ქართული ყველის და კულინარიის ფესტივალი 26 ოქტომბერს

თუ თქვენ გადაწყვიტეთ დაკავდეთ ალპინიზმით იცოდეთ, რომ სპორტის ეს სახეობა არ გაძლევთ უსაფრთხოების გარანტიას, იმ შემთხვევებშიც კი, თუ ფიზიკურად ხართ მზად და ასევე სპეციალური უნარებიც მაქსიმალურად გაქვთ განვითარებული. ფიზიკური მომზადება, რა თქმა უნდა, რისკს მინიმუმამდე ამცირებს, მაგრამ ყველაფერი მასზე არაა დამოკიდებული. ყოველთვის არსებობს ობიექტური საფრთხე - ქვების ცვენის, ბზარების, ზვავის , აკლიმატიზაციის სირთულე და ასევე ამინდის უეცარი ცვლის საშიშროება. ჩემი პირველი მწვერვალი სვანეთის თეთრი პატარძალი, თეთნულდი იყო.  4852 მ სიმაღლის თეთნულდი არც თუ ისე მარტივ მწვერვალად ითვლება. არც იმის ილუზია მქონია, რომ ორ ნაბიჯში ავირბენდი. არც ის მიფიქრია, რომ სვანეთის კავკასიონზე ასვლა ისეთივე მარტივი იქნებოდა, როგორიც მაგალითად, ხვამლზე. თეთნულდზე ასვლამდე ლაშქრობის დიდი გამოცდილება დავაგროვე, მთელი წლის განმავლობაში კი სპორტდარბაზში ვვარჯიშობდი. მწვერვალი ნებისმიერი მოლაშქრისთვის დიდი გამოწვევაა. იქ მოსახვედრად პირველ რიგში, აუცილებელია მტკიცე ნებისყოფა, ძლიერი ფეხები, კიდევ უფრო ძლიერი ...

გზაზე ვდგავართ, დილაა და ქუთაისური ქარი გვერდებს გვიყინავს. შემოდგომაა. დილით უკვე ცივა. კეთილ მძღოლებს ველოდებით, ავტოსტოპით ბორჯომამდე ვაპირებთ ჩასვლას.   გიგა მთამსვლელია, მე -მოლაშქრე. მთაში უკვე ორი წელია დავდივარ. გიგა- ექვსი.    ქუთაისიდან ბორჯომ-ხარაგაულის ეროვნულ ტყე-პარკამდე ავტოსტოპით წასვლა თითქოს ძალიან მარტივია, მაგრამ ჩვენ არ გვიმართლებს.    ‘’-არა, არა, უცხოელი ტურისტები რომ იყოთ წაგიყვანდით, მარა ერთი ადგილი მაქვს. ჩამოივლის რამე კიდე.’’ – გვიღიმის მიკროავტობუსის მძღოლი და ცხვირწინ გვიჯახუნებს კარს.   საბოლოო ჯამში გვიმართლებს და ხაშურამდე ავტომობილს მივყვებით.    ხაშური ისევ ისეთია როგორც ჩემს ბავშობაში-მტვრიანი, მიტოვებული, ღარიბული.    ხუთი წლის ასაკში, პირველად რომ მოვხვდი აღმოსავლეთში, თვალებგაფართოებული ვუსმენდი იქაურებისთვის დამახასიათებელ კილოს… მერე ამ კილოს ”ათვისება” ყოველ ზაფხულს თავიდან მიწევდა ხოლმე. მივხვდი ერთ ...

