “Welcome to our paradise island” და უკვე გრძნობ, რომ წინ არაჩვეულებრივი დღეები გელის. საუკეთესო სეზონი აქ ნოემბრიდან აპრილის ჩათვლით არის - მე მარტის თვეში ვიმოგზაურე. ავიაბილეთი დაახლოებით 500 დოლარამდეა, თუმცა აქაც შეგიძლიათ სხვადასხვა პრომო-ტარიფებს ჩაუსაფრდეთ. ტურისტულ ვიზას ადგილზევე აიღებთ სულ რაღაც 35 დოლარად. პირველი, რაც აეროპორტის ტერმინალიდან გამოსულ ტურისტს დახვდება - ეს არის საოცრად ნოტიო ...

ზამთარში ადამიანების უმეტესობას მოგზაურობა არ ეხალისება. რა ჯობია სახლში თბილად ჯდომას, პლედში გახვევას და კაკაოს წრუპვას... და მაინც, არის ქალაქები, რომელიც სწორედ ზამთარშია ყველაზე ლამაზი, ჯადოსნური და დაუვიწყარი. ისეთი, როგორიც მხოლოდ ფილმებში თუ გვინახავს. ისინი ამართლებენ დახარჯულ დროს, გათოშილ ხელ-ფეხს და გაყინულ ცხვირს. მათგან ყველაზე ლამაზი ზამთრის მოგონებებით დაბრუნდებით. 1. ჰალშტატი, ავსტრია ეს პაწაწინა სოფელი ზემო ავსტრიაში, ზალცკამერგუტის რეკრეაციულ ზონაში მდებარეობს, ჰალშტატის ტბის ახლოს. მოსახლეობა სულ 1000 კაცია. სოფელი შორსაა თანამედროვე მაგისტრალებისგან, თუმცა ეს ხელს არ უშლის წელიწადში ათასობით ტურისტი მიიღოს. ჰალშტატი ეროპის ერთ-ერთი უძველესი დასახლებაა. აქ მდებარეობს ერთ-ერთი უძველესი მარილის საბადოც, სადაც მარილს უკვე 3000 წელია, რაც მოიპოვებენ. 2. ქვინსტაუნი, ახალი ზელანდია. ახალი ზელანდიის მთავარი ტურისტული ქალაქი ყველა სეზონზე ლამაზია. აქ შეხვდებით უამრავ სასტუმროს, კომფორტულ და გემრიელსაკვებიან კაფე-ბარებს და რესტორნებს, გესთჰაუზებს და ა.შ. ექსტრემალუ ...

რუმინეთში მოგზაურობის მთავარი მუღამი თავიდანვე ე.წ დრაკულას სასახლის მონახულება იყო. ჯერ კიდევ მაშინ, როცა ბრემ სტოკერის ,,დრაკულა“ წავიკითხე და გავიგე, რომ მასში გადმოცემული გრაფ დრაკულას სასახლის პროტოტიპი რეალობაში არსებობდა, კიდევ უფრო გამიმძაფრდა წაკითხულის რეალობაში ნახვის სურვილი. ასე რომ, ქალაქ ბრაშოვიდან მეორე დღესვე გავემართე რუმინეთის მთავარი ტურისტული ღირსშესანიშნაობისკენ- ბრანისკენ,  იგივე დრაკულას სასახლისკენ.  ბრაშოვიდან ბრანში მოხვედრა სირთულეს არ წარმოადგენს. ქალაქის სადგურიდან, რომელიც ცოტა ქართულ სადგურებსაც კი ჰგავს, ბრანის მიმართულებით ყოველ საათში  ერთხელ დადიან ავტობუსები. მგზავრობა დაახლოებით 8 რუმინული ლეი ანუ 2 ევრო ღირს. დანიშნულების ადგილამდე მგზავრობა 40-50 წუთს გრძელდება, მაგრამ ეს არ იქნება მოსაბეზრებელი წუთები, რომელსაც მხოლოდ ფლეი ლისტით გაიყვანთ. ტრანსილვანიის ბუნება იმდენად თვალისმომჭრელია, რომ მგზავრობითაც ისიამოვნებთ. გზად რამდენიმე პატარა სოფელს თუ დასახლებას გაივლით.  რასაც აუცილებლად შეამჩნევთ იქნება სისუფთ ...

მაჰოს სანაპირო სენ-მარტენის კუნძულზე, სამხრეთ-დასავლეთ ნაწილში მდებარეობს. აქ არის მზე, ქათქათა ქვიშის პლაჟი, კრისტალურად სუფთა ზღვა და რაც ყველაზე მთავარია - შენს თავს ზემოთ რამოდენიმე მეტრის სიმაღლეზე მფრინავი ავიალაინერები. ეს სანაპირო პრინცეს ჯულიანას სახელობის საერთაშორისო აეროპორტის სიახლოვეს მდებარეობს, რომელიც მსოფლიოს ყველაზე სახიფათო აეროპორტების ათეულში შედის.       იმის გამო, რომ კუნძულის ფართობი ძალიან მცირეა, პლაჟი პირდაპირ ასაფრენი ბილიკის დასაწყისშია განთავსებული, რის გამოც  ლაინერები 10-20 მეტრის სიმაღლეზე ფრენენ, დამსვენებლების თავებს ზემოთ.     პლაჟის სიგრძე დაახლოებით 300 მეტრია, სიგანე - 15 მეტრი. ყოველი რეისის ჩამოფრენის ან აფრენის წინ დამსვენებლებს აფრთხილებენ რადიოს მეშვეობით, ხოლო პლაჟზე ალაგ-ალაგ განლაგებულ დაფებზე ფრენების განრიგია დატანილი. აქვეა გაფრთხილებების იმის შესახებ, რომ ავიალაინერების რეაქტიული ძრავებიდან გამოტყორცნილმა ჰაერის ნაკადმა ადამიანი შეიძლება დააზიანოს, ზღვაში გადაი ...

ფინგალის გამოქვაბული, რომელსაც მელოდიის გამოქვაბულსაც ეძახიან, შოტლანდიაში მდებარეობს, სტაფას კუნძულზე, რომელიც ჰერბიდის კუნძულების შემადგენლობაში შედის. თვითონ კუნძული ძალიან პატარა ზომისაა. ერთი კილომეტრი სიგრძის და ნახევარი კილომეტრი სიგანის პაწაწინა კუნძულის ყველაზე მაღალი წერტილი ზღვის დონიდან მხოლოდ 46ო მეტრ სიმაღლეზე მდებარეოს.  დასახელება "Staffa" თარგმანში კუნძულ-სვეტს ნიშნავს.  კუნძულის სანაპიროს უდიდესი ნაწილზე ბაზალტის სვეტებისგან შედგება, სანაპიროს სიგრძე კი სულ 2.4 კილომეტრია.   კუნძულთან მიახლოებისას შეიძლება შეამჩნიოთ, რომ ფორმით ის გიგანტურ ხელს გავს, რომელიც ოკეანისკენაა გაწვდილი. კუნძულის სანაპიროს თითქმის მთელ პერიმეტრზე სიმეტრიული, ექვსკუთხა, შავი გრანიტის სვეტებია აღმართული. სვეტების უმეტესობა ექვსკუთხაა, თუმცა არის რვაკუთხა და სამკუთხა ვარიაციებიც. სვეტები გავარვარებული ლავის სწრაფი ამოფრქვევის შედეგადაა შექმნილი. კრისტალიზაციის პროცესში ლავა ასეთ სვეტებად ჩამოყალიბდა. ადგილობრივი ლეგენდების თნახმად ეს სვეტები გოლიათებმა შექმნეს. კუნძ ...

ყოველწლიურად დაახლოებით 50 მილიონი საერთაშორისო ვიზიტორისთვის ყველაზე ხშირად მონახულებად ქვეყნებად საფრანგეთი, აშშ და ჩინეთი რჩება. ეიფელის კოშკი თუ თავისუფლების ქანდაკება გარკვეულწილად ჩრდილავს სხვა მიმართულებებს, რომლებიც მოგზაურებისთვის არანაკლებ საინტერესო შეიძლება იყოს. Quora.com-ის მომხმარებელთა გამოკითხვის შედეგად გამოვლინდა ის 5 ქვეყანა, რომელიც, მათი აზრით, ჯერ კიდევ არ არის სათანადოდ დაფასებული. ავსტრია ცენტრალური ევროპის ეს ქვეყანა ხშირად იჩაგრება ისეთი პოპულარული მეზობლების ფონზე,  როგორებიცაა ჩეხეთის დედაქალაქი პრაღა და სამხრეთ გერმანიაში მიუნხენი. ამერიკელებს და ევროპელებს ავიწყდებათ, რომ დაახლოებით 100 წლის წინ ავსტრია იყო ევროპის დიდი იმპერიული დედაქალაქი. საოცარი მუზეუმების, სამხატვრო გალერეების თუ სასახლეების ნახვა ვენის უსაფრთხო და სუფთა მეტროს სისტემით შეგიძლიათ. ავსტრიის სათხილამურო ქალაქები კი ერთ-ერთი საუკეთესოა მსოფლიოში. . მოზამბიკი მიუხედავად იმისა, რომ ამ სიაში აფრიკის ბევრი ქვეყანა შეიძლებოდა ყოფილიყო, მოზამბიკი მაინც გამორჩეულია. ინდოეთის ო ...

აშშ-ს საავიაციო ფედერალური ადმინისტრაცია ნოემბერში კვლევებს ჩაატარებს რათა  დაადგინოს, დღესდღეობით რამდენად შეესაბამება თვითმფრინავების ეკონომ კლასში ადგილების ზომები და მათ შორის მანძილი ევაკუაციის მოთხოვნებს. ამ ინფორმაციასThe Sun ავრცელებს.   კვლევების შედეგების გაანალიზება გამოავლენს, თუ რამდენად სწრაფად შეუძლიათ მგზავრებს თვითმფრინავის დატოვება. შედეგებმა შეიძლება გამოიწვიოს შემდეგი სახის ცვლილება: სამგზავრო ადგილების მინიმალური ზომა და მათ შორის მანძილი გადაიხედება და შეიძლება გაიზარდოს.   მოქმედი რეგულაციების თანახმად, მგზავრების ევაკუაცია უნდა მოხდეს 90 წამში, თუმცა ამაში არ არის გათვალისწინებული მინიმალური დაშორება ადგილების მწკრივებს შორის. ამავდროულად, არ არის გათვალისწინებული ადამიანი ხდება ჭარბი წონა და ავიაკომპანიები, ფულის დაზოგვის მიზნით,  თავიანთ თვითმფრინავებში მაქსიმალური ადგილების განთავსებას ცდილობენ. ...

იანვარი, 2020 წელი. კვიპროსის ბილეთის ყიდვისას, ვიცოდი, რომ ლარნაკა დიდად ვერაფრით გამაოცებდა, თუმცა მოცემულ მომენტში, ჩემთვის მნიშვნელოვანი იყო, ბილეთი სპონტანურად მეყიდა და სადმე მარტო წავსულიყავი. აეროპორტიდან ჩემს ჰოსტელამდე ავტობუსით მოვედი. საჭესთან უსაყვარლესი ქალი იჯდა. ყველას სათითაოდ გვეკითხებოდა, სად მივდიოდით და მერე გვახსენებდა, თქვენი ჩასვლის დროაო. ჰოსტელის ფანჯრიდან 4-5-სართულიანი თეთრი შენობები ჩანდა. უსახური ხედი, ალბათ, ცოტა დამთრგუნველია, მაგრამ მე მხოლოდ ის ვიგრძენი, რომ სწორ დროს სწორ ადგილას ვიყავი. ერთადერთი, რაც ჩამოსვლის დღეს მოვასწარი ის იყო, რომ ზღვაზე ჩავედი, მთავარ ქუჩამდე გზა დავიმახსოვრე, ზღვის პროდუქტები ვჭამე, ცოტა ვიბოდიალე და მომდევნო დღის გეგმა შევადგინე. მეორე დღეს, ქალაქში სანახავი ძირითადი ადგილები უკვე მონიშნული მქონდა. ჰოსტელიდან ქუჩას გავუყევი და ევროპის მოედანს მივუახლოვდი. იქ უკვე ყველაფერი ერთმანეთთან ძალიან ახლოსაა. იქვეა ულამაზესი Larnaca Marina, სადაც შეგიძლიათ ზღვაში შეჭრილ ქვებზე ახვიდეთ და ისეირნოთ, ადგილობრი ...

მოგზაურები ხშირად ამბობენ, რომ ყველა ქვეყანას თუ ქალაქს თავისი "სუნი" აქვს. მართალია, ეს ხატოვანი გამონათქვამია, თუმცა ზოგიერთი ქალაქის შემთხვევაში შეგვიძლია პირდაპირი მნიშვნელობითაც გავიგოთ. ქალაქი ბრისტოლი ასოცირდება ძმრის სუნთან. ადგილობრივი მოსახლეობა ხშირად ჩივის, რომ ქალაქს ძმრის სუნი აქვს. ეს ყველაფერი კი გამოიწვია იმან, რომ ადგილობრივმა ხელისუფლებამ ძმრის გამოყენება სარეველებთან საბრძოლველად დაიწყო.     შოკოლადის მოყვარულებისთვის სასიამოვნო იქნება სტუმრობა ქალაქ იორკში. სწორედ ამ ქალაქში, ცენტრიდან რამდენიმე კილომეტრშია განთავსებული  Nestle-ს ქარხანა. ქარს ხშირად მოაქვს ტკბილი შოკოლადის სურნელი და ქალაქიც შოკოლადთან გახდა ასოცირებული.     ედინბურგი გაჯერებულია ლუდის სუნით. შოტლანდიის დედაქალაქში მრავალი ლუდსახარში და არყის ქარხანაა. მათი სუნით ისე გაჯერდა ქალაქი, რომ 2009 წელს აქ "სუნის კონტროლის" კოშიც კი დაამონტაჟეს.     მაროკოს ქალაქი ფეზი ტყავის უძველესი სამშობლოა. ამიტო ...