COVID 19 – ის გამო დაბა მესტია, უშგულსა და ლენჯერში გარკვეული რეგულაციები დაწესდა.

წლებია გაყინული ტბის ნახვა მსურს. პატარა ტბები მთაში თუ აგერ ქალაქის გვერდით ბევრი დამიგროვდა ნანახიც მაგრამ არა, მე რაღაც უფრო დიდი მსურდა. ან ყველაზე დიდი....ერთი პერიოდი ვფიქრობდი გაყინული ბალატონის ტბა რა სანახავია ალბათთქო. ერთხელაც ამ ოცნებებში ვიყავი და გავიფიქრე:     შტერი თუ არ ხარ,  ბალატონს რას ნატრულობ აგერ ფარავანი არ გინახავსთქო...     ხოდა შარშან ავიკარი გუდა ნაბადი, გადავუჭირე ბათინკს თასმები და დავადექი გზას...ვერ ვნახე. ქარბუქი იყო ამოვარდნილი, გზა ჩაკეტილი და წალკის იქით არც გამახედეს...   წელს დაზამთრდა თუ არა ხელების ფშვნეტა დავიწყე. მეგობარმაც მხარი ამიბა და გზას დავადექით.   კიკეთიდან წავედით, გავიარეთ მანგლისი, წალკა, მივადექით სოფელ ფარავანთან - ფარავნის ტბასაც.   მთელი სოფლის გავლა მოგვიწია. მარტო ტბა კი არა სოფელიც გაყინული დაგვხვდა...ნახევარზე მეტი გზა კი არ ჩავიარეთ ჩავსრიალდით...     რუსულად ამეტყველებული ადგილობრივები შემოგვეგე ...

საქართველოს ეროვნული ბოტანიკური ბაღის ორგანიზებით გაიმართება‘’პურის ფესტივალი’’, უკვე მეორედ. ფესტივალზე წარმოდგენილი იქნება ბოტანიკური ბაღის ქართული მარცვლოვანი კულტურების კოლექცია და საქართველოში მოქმედი პურის მწარმოებელი კომპანიების პროდუქცია. თქვენ გელით პურის დეგუსტაცია, ცოცხალი მუსიკა და ბენდი და სხვადასხვა გასართობი აქტივობა. ფესტივალის დასრულების შემდეგ გაიმართება თეატრალური წარმოდგენა ძველი პურის ცხობის ტრადიციების შესახებ. ფესიტვალის მხარდამჭერები არიან ქ. თბილისის მერია და ქართული გენეტიკის სურსათი "გემოვანი". ფესტივალი გაიმართება  თბილისში, ბოტანიკურ ბაღში, Event Square - ღია სადღესასწაულო სივრცე-ში. 12 ოქტომბერი - 12:00 - 18:00 სთ 13 ოქტომბერი - 12:00 - 18:00 სთ ნებისმიერ მსურველს ბილეთების შეძენა შეუძლია, როგროც ადგილზე ასევე ონლაინ.   ...

ცარცული პერიოდის ცხოველების ძვლები და რეპტილიების ნაკვალევი - ეს ყველაფერი იმერეთში, მდინარე ძუსას ხეობაში და სოფელ მერევშია აღმოჩენილი. მდინარე ძუსაზე მდებარე ჩანჩქერს ადგილობრივები "ქადაგიძის რაფს" უწოდებენ. სწორედ აღნიშნულ ჩანჩქერთანაა უძველესი ცხოველების ნაკვალევი, რომლის შესწავლაც უკვე მიმდინარეობს სპეციალისტების მიერ. სპეციალისტების აზრით, ეს ნიანგის ნაკვალევია. ჩანჩქერი თერჯოლის რაიონის ტურისტულ მარშრუტში მოიაზრება, შესაბამისად, იგეგმება მასზე სპეციალური მოაჯირის და ბილიკის მოწყობა და ნაკვალევის კონსერვაცია. ამასთან, სოფელ მერევში ადგილობრივი მაცხოვრებლის სახლში ინახება, სავარაუდოდ, ცარცული პერიოდის ცხოველების ნაშთები. აღნიშნული არტეფაქტები წლების განმავლობაში ადგილობრივი სკოლის მუზეუმში ინახებოდა. თუმცა 90-იან წლებში მუზეუმი გაიძარცვა და სკოლის მაშინდელმა დირექტორმა არტეფაქტების მხოლოდ ნაწილის გადარჩენა მოახერხა. ნაშთები დღემდე მის ოჯახში ინახება. ...

დაბადების დღე წელიწადში მხოლოდ ერთხელ არის და ქალაქი თბილისიც არ არის გამონაკლისი. დაზუსტებით არ ვიცით თარიღი, როდის გადაწყვიტა ვახტანგ გორგასალმა თბილისის დაარსება იმ ადგილას სადაც ცხელ წყაროში ჩავარდნილი ხოხობი იპოვნა. მაგრამ,  უკვე წლების მანძილზე თბილისობას აღვნიშნავთ შემოდგომით. პირველად ეს დღესასწაული 1979 წელს აღინიშნა. 2018 წლიდან ეს ხდება ოქტომბრის პირველ შაბათ-კვირას, იქამდე კი აღინიშნებოდა ოქტომბრის ბოლო შაბათ-კვირას. რატომ შემოდგომით? პასუხი მარტივია, მოსავალი უკვე აღებულია, თბილისში კი ოქტომბრის ამინდი ჯერ კიდევ საკმაოდ თბილია, ბუნება აყვავებულია ნაირგვარი შემოდგომის ელფერებით... მგონი, სხვა არც არაფერა საჭირო სადღესასწაულო განწყობისათვის. რას უნდა მოველოდეთ თბილისობაზე? ხილის, ბოსტნეულის და ყველის დიდ მარაგს, ფელამუშს, ჩურჩხელებს და რა თქმა უნდა ქართულ ღვინოს. ასევე ახალ მომზადებულ ხინკალს და მწვადს. იმართება ბევრი სახეობის შოუები, მოსავლის აღებისა და ისტორიული სცენების იმიტაცია, კონცერტები, თამაშები. აქ შეგიძლიათ შეიძინოთ თითქმის ყველაფერ ...

ლაგოდეხის სახელმწიფო ნაკრძალი   1912 წელს დაარსდა.  მისი  ტერიტორიის 72%  ტყით დაფარულია. ნაკრძალის ტერიტორიაზე  რთული ბუნებრივი ფიზიკურ-გეოგრაფიული პირობებია შექმნილი. მცენარეული საფარი მრავალფეროვანია, ნაკრძალის ტერიტორიაზე ვხვდებით ქართულ მუხას, წიფელს, კავკასიურ რცხილას, კავკასიური ცაცხვს, მინდვრის ნეკერჩხალს, დათვის თხილს.  ლაგოდეხის ნაკრძალში თავმოყრილია საქართველოში გავრცელებულ მცენარეთა  თითქმის 2/3 . ნაკრძალში ყვავილოვან მცენარეთა 1500-მდე სახეობაა, ასევე აღრიცხულია 42 სახეობის ძუძუმწოვარი ცხოველი. აქ ჯოგებად გვხვდება აღმოსავლეთ კავკასიური ჯიხვი, კავკასიური არჩვი, კავკასიური კეთილშობილი ირემი,  ევროპული შველი, კავკასიური მურა დათვი,  კავკასიური ფოცხვერი,  ყვითელგულა კვერნა, ამიერკავკასიური მაჩვი და სხვა. ფრინველებიდან აღრიცხულია მათი 120 სახეობა.   ნაკრძალში მოწყობილია ფლორისა და ფაუნის მუზეუმი და  მეტეოროლოგიური სადგური.     ...

პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ საქართველოს და უცხო ქვეყნის მოქალაქეებისთვის საჰაერო საზღვარზე შემოსვლის განახლებული რეჟიმი შეიმუშავა. საქართველოში საერთაშორისო ფრენები 1 თებერვლიდან აღდგა, 1-ელი თებერვლიდან რეგულარულ ფრენებზე დაწესებული რეგულაციების მოხსნა ფრენების რაოდენობაზე აისახება და 15 თებერვლიდან რეისების რაოდენობა გაიზრდება. ქვეყანაში მკაფიოდ არის განსაზღვრული ვიზიტორთა შემოყვანის წესები: → ნებისმიერი ტიპის კოვიდვაქცინის სრული კურსის ჩატარების (ორი დოზა) დამადასტურებელი დოკუმენტის* საზღვარზე წარდგენით ყველა ქვეყნის მოქალაქეს შეეძლება უპირობოდ საქართველოში შემოსვლა. → ევროკავშირის, ისრაელის, შვეიცარიის, აშშ-ს, საუდის არაბეთის, არაბთა გაერთიანებულის საემიროების და ბაჰრეინის მოქალაქეებმა და რეზიდენტებმა, ამავე ქვეყნებიდან ან/და ტრანზიტულად შემოსვლისას უნდა წარმოადგინონ ბოლო 72 სთ-ში ჩატარებული PCR ტესტი და საზღვრის კვეთიდან მე-3 დღეს საკუთარი ხარჯით ჩაიტარონ PCR ტესტირება. → საქართველოს მოქალაქე ...

"მოვიარე გორდი, კინჩხა  ვერ ვიპოვე მჭადის ფინჩხა” ყვება ქართული ხალხური ლექსი ხონის რაიონის მიტოვებული სოფლების სევდას. მივდივარ და გულში ვიმეორებ: ”მოვიარე გორდი, კინჩხა...” ეს იყო სამი წლის წინ... მაშინ გორდის (ოკაცეს კანიონის) გადმოსახედი ახალი ხილი იყო ტურისტებისთვის, კინჩხა კი ჯერ კიდევ ხელშეუხებელი, აუთვისებელი ტერიტორია თავისი ქალწულებრივი მშვენებით ხვდებოდა ყველა მნახველს. ზაფხულის ერთ ცხელ დღეს, როცა ქალაქის ქუჩებში ადამიანების ნაცვლად ლანდებიღა დადიოდნენ, მე და გიგამ ჩავალაგეთ ზურგჩანთები, ავიბარგეთ და კინჩხის დალაშქვრა გადავწყვიტეთ. ქუთაისიდან ხონამდე მიკროავტობუსით,  ხონიდან გორდამდე ავტოსტოპით, გორდიდან კინჩხამდე კი, ჯერ კიდევ ასფალტუნახავ გზაზე, ფეხით ჩავედით. იყო სიცხე და ჭრიჭინობელები ხვატისგან გათანგულ სიმღერებს მღეროდნენ. კინჩხის ორღობეებში აქა-იქ ცისფრად შეღებილი, ცალთვალა, საღებავგადაცლილი იმერული ოდები იდგნენ და ზღაპრული დევებივით იცავდნენ დაცარიელებულ სოფელს. ეძინა ყველას - ხვატისგან ორთქლადენილ საქონელს, სოფელშ ...

მდინარე ალაზანი  საქართველოსა და აზერბაიჯანის საზღვრებს გასწვრივ მიედინება.  ზამთარში წყალმცირეა, ხოლო    გაზაფხულიდან მოვარდნა იცის. ალაზანი  წლის ნებისმიერ სეზონდე იზიდავს ტურისებს, რადგანაც  ზამთარში არ იყინება . მდინარე ერთ-ერთი საუკეთესო ადგილია თევზაობის მოყვარულთათივს. იგი მდიდარია მრავალფეროვანი თევზის ჯიშებით: ლოქო, მურწა, კალმახი, ჭანარი, შამაია, ბლიკა, გველანა, თაღლითა, კობრი, მდინარის ღორჯო, წვერა და კავკასიური ქაშაპი. როგორც ამბობენ, ძველი წყაროების მიხედვით,   65 წელს  მინარე ალაზნის სანაპიროზე გაიმართა  ბრძოლა რომის ლეგიონებსა და ალბანეთის სამეფოს ჯარს შორის.  ბრძოლა სავარაუდოდ დღევანდელი დედოფლისწყაროს მიდაომოებში გაიმართა  და პმპეუსის გამარჯვებით დასრულდა.   ...