ბირთვისის ციხის კომპლექსი ქვემო ქართლში, ალგეთის ხეობაში თეთრიწყაროდან ჩრდილო-აღმოსავლეთით  მდებარეობს. ბირთვისი ბუნების  გამორჩეული ძეგლი და საქართველოს დიდი ისტორიის მოწმეა. თავის დროზე ბირთვისის ციხე თითქმის აუღებლადაც ითვლებოდა და მე-18 საუკუნის ბოლომდე მტკიცედ იდგა ქვეყნის სადარაჯოზე. იგი ბუნებრივად  მიუდგომელ ადგილზე მდებარეობს. ბირთვისის ციხე ისტორიულ წყაროებში მე-11 საუკუნიდან იხსენიება.  ყველაზე მნიშვნელოვანი ფაქტი კი მე-15 საუკუნეში მოხდა. თემურლენგი მერვედ და უკანასკნელად შემოესია საქართველოს. ბირთვისის აღებას იგი თვითონ ჩაუდგა სათავეში. ციხეს ალყა შემოარტყა და ლოდსატყორცნიდან დაუშინა ქვები. სროლა წუთითაც არ წყდებოდა.  ერთ ღამეს ლოდსატყორცნი უეცრად დადუმდა, ამ დროს კლდეზე მცოცავებმა შეაღწიეს ციხეში და გაიმართა სასტიკი ბრძოლა, თუმცა უკვე გვიანი იყო ბირთვისი დაეცა. გადარჩენილი ქართველები თემურლენგმა სიკვდილით დასაჯა. ციხისკენ მიმავალ გზას მივყავართ ვიწრო კარამდე. შიგნით, ხელოვნურად მოსწორებულ კლდეზე, პატარა ეზო იქმნება. აქედან იწყება ციხე. მაგრამ ბირთვისი არ არის ...

ზაფხულის უდიდეს ნაწილს მესხეთში ვატარებ, ამიტომ ვცდილობ დასვენება მოსაწყენი და ერთფეროვანი არ იყოს. მესხეთი კი ბევრ შესაძლებლობას იძლევა, რომ ზაფხული (და არა მარტო ზაფხული) საინტერესოდ და განსაკუთრებულად გაატარო. მესხეთში უამრავი ადგილია სანახავი, მაგრამ, რა თქმა უნდა, ყველაფრის ნახვას ერთ დღეში ვერ მოასწრებ, ამიტომ ამ უქმეებზე გადავწყვიტე წავსულიყავი სადმე ახლოს, ისეთ ადგილას, რომ ერთ გზაზე რამდენიმე რამე მენახა. სწორედ ასეთი ადგილებია ზარზმა და ჭულევი. ეს მარშრუტი ძალიან მოსახერხებელია ერთდღიანი ექსკურსიებისთვის, მაგრამ, რა თქმა უნდა, მოსახერხებელთან ერთად ბევრი დადებითი მხარე აქვს ამ ადგილების ნახვას. პირველი გაჩერების პუნქტი ზარზმა იყო. ზარზმა სოფელია მესხეთში, ადიგენის მუნიციპალიტეტში. მისი მთავარი ღირსშესანიშნაობა კი ზარზმის მონასტერია, რომელიც ქართული ხუროთმოძღვრების ერთ-ერთი უმნიშვნელოვანესი ძეგლია. ეკლესია VII-IX სს-ში ააგეს, თუმცა იმდროინდელი ტაძარი არ არის მოღწეული ჩვენამდე. ამჟამინდელი ეკლესია კი XIV საუკუნისაა. მნიშვნელოვანია კედლის მხატვრობა, ეკლესიის შენობის კედლებზე ...

  2019 წლის 16 ნოემბერს ქობულეთის მუნიციპლიტეტის და სასტუმრო „კასტელო მარეს“ ორგანიზებით, ციხისძირში, სასტუმროს ტერიტორიაზე გაიმართება  ფესტივალი „მანდარინობა“. ღონისძიების მიზანია ადგილობრივი სუბტროპიკული კულტურის პოპულარიზაცია და საინტერესო ტურისტულ პროდუქტად ქცევა.    ფესტივალზე მონაწილეობა შეუძლია სასტუმროს სტუმრებსა და გარედან შემოსულ ნებისმიერ ვიზიტორს. დასწრება თავისუფალია!   ფესტივალის პროგრამა 12:00- 14:00 - მანდარინის კრეფა  12 საათიდან დაიწყება „მანდარინობის“ მონაწილეების შეკრება სასტუმროს ტერიტორიაზე. მათ ადილზე დაურიგდებათ საჭირო აღჭურვილობა და ხელთათმანები. ასევე,  მოემსახურებათ მიკროავტობუსი სასტუმროდან ციტრუსის ბაღებამდე (1 კმ).   მონაწილეები დაიყოფიან გუნდებად და შეეჯიბრებიან მოსავლის შეგროვებაში. ღონისძიებას გაუძღვება წამყვანი და ანიმატორი. 14:00-დან სასტუმროს ტერიტორიაზე გაიმართება გამოფენა-გაყიდვა და გასართობი პროგრამა:    სა ...

"მოვიარე გორდი, კინჩხა  ვერ ვიპოვე მჭადის ფინჩხა” ყვება ქართული ხალხური ლექსი ხონის რაიონის მიტოვებული სოფლების სევდას. მივდივარ და გულში ვიმეორებ: ”მოვიარე გორდი, კინჩხა...” ეს იყო სამი წლის წინ... მაშინ გორდის (ოკაცეს კანიონის) გადმოსახედი ახალი ხილი იყო ტურისტებისთვის, კინჩხა კი ჯერ კიდევ ხელშეუხებელი, აუთვისებელი ტერიტორია თავისი ქალწულებრივი მშვენებით ხვდებოდა ყველა მნახველს. ზაფხულის ერთ ცხელ დღეს, როცა ქალაქის ქუჩებში ადამიანების ნაცვლად ლანდებიღა დადიოდნენ, მე და გიგამ ჩავალაგეთ ზურგჩანთები, ავიბარგეთ და კინჩხის დალაშქვრა გადავწყვიტეთ. ქუთაისიდან ხონამდე მიკროავტობუსით,  ხონიდან გორდამდე ავტოსტოპით, გორდიდან კინჩხამდე კი, ჯერ კიდევ ასფალტუნახავ გზაზე, ფეხით ჩავედით. იყო სიცხე და ჭრიჭინობელები ხვატისგან გათანგულ სიმღერებს მღეროდნენ. კინჩხის ორღობეებში აქა-იქ ცისფრად შეღებილი, ცალთვალა, საღებავგადაცლილი იმერული ოდები იდგნენ და ზღაპრული დევებივით იცავდნენ დაცარიელებულ სოფელს. ეძინა ყველას - ხვატისგან ორთქლადენილ საქონელს, სოფელშ ...

პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ საქართველოს და უცხო ქვეყნის მოქალაქეებისთვის საჰაერო საზღვარზე შემოსვლის განახლებული რეჟიმი შეიმუშავა. საქართველოში საერთაშორისო ფრენები 1 თებერვლიდან აღდგა, 1-ელი თებერვლიდან რეგულარულ ფრენებზე დაწესებული რეგულაციების მოხსნა ფრენების რაოდენობაზე აისახება და 15 თებერვლიდან რეისების რაოდენობა გაიზრდება. ქვეყანაში მკაფიოდ არის განსაზღვრული ვიზიტორთა შემოყვანის წესები: → ნებისმიერი ტიპის კოვიდვაქცინის სრული კურსის ჩატარების (ორი დოზა) დამადასტურებელი დოკუმენტის* საზღვარზე წარდგენით ყველა ქვეყნის მოქალაქეს შეეძლება უპირობოდ საქართველოში შემოსვლა. → ევროკავშირის, ისრაელის, შვეიცარიის, აშშ-ს, საუდის არაბეთის, არაბთა გაერთიანებულის საემიროების და ბაჰრეინის მოქალაქეებმა და რეზიდენტებმა, ამავე ქვეყნებიდან ან/და ტრანზიტულად შემოსვლისას უნდა წარმოადგინონ ბოლო 72 სთ-ში ჩატარებული PCR ტესტი და საზღვრის კვეთიდან მე-3 დღეს საკუთარი ხარჯით ჩაიტარონ PCR ტესტირება. → საქართველოს მოქალაქე ...

განსხვავებული ფორმის სტალაგმიტებით, სტალაგნატებითა და სტალაქტიტებით გამორჩეული 210 მეტრის სიგრძის ორსართულიანი მღვიმე ჯერ კიდევ უცნობია ბევრისთვის. ნავენახევის მღვიმე თერჯოლის რაიონში, სოფელ ნავენახევში, ზღვის დონიდან 235 მეტრზე მდებარეობს. მღვიმეში 4 დარბაზია. პირველს ქართველი პალეოლოგების დარბაზს უწოდებენ. მეორე თიხნარი დარბაზის სახელწოდებით არის ცნობილი. მესამე საოცრებათა დარბაზია, მეოთხეს კი ოქროს ჩარდახს უწოდებენ. მღვიმის წყალი შეიცავს კალცს, მარილებს. აქ სტალაქტიდის მოპირისპირედ წარმოიქმნება სტალაგმიტი, ისინი ერთად ქმნიან სტალაგანტს, მისი რაოდენობა მღვიმეში 120-ია, რაც ბევრად აღემატება სათაფლიისა და ახალი ათონის მღვიმეებში არსებულ სტალაგანტთა რიცხვს.  მღვიმე შესასვლელიდან 30-ე მეტრზე ორად იყოფა. მეორე სართული პატარა საფეხურებით დაკავშირებულია დარბაზთან. მღვიმეს გასასვლელი არა აქვს, ამოკეტილია სტალაგნატით, რომლის სისქე 7 მეტრია. ნავენახევის მღვიმე საქართველოს მთავარი სატრანსპორტო გზიდან დაახლოებით 20 წთ-ის სავალ გზაზე მდებარეობს. შესაბამისად, მისი მონ ...

ქუთაისიდან სათაფლიაში ტრადიციული, ასფალტდასხმული ტრასა და რომელიღაც ნომერი სამარშრუტო ტაქსი დადის, ასე რომ მავანს შესაძლოა აზრადაც არ მოსდიოდეს, რამდენად ლამაზი და საინტერესო გზებით შეგიძლიათ ესტუმროთ მამაქალაქიდან პრეისტორიული დინოზავრების დედულ-მამულს. ეს პოსტი მათთვისაა, ვისაც მიკროავტობუსით ცხოვრების გამარტივებას სუფთა ჰაერის ჩაყლაპვა და ფეხის დაღლა ურჩევნია. ქუთაისიდან 5 წუთის სავალზე, მდინარე ოღასკურას ხეობაში კორპის ტყე მდებარეობს. კორპის ჩვენებურად, თორემ ადგილობრივები იქაურობას ''პროპკის'' ტყეს უწოდებენ, რეალურად კი ადგილი გოჭოურა-დ იწოდება. დასახელება ტყემ საბჭოთა კავშირის დროს ქუთაისში შემოტანილი კორპის მუხის გამო მიიღო, რომლის ქერქისგანაც საცობებს (რუსულად_პროპკა) ამზადებდნენ. კორპის ხის განაშენიანება საქართველოში 1930 წელს დაიწყო. აღნიშნულ ტყეში მუხების მცირე რაოდენობაა შემორჩენილი. ნაწილი დაავადებამ, ნაწილი კი 1990-იან წლებში ადამიანთა დაუდევრობამ გააჩანაგა. გოჭოურას ბოლოს ეგრეთ წოდებული ''დევნილების სანატორიუმი'' მდებარეობს, რომელიც მ ...

ქვემო ქართლი დღესდღეობით ტურისტებისთვის ერთ-ერთი ყველაზე ნაკლებად პოპულარული რეგიონია საქართველოში. უფრო მეტიც, ის ვერ ხვდება სხვადასხვა ტურისტულ რგოლებში, რომლებიც უცხოელ ტურისტებს საქართველოს აცნობენ. თუმცა ამ რეგიონს საკმაოდ დიდი პოტენციალი გააჩნია, რათა ქართველ თუ უცხოელ ტურისტებს საინტერესო და განსხვავებული ადგილები აღმოაჩენინოს. სწორედ ქვემო ქართლის პოპულარიზაციის და ამ რეგიონში ტურიზმის განვითარების მიზნით დაარსდა კომპანია TourEast Georgia ქალაქ ბოლნისში. კომპანიის დამფუძნებელი პროფესიით ისტორიკოსი კარინე ბეჟანიშვილია. ქვემო ქართლი ტურისტებისთვის ახალი ტურისტული ზონაა. აქ თქვენ ნახავთ ჯერ კიდევ უცნობ ადგილებს, რომლებიც მდიდარია ისტორიული წარსულით და მულტიკულტურული ურთიერთობებით. ქვემო ქართლი საზღვრისპირა რეგიონია, მისი მოსაზღვრე ქვეყნებია - სომხეთი და აზერბაიჯანი. რეგიონს ტურიზმის კუთხით ხელსაყრელი პირობები აქვს,  ქვემო ქართლის საზღვარზე განლაგებულია 4 სასაზღვრო-გამშვები პუნქტი. „ ქვემო ქართლს უნიკალურს ხდის უამრავი ისტორიული ძეგლი, გერმანელების მიერ აშ ...