15 January 2018
  • 4114 ნახვა

ლაშქრობა ჩვილთან ერთად... და არა მარტო

თუ თქვენ ლაშქრობის ისეთივე მოტრფიალე ხართ, როგორიც მე, თუ თქვენი მეუღლეც მთამსვლელია და გსურთ, თქვენი სიყვარულის ნაყოფიც აზიაროთ ბუნების მშვენიერებას, მაშინ ეს პოსტი თქვენთვისაა.ლაშქრობა ჩვილთან ერთადპირველ რიგში, არ იფიქროთ, რომ ბავშვის გაჩენასთან ერთად თქვენთვის ლაშქრობაზე ოცნება სრულდება. პირიქით, შვილის დაბადება ახალ თავგადასავლებსა და გამოწვევებს ნიშნავს. ამ პოსტში შევეცდები, სპეციალისტების რჩევები და საკუთარი გამოცდილება შევაჯერო და რამდენიმე მნიშვნელოვანი რჩევა მოგცეთ.
მაშ ასე...
პუნქტი ნომერი პირველი და ყველაზე მნიშვნელოვანი: ბავშვის სატარებლად განკუთვნილი კომფორტული ზურგჩანთა, სლინგი ან კენგურუ.
ხარისხიანი ზურგჩანთა საკმაოდ ძვირი ღირს, ამასთანავე, საეჭვოა, რომ საქართველოში მსგავსი იყიდოთ, ამიტომ ერთი გზა გრჩებათ - გამოწერა. ამასთანავე, ზურგჩანთა მხოლოდ მას შემდეგ შეგიძლიათ გამოიყენოთ, რაც თქვენი პატარა დამოუკიდებლად, მყარად ჯდომას დაიწყებს. ნულიდან ექვს თვემდე კი საკმაოდ კომფორტულია სამზგავრო კენგურუ ან სლინგი. თუ შორ დისტანციაზე ლაშქრობას გეგმავთ, გაითვალისწინეთ, რაც არ უნდა იყიდოთ თქვენი ბავშვისთვის, აუცილებლად ჰკითხეთ რჩევები პედიატრსა და ორთოპედს. 
ლაშქრობა ჩვილთან ერთადსალაშქროდ აუცილებლად გადით დილით ადრე, უმჯობესია ღრუბლიან ამინდში. ზაფხულის ცხელ დღეებში შეეცადეთ, ბავშვს თხელი, ბუნებრივი ქსოვილის, გრძელსახელოებიანი ბოდე და ასეთივე გრძელი შარვალი ჩააცვათ. თან იქონიეთ მზისგან დამცავი ანტიალერგიული, საბავშვო კრემი, წყლიანი ბოთლი თქვენი პატარასათვის და საკვები.
რაც შეეხება ტანისამოსს, ზამთრის ცივ დღეებში ეცადეთ ნაკლებად შეფუთოთ ბავშვი. ხარისხიანი ზურგჩანთა, სლინგი და კენგურუ უზრუნველყოფენ თქვენი პატარას სხეულის გათბობას. უბრალოდ, თან იქონიეთ დამატებითი ქურთუკი ან ჟაკეტი, რომელსაც ბავშვს მხოლოდ მაშინ ჩააცმევთ, როცა აუცილებლობა მოითხოვს.
თუ თქვენი შვილი ნულიდან ექვს თვემდეა და მას ბუნებრივად კვებავთ, ყველაფერი ძალიან მარტივადაა, ხოლო თუ პატარა ფორმულათი იკვებება, თან იქონიეთ ხელოვნური საკვებით სავსე თერმოსები. ექვსი თვიდან ყველაფერი უფრო მარტივადაა. უბრალოდ, შეირბინეთ აფთიაქში და თან იქონიეთ ბავშვისათვის აუცილებელი საკვებით სავსე ქილები. მართალია, დედების უმრავლესობა ყველაფერს შინ დამზადებულს ანიჭებს უპირატესობას, მაგრამ აფთიაქში შეძენილ საკვებს აქვს ერთი დიდი პლუსი: ისინი ჰერმეტულადაა მოხუფული, მათი გაფუჭების შანსი  თითქმის ნულია და შესაბამისად, მცირეა თქვენი პატარას ინტოქსიკაციის საფრთხეც.
ლაშქრობა ბავშვთან ერთადშორ მანძილზე ლაშქრობისას თან წაიღეთ მაღალი ხარისხის ბავშვის საფენები და ყველაფერი, რაც აუცილებელია პატარას პირადი ტუალეტისათვის. ხშირად შეამოწმეთ, ხომ არ დაუსველდა შარვალი ან ხომ არ ჩაისვარა.
რამდენად შორს შეგიძლიათ წაიყვანოთ თქვენი პატარა?
აქ ყველაფერი ასაკობრივი კატეგორიის მიხედვით იყოფა.
ახალშობილები: არც იფიქროთ, რომ ნულიდან ერთ თვემდე ბავშვით სალაშქროდ წახვალთ. ამ ასაკის პატარებს სიმშვიდე და მარტოობა სჭირდებათ. უბრალოდ, ხშირად გაიყვანეთ სუფთა ჰაერზე, მზეში რომ თქვენმა შვილმა საკმარისი D ვიტამინი მიიღოს.
ერთიდან ექვსი თვის ჩათვლით: ეცადეთ გახვიდეთ ქალაქიდან ახლო მანძილზე. მაღალ მთაში წაყვანა და წნევის ცვალებადობა ამ ასაკში არ არის რეკომენდირებული. 
ექვსი თვიდან თოთხმეტ თვემდე ყველაფერი უფრო მარტივადაა: ამ დროს შეგიძლიათ თქვენი პატარა ჩასვათ სამგზავრო ზურგჩანთაში და ხარისხიანი კარვითა და საძილე ტომრით ერთდღიან ლაშქრობაზეც კი წახვიდეთ.
შედარებით მაღალ ჰაერზე ბავშვის წაყვანა თოთხმეტი თვიდან შეგიძლიათ. ამ პერიოდში ბავშვები უკვე მყარად დადიან და გამოთქვამენ სურვილს, რომ ნაბიჯი აგიწყონ. ნუ შეუშლით მათ ამაში ხელს.
ლაშქრობა შვილთან ერთადაუცილებელად იქონიეთ თან: ბამბა, ბინტი, ბრილიანტის მწვანე, სიცხის დამწევი საშუალებები, ფხვნილი ელექტროლიტური ხსნარის მოსამზადებლად (რეჰიდრონი), ალერგიის საწინააღმდეგო საშუალებები პედიატრის რეკომენდაციით, ერთჯერადი ლეიკოპლასტირი და მზისგან დამცავი საშუალებები.
რისი უნდა გვეშინოდეს:  ახალ გარემოპირობებთან შეგუების პროცესი თითქმის ყველა ბავშვისთვის ერთი და იგივეა. აკლიმატიზაციის პროცესი სხვადასხვაგვარად მიმდინარეობს, თუმცა ძირითადი ნიშნები ერთნაირია. ეს გახლავთ სუბფებრილური სიცხე, ჭირვეულობა, მოუსვენრობა, უმადობა და უძილობა. მშობლები ამისთვის მზად უნდა იყვნენ. სასურველია, ლაშქრობის დაგეგმვამდე ბავშვის პირად პედიატრთან ერთად გადაწყვიტოთ, სად ჯობს ბავშვის წაყვანა. 
მიუხედავად პატარა სიძნელეებისა, პატარასთან ერთად ლაშქრობა ერთი დიდი დღესასწაულია. მე და ჩემი მეუღლე თითქმის ერთი წელია ვცდილობთ, ჩვენი ბიჭი საქართველოს ბუნების სილამაზეს ვაზიაროთ და ჯერჯერობით წარმატებულადაც. ასე რომ, თქვენც გირჩევთ, აღიჭურვოთ სათანადოდ და მოგვბაძოთ...

მსგავსი
23 July 2018

როგორ მოვხვდეთ გომის მთაზე

გომის მთა დღითიდღე პოპულარული ადგილი ხდება ქართველი (და არამარტო) ტურისტებისთვის. მთა გურიაში მდებარეობს, ოზურგეთში, ზღვის...

12 July 2018

ევროპის ყველაზე დაბალბიუჯეტიანი ქალაქები ქართველი მოგზაურებისთვის

ბოლო ერთი წლის განმავლობაში თბილისის და ქუთაისის აეროპორტებიდან ევროპის მიმართულებით არაერთი პირდაპირი რეისი დაემატა. გახადა თუ...

21 June 2018

როგორ იგეგმება ტური და რა განაპირობებს ფასის ცვლილებას

ხშირია შემთხვევა, როცა Turebi.ge-ზე მომხმარებელი ნახულობს მისთვის საინტ...

14 May 2018

ღვინის ეზო N1 - აუცილებლად სანახავი ადგილი კახეთში

თუ გინდა გაიგო როგორია ქართული, კახური ტრადიციული ოჯახი - აუცილებლად უნდა ესტუმრო ღვინის ეზო N1-  ს. მეღვინ...

05 February 2018

მსოფლიოს ულამაზესი ხედები

მოგზაურობა ყველასთვის საყვარელი ჰობია. როდესაც საქმე სამოგზაურო ადგილის შერჩევამდე მიდის, მაშინ ორი არჩევანი გვაქვს. პირველი - ...

08 January 2018

4 მიმართულება ძველით ახალი წლისთვის, რომელიც მცირე ბიუჯეტს მოითხოვს

ბევრ ჩვენგანს სურს, ძველით ახალი წლის ღამე სასიამოვნო მოგონებად აქციოს. აღვნიშნოთ ის მეგობრების გარემოში საქართველოს მთის კურორ...

05 January 2018

სპეციალური მიმართვა გუდაურის ვიზიტორებს

მთის კურორტების განვითარების კომპანია ზამთრის კურორტების ვიზიტორებისთვის სპეციალურ მიმართვას ავრცელებს. "ძვირფას...

18 September 2017

ჭილის ტბა - თბილისის ყურისძირში

თბილისის ერთ-ერთი დადებითი მხარე ისაა, რომ გარშემო ტბების სიუხვით გამოირჩევა. ერთ-ერთი ჩვენი ჭილის ტბაა... საკმაოდ და...

09 June 2017

5 რჩევა ოთხფეხა მეგობართან ერთად მოგზაურობისთვის

ხანგრძლივ მოგზაურობაში წასვლისას რთულია ოთხფეხა მეგობრის სახლში დატოვება, თუმცა მათი თან წაყვანაც არაა ადვილი. სწორი დაგეგმვის ...

07 March 2017

გაზაფხული ევროპაში - 5 განსხვავებული მიმართულება

გაