ქოლგას მიერ ორგანიზებული ფოტო კონკურსი "აღმოაჩინე საქართველო"

მიმდინარე წლის ზაფხულის სანავიგაციო სეზონზე, არაბთა გაერთიანებული საემიროების დაბალ ბიუჯეტიანი ავიაკომპანია „Flydubai“ ბათუმის მიმართულებით ფრენებს ყოველდღიურად შეასრულებს.

16 ივნისიდან 30 სექტემბრამდე, საავიაციო მიმოსვლა დუბაი-ბათუმი-დუბაის საჰაერო ხაზზე კვირაში 3 სიხშირის ნაცვლად 7 სიხშირით შესრულდება. საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ, ავიაკომპანიას ახალი განრიგით ოპერირების ნებართვა 14 თებერვალს მიენიჭა.

ავიარეისები Boeing 737-800 ტიპის საჰაერო ხომალდით შესრულდება.

„Flydubai“ დუბაი-თბილისი-დუბაის საჰაერო ხაზზე 2011 წლიდან ოპერირებს. 2017 წლიდან, ავიაკომპანიამ საავიაციო მიმოსვლა ბათუმის მიმართულებით დაიწყო, ხოლო მიმდინარე წლის 14 ივნისიდან, „Flydubai“ ფრენებს დუბაი-ქუთაისი-დუბაის მიმართულებით, კვირაში 2 სიხშირით შეასრულებს.

წყარო BPI

საქართველომ და უკრაინამ ვიზალიბერალიზაციის გზაზე კიდევ ერთი ნაბიჯით წაიწიეს წინ.

ევროკავშირის საბჭომ, ევროპარლამენტმა და ევროკომისიამ ერთობლივ მოლაპარაკებაზე მიაღწიეს შეთანხმებას ე.წ. შეჩერების მექანიზმის ამოქმედების შესახებ. ევროპარლამენტი უახლოეს მომავალში შეჩერების მექანიზმის ამოქმედებას პლენარულ სხდომაზე უყრის კენჭს. აღნიშნული მექანიზმის ამოქმედება საქართველოს და უკრაინას ვიზების ლიბერაზაციის მიღების საშუალებას მისცემს.

ე.წ შეჩერების მექანიზმზე დაყრდნობით უვიზო რეჟიმის ამოქმედების შემდეგ  რეჟიმი მარტივი პროცედურებით შეწყდება თუ კონკრეტული ქვეყნიდან გაიზარდა თავშესაფრის მაძიებელთა რაოდენობა.

ცენტრალური და აღმოსავლეთ ევროპის უმსხვილესი, დაბალბიუჯეტიანი ავიაკომპანია Wizz Air ქუთაისსა და ლონდონს (ლუტონი) შორის პირდაპირ ავიამიმოსვლას იწყებს.

ეკონომიკისა და მდგრადი განვითარების სამინისტროს შპს "საქართველოს აეროპორტების გაერთიანების" ინფორმაციით, ავიარეისების ოპერირება 18 ივნისიდან დაიწყება, კვირაში ორი სიხშირით, ყოველ ხუთშაბათს და კვირას.

ყველა ავიარეისი სრულდება 180 ადგილიანი "აირბას A320" და 230 ადგილიანი "აირბას A321" ტიპის საჰაერო ხომალდებით. მგზავრებს უკვე შეუძლიათ ავიაბილეთების შეძენა ავიაკომპანიის საიტზე www.wizzair.com მხოლოდ 105.99* ლარი/£ 34.99*-დან. დაბალბიუჯეტური ავიარეისი ხელს შეუწყობს საქართველოსა და დიდ ბრიტანეთს შორის ტურისტული, სავაჭრო და საქმიანი ორმხრივი ურთიერთობების გაღრმავებას და შესანიშნავი არჩევანია როგორც ტურისტული, ასევე ბიზნესმგზავრებისთვის.

თუშეთის გზა გაიხსნა - ამის შესახებ ინფორმაციას პორტალი Reginfo.ge ავრცელებს. წყაროს ინფორმაციით, ფშაველი-აბანო-ომალოს გზის 56-ე კილომეტრზე, მეწყერით შექმნილი პრობლემების გამო, პირველი 2 კვირის განმავლობაში გზაზე ტრანსპორტის მოძრაობაზე შეზღუდვები იქნება. საგზაო კომპანიის თანამშრომლები პერიოდულად გზას ჩაკეტავენ 2 ან 3 საათით, გზის გაფართოების მიზნით, სამუშაოების წარმოების გამო.

თუშეთის გზაზე, აბანოს უღელტეხილს იქით სოფელ ხისომდე, დაახლოებით 500 ათასი კუბური მეტრი სიდიდის კლდოვანი მასა გასულ წელს, ზამთარში მოწყდა. მეწყერმა 10 მეტრის სიმაღლეზე გზის სავალი ნაწილი დაფარა და მდინარე ალაზნის დინება გადაკეტა.

წელს ამ ადგილას ვითარება გაუარესდა. თუ გასულ წელს წყალი 380 მეტრის სიგრძეზე იყო დაგუბებული, დატბორილი ტერიტორიის სიგრძე 500 მეტრამდე გაიზარდა. მეწყრული პროცესებიც გააქტიურდა. გზის გახსნაც აღდგენითი სამუშაოების გამო დაგვიანდა.