21 June 2018
  • 16197 ნახვა

10 ტბა საქართველოში, რომელიც აუცილებლად უნდა მოინახულოთ

საქართველოში უამრავი ლამაზი ტბა მდებარეობს, მათ შორის ლისის, ყვარლის, ილიას და ბაზალეთის ტბები, რომლებიც კარგადაა ნაცნობი ტურისტებისა და ადგილობრივებისთვის. დღეს წარმოგიდგენთ ნაკლებად ცნობილ, მაგრამ ულამაზეს ტბებს, რომლებიც აუცილებლად უნდა მოინახულოთ.

ბატეთის ტბა 

ბატეთის ტბა, ქარელის მუნიციპალიტეტში, ბატეთისწყლის ხეობაში მდებარეობს, ზღვის დონიდან 1313 მეტრზე. ტბის წყალი გამჭვირვალეა და მტკნარი, მისგან პატარა ნაკადულიც გამოედინება. ის  გარშემორტყმულია წიწვნარ-წიფლნარი ტყით. მისი სამხრეთ ნაპირი დაჭაობებულია. საუკეთესო დრო მის მოსანახულებლად შემოდგომაა, როდესაც გარშემო ბუნება სხვადასხვა ფერით იმოსება.

ლევანის ტბა 

ლევანის ტბა ჯავახეთში, სამსარის ქედზე მდებარეობს. ის გაუდინარი მყინვარული ტბაა, რომელიც თოვლით, წვიმით და მიწისქვეშა წყლით წარმოიქმნება. მისი აუზის ფართობი 1,38 კმ², უდიდესი სიღრმე 2,8 მ , მოცულობა 0,12 მლნ. მ³.

ანგელოზის ტბა

ანგელოზის ტბა - ასე უწოდებენ სვანეთში მდებარე, საქართველოს რუკის ფორმის მქონე, ულამაზეს ტბას. უნდა აღინიშნოს, რომ მას თავდაპირველად სხვანაირი ფორმა ჰქონდა, რომელიც დროთა განმავლობაში შეიცვალა. ის მესტიიდან 11 კმ-ში, ქორულდის ტბებთან ახლოს მდებარეობს.

შავი კლდეების ტბა

შავი კლდეების ტბა (გრძელი ტბა) კახეთში, კავკასიის მთავარ წყალგამყოფ ქედზე, საქართველოს და რუსეთის საზღვარზე, ზღვის დონიდან 2800 მეტრზე მდებარეობს. მისი მონახულება ზაფხულში და შემოდგომაზეა შესაძლებელი. საფეხმავლო ბილიკი ზღვის დონიდან 500 მეტრზე იწყება და 3000 მეტრამდე ადის. 2500 მეტრიანი სხვაობის დაფარვა მნახველებისთვის ძალიან რთულია. ტბაზე მოხვედრა ცხენითაც არის შესაძლებელი. ტბისკენ მიმავალ ბილიკზე შეგიძლიათ იხილოთ ფართოფოთლოვანი ტყე, სუბალპური ზონა, ალპური ზონა, სუბნივალური ზონა, ფრინველები და ცხოველები.   

ორეთის ტბა

ორეთის ტბა(უძირო ტბა) თუშეთში, სოფელ ქუმელაურთან, ალპურ ზონაში, ზღვის დონიდან 2660 მეტრზე მდებარეობს. ის წვრილი ნაკადულებით საზრდოობს და ზამთარში იყინება. ტბიდან ულამაზესი ხედი იშლება რაჭის კავკასიონსა და მდინარე ჭანჭახის ხეობაზე, კარგ ამინდში კი სვანეთის მწვერვალების დანახვასაც შეძლებთ. კამკამა ტბის ზედაპირზე მწვერვალების მიმზიდველი სილუეტები აირეკლება, რაც ზღაპრულ სანახაობას ქმნის და მნახველს ამაღლებულ განწყობას უქმნის.

 საღამოს ტბა 

საღამოს ტბა სამცხე-ჯავახეთში, ნინოწმინდის მუნიციპალიტეტში, მდინარე ფარავნის აუზში, ზღვის დონიდან 1996 მეტრზე მდებარეობს. მას ტრაპეციის ფორმა აქვს და ჯავახეთის სხვა ტბების მსგავსად, საღამოს ტბაც ზამთარში რამდენიმე თვით იყინება. 

მადათაფის ტბა

მადათაფის  ტბა  ნინოწმინდის მუნიციპალიტეტში, ჯავახეთის ვულკანური მთიანეთის სამხრეთ-აღმოსავლეთ ნაწილში, ზღვის დონიდან 2108 მეტრზე მდებარეობს. ის თოვლით, წვიმით და მიწისქვეშა წყლით საზრდოობს. მისგან მდინარე მადათაფა გაედინება, ტბას ასევე აქვს მიწისქვეშა განადენიც, რის გამოც წყლის დონე მკვეთრად ირყევა. წყლის ტემპერატურა ზაფხულში 17-18°C აღწევს, ზამთარში კი თითქმის ფსკერამდე იყინება. ტბა სუსტად მინერალიზებულია.

ტაბაწყურის ტბა

ტაბაწყურის ტბა სამცხე-ჯავახეთში, ბორჯომისა და ახალქალაქის მუნიციპალიტეტების საზღვარზე, ზღვის დონიდან 1991 მეტრზე მდებარეობს. ტბის ქვაბული წარმოქმნილია ლავური ნაკადების შეგუბების შედეგად. ის საზრდოობს მიწისქვეშა, თოვლისა და წვიმის წყლით.  ტბა დეკემბრის ბოლოდან მარტის ბოლომდე გაყინულია, მისი წყალი მტკნარია და მდიდარია თევზით.

კახისის ტბა

კახისის ტბა ბორჯომის მუნიციპალიტეტში, მდინარეების ჭობისხევის და დვირულის წყალგამყოფ შტოქედზე, ზღვის დონიდან 1752 მეტრზე მდებარეობს. ტბის ქვაბული სუფოზიის შედეგად არის წარმოქმნილი. გარშემორტყმულია ულამაზესი ტყით და ბუნებით, მშვენიერი ადგილია ლაშქრობის და პიკნიკის მოყვარულთათვის. 

ყელიწადის ტბა

ყელიწადის  ტბა ყელის ტბის ზეგანზე, ზღვის დონიდან  2914 მეტრზე მდებარეობს. ის ვულკანურ-მყინვარული გენეზისის ტბაა, რომელიც თოვლით, მიწისქვეშა და წვიმის წყლით საზრდოობს. აქ მოხვედრა მხოლოდ ფეხით არის შესაძლებელი. ტბის ქვაბული დიდი მყინვარული ცირკის ლავური ნაკადის შეგუბებით არის შექმნილი. ტბა მათთვისაა განკუთვნილი, ვისაც  ველური, ხელშეუხებელი ბუნება უყვარს და სირთულეების არ ეშინია. 


მსგავსი
13 August 2019

მსოფლიოს შვიდი საოცრება დღეს

გიფიქრიათ იმაზე, უძველესი სამყაროს შვიდ საოცრებას ჩვენ დრომდე რომ მოეღწია - როგორი სახე ექნებოდა მათ?კომპანია Budget Direct-მა ...

01 August 2019

2019 წლის ყველაზე პოპულარული კურორტები

ანტალია ...

11 July 2019

რატომ იყენებენ სასტუმროები მხოლოდ თეთრი ფერის თეთრეულს?

 ძალიან ბევრს აინტერესებს თუ რატომ არის სასტუმროებში მხოლოდ თეთრი ფერის პირსახოცები და  თეთრეული. ექსპერტებმა ამოხსნე...

04 June 2019

სილამაზის უცნაური კრიტერიუმები

სილამაზის უცნაური კრიტერიუმები სილამაზე, განსაკუთრებული ფენომენია, მის ძალას არაერთი ლეგენდა, მათ შო...

22 May 2019

სადაა ლოგიკა? აფრიკული ბენინი პირველია მსოფლიო რეიტინგში, ეგვიპტე კი ბოლო

ბრიტანულმა ტურისტულმა კომპანიამ Rickshaw Travel- მა ჩაატარა კვლევა: ტურისტებისთვის ყველაზე მრავალფეროვანი ქვეყნების ჩამონათვალი...

19 February 2019

ყველაზე გემრიელი ესპანური დესერტები

დესერტი ესპანური სამზარეულოს უმნიშვნელოვანესს ნაწილს წარმოადგენს. ყველა კუთხეს და ქალაქს მისთვის დამახასიათებელი სპეციფიკუ...

17 February 2019

ევერესტის საბაზო ბანაკი ტურისტებისთვის დაიხურა

ჩინეთმა ტიბე...

26 June 2018

საქართველოს ულამაზესი ხედები

მაღალი მთები, მდინარეები, მწვანე მინდვრები, სუფთა ტბები, ფირუზისფერი ზღვა, მინერალური წყლები, ჩანჩქერები, კანიონები (მარტვილი დ...

26 June 2018

ევროპის ქვეყნები, სადაც მოგზაურობა მცირე ბიუჯეტითაც შეიძლება

მოგზაურობისას ყოველთვის ვცდილობთ შევარჩიოთ ისეთი ქვეყნები, სადაც ვიხილავთ შთამბეჭდავ პეიზაჟებს, ლამაზ სანაპიროებს, აღმოვაჩ...

15 June 2018

10 ულამაზესი ჩანჩქერი საქართველოში, რომელიც აუცილებლად უნდა მოინახულოთ

ზაფხულის დადგომასთან ერთად სულ უფრო აქტუალური ხდება მოგზაურობა და დასვენება ისეთ ადგილებში, სადაც სიცხეს და ქალაქის ხმაურს გაექ...