სად შევხვდეთ ახალ წელს - 10 საუკეთესო ადგილი

ახალი წელი წელიწადში ერთხელ აღინიშნება, ამიტომაც ეს დღესასწაული განსაკუთრებით დასამახსოვრებელი უნდა იყოს. გართობა, ფეიერვერკები და საუკეთესო სადღესასწაულო განწყობა - ეს ყველაფერი 31 დეკემბრის ღამეს დაუვიწყარს ხდის. გთავაზობთ იმ 10 საუკეთესო ადგილს, სადაც ახალი წლის შეხვედრა ნამდვილად შთამბეჭდავი და განუმეორებელი ქინება.

ნიუ იორკი

ახალი წლის ღამეს ნიუ იორკში არსებულ ატმოსფეროს ძნელად თუ გაუწევს კონკურენციას რომელიმე ქალაქი. თაიმს სქვერზე შეკრებილი მილიონობით ადამიანი და ცნობილი მუსიკოსები და, რაც მთავარია, ციდან დაშვებული უზარმაზარი ბროლის ბურთი. ამ ყველაფერს კი თავისუფლების კუნძულზე გრანდიოზული ფეიერვერკი აგვირგვინებს

რიო დე ჟანეირო

რიო დე ჟანეირო ახალი წლის ღამე კარნავალის შემდეგ რიგით მეორეა გრანდიოზულ დღესასწაულებს შორის. ცნობილი კოპაკაბანას პლაჟი ახალი წლის ღამეს 2 მილიონზე მეტ სტუმარს მასპინძლობს. ცოცხალი მუსიკალური და საცეკვაო წარმოდგენები, რომელსაც, რა თქმა უნდა, ერთ-ერთი ყველაზე მასშტაბური ფეიერვერკი ასრულებს.

სიდნეი

სიდნეიში ახალი წლის ორი რამის გამოა განსაკუთრებული: პირველი იმიტომ, რომ ესაა ქალაქი, სადაც პირველად შემოდის ახალი წელი. მეორე კი იმიტომ, რომ სიდნეის აქვს ყველაზე დიდი ფეიერვერკები მსოფლიოში. პირველად ფეიერვერკებს საღამოს 9 საათზე უშვებენ, შემდეგ კი შუაღამისას. სიდნეის საახალწლო ღონისძიებები გამოირჩევა საჰაერო და წყლის შოუებითაც.

ედინბურგი

ედინბურგში ახალი წლის ღონისძიებები 30 დეკემბერს იწყება და 3 დღის განმავლობაში გრძელდება. ქუჩებში მასობრივი მსვლელობები და ღონისძიებები იმართება. ახალი წლის დადგომისას კი ედინბურგის ციიდან 4.5 ტონა პიროტექნიკით უშვებენ ფეიერვერკს.

ლონდონი

ლონდონში ახალ წელს ისე ხვდებიან, როგორც მხოლოდ ლონდონელებს შეუძლიათ. აღლუმი, კოსტუმირებული მოცეკვავეები, დედოფლის პროცესია, სინათლის შოუ და ფეიერვერკები.

ჰონგ კონგი

ჰონგ კონგი გამოირჩევა ფეიერვერკების მასშტაბურობით, რომელიც ყოველ წელს იზრდება. პიროტექნიკით შექმნილი გველეშაპი ჰონგ კონგის ცაზე ანათებს. ნიუ იორკი პატივსაცემად კი აქაც ანთებენ უზარმაზარ ბროლის ბურთს.

ბერლინი

გერმანიის დედაქალაქში საახალწლო ეპიცენტრი ე.წ "ფართების გამზირია" - ორკილომეტრიანი მონაკვეთი ბარებით, მაღაზიებით, ლაზერ შოუებით, ვიდეო ეკრანებით და მუსიკით. ახალი წლის დადგომის შემდეგ სტუმრები საცეკვაო მოედნებზე ინაცვლებენ, სადაც გართობა დილამდე მიმდინარეობს.

ლას ვეგასი

ადგილი, სადაც ახალი წლის ღამეს გასართობი ადგილის პოვნა ნამდვილად არ გაგიჭირდებათ. ამ დღეს ლას ვეგასის ცენტრალური ქუჩები ავტომანქანებისაგან თავისუფლდება და ის მთლიანად ცოცხალ შემსრულებლებს, ლაზერ შოუებს და ფეიერვერკებს ეთმობა. ახალი წლის ღამით ლას ვეგასის ბარებში და კლუბებში განუსაზღვრელი რაოდენობის კონცერტები იმართება.

ბაჰამი

ბაჰამის კუნძულებზე ახალი წლის ღამე განსაკუთრებით საინტერესოა. ჯანკანუს ქუჩაზე სადღესასწაულო ღონისძიებები აერთიანებს მუსიკას, ქუჩის შემსრულებლებს, ფერად კოსტუმებს...ეს ნადმვილი სადღესასწაულო აღლუმია, რომელიც 1 იანვარსაც გრძელდება.

ახალი ორლეანი

ახალ ორლეანში ახალი წელი ფეიერვერკით გამოირჩევა, რომელიც 15 წუთს გრძელდება მდინარე მისისიპის გასწვრივ. ამის შემდეგ ადგილობრივები ბურბონის ქუჩასა და ლათინურ კვარტალში ინაცვლებენ სადაც ბარებში დღესასწაულის აღნიშვნა დილამდე გრძელდება.