მესხეთში მოგზაურობა წარმოუდგენელია ვარძიის ნახვის გარეშე. ვარძია ხომ არა მარტო მესხეთის, არამედ მთლიანად საქართველოს ისტორიის განუყოფელი ნაწილია. გულწრფელად რომ გითხრათ, ვარძიის შესახებ არაერთი მოსაზრება მომისმენია, ზოგისთვის ეს უბრალოდ გამოქვაბულების ერთობლიობაა, ზოგისთვის კი ერთ-ერთი უმნიშვნელოვანესი ისტორიული ძეგლი. როგორც არ უნდა იყოს, ჯობია თქვენ თვითონ ნახოთ ვარძია და დასკვნა თქვენითვე გააკეთოთ, მე კი ჩემს შთაბეჭდილებებს გაგიზიარებთ. ვარძია რომ უინტერესო და ჩვეულებრივი ადგილი იყოს, ნამდვილად არ მომინდებოდა კიდევ ერთხელ წასვლა. ვარძია არაერთი ასპექტით არის სანახაობრივი ადგილი. მისი ისტორია, არქიტექტურა, ხელოვნება ისაა, რაც განსაზღვრავს მის მნიშვნელობას ჩვენი ქვეყნისთვის. უშუალოდ ვარძიამდე კი რამდენიმე საინტერესო ადგილია სანახავი. პირველი არის ხერთვისის ციხე. ის შუასაუკუნეების ციხესიმაგრეს წარმოადგენს. ციხე სტრატეგიულად მნიშვნელოვან ადგილზეა აგებული. ის ბევრჯერ გადააკეთეს,  ბოლო პერიოდში კი ორი მთავარი ნაწილისგან გალავნისგან და ციტადელისგან შედგებოდა, რომელიც ჩრდილო - აღმოს ...

”ჩაიდანი დუღს, ჩაი გადმოდის, ფანჯარაში ვიხედებით_ თოვლი არ მოდის.” ვუყვები ჩემს პატარა ბიჭს ლექსს და უიმედოდ გავყურებ მზიან ცას. ზამთარი ისე გავიდა არ მოთოვა ქუთაისში. თეოდორე წლის და ოთხი თვისაა. თოვლი პირველად და ჯერჯერობით ბოლოჯერ გასულ წელს ნახა. ალბათ მომავალ წელსაც ნახავს, თუკი ინებებს და მოთოვს. წლევანდელმა ზამთარმა მზიანი და ქარიანი დღეები გვაჩუქა მხოლოდ. გავყურებ ზეცას და ვიწყებ ზღაპრის მოყოლას იმ ადგილზე, რომელიც ერთდროულად ზღაპარიცაა და რეალობაც. ადგილზე, რომელიც ორი წლის წინ ვნახე. მაშინ თეოდორე ჩემს მუცელში იჯდა. იანვარი იწურებოდა, ცივი და უხვთოვლიანი. ყინულის ლოლუები ჩურჩხელებივით ეკიდნენ ფანჯრებს, ფეხქვეშ ტკაცუნებდა მოყინული მიწა. ჯადოსნურ ფიგურებს ხატავდა ყინვა დილაობით მინებზე. თოვლნაკლულ და ქარიან ქუთაისში რომ თოვს, მთელს საქართველოში თოვს მაშინ_ ამ ლოგიკით ვიხელმძღვანელეთ და ჩვენი ზურგჩანთებითა და აღჭურვილობით შეიარაღებულმა მოლაშქრეებმა გორისაკენ ავიღეთ გეზი. გორს რომ გაცდებით ერთი ჯადოსნური ადგილია - ატენის რაიონი. იქვე, სოფელ ბიისთან ჩანჩქერი გადმოდის ...