შენგენის ზონაში უვიზოდ მიმოსვლა საქართველოს მოქალაქეებს 28 მარტიდან შეეძლებათ

მიმდინარე წლის ზაფხულის სანავიგაციო სეზონზე, არაბთა გაერთიანებული საემიროების დაბალ ბიუჯეტიანი ავიაკომპანია „Flydubai“ ბათუმის მიმართულებით ფრენებს ყოველდღიურად შეასრულებს.

16 ივნისიდან 30 სექტემბრამდე, საავიაციო მიმოსვლა დუბაი-ბათუმი-დუბაის საჰაერო ხაზზე კვირაში 3 სიხშირის ნაცვლად 7 სიხშირით შესრულდება. საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ, ავიაკომპანიას ახალი განრიგით ოპერირების ნებართვა 14 თებერვალს მიენიჭა.

ავიარეისები Boeing 737-800 ტიპის საჰაერო ხომალდით შესრულდება.

„Flydubai“ დუბაი-თბილისი-დუბაის საჰაერო ხაზზე 2011 წლიდან ოპერირებს. 2017 წლიდან, ავიაკომპანიამ საავიაციო მიმოსვლა ბათუმის მიმართულებით დაიწყო, ხოლო მიმდინარე წლის 14 ივნისიდან, „Flydubai“ ფრენებს დუბაი-ქუთაისი-დუბაის მიმართულებით, კვირაში 2 სიხშირით შეასრულებს.

წყარო BPI

ავიაკომპანია WizzAir-ი მაისის თვეში ევროპის კიდევ 5 მიმართულებით იწყებს ფრენებს. 17 მაისს პირველი რეისი შესრულდება რომის, პარიზის და ათენის მიმართულებით. 18 მაისიდან ფრენები განხორციელდება ბარსელონას მიმართულებით. 19 მაისიდან კი WizzAir-ი პრაღის მიმართულებით დაიწყებს რეისების შესრულებას. 

გარდა ამისა, 17 მაისს უნგრული დაბალბიუჯეტიანი ავიაკომპანია ვიზეარი ქუთაისის საერთაშორისო აეროპორტში მეორე ბაზას გახსნის.

ავიაბილეთების ფასები 29,99 ევროდან იწყება. ფრენებს კომპანია ეარბას A320 ტიპის ავიახომალდით შეასრულებს.

ბახმარო ზამთრის ექსტრემალური სპორტის მოყვარულებს და პროფესიონალებს ევროპის ქვეყნებიდან წელს პირველად უმასპინძლებს. კურორტს დეკემბერში 60 ევროპელი ტურისტი და მედიის წარმომადგენელი ეწვევა და მოხდება მისი, როგორც სათხილამურო კურორტის ათვისება.

აღნიშნულ ინფორმაციას "გურიანიუსი" ავრცელებს.

ლეგენდარული ჯგუფის Led Zeppelin-ის სოლისტი რობერტ პლანტი საქართველოს ეწვევა. მუსიკოსი Black Sea Jazz Festival-ის ფარგლებში, 19 ივლისს Black Sea Arena-ზე გამართავს კონცერტს. 

ამის შესახებ ინფორმაცია დღვანდელ პრესკონფერენციაზე ფესტივალის ორგანიზატორებმა განაცხადეს. Black Sea Jazz Festival-ი სწორედ პლანტის კონცერტით გაიხსნება და 22 ივლისის ჩათვლით გაგრძელდება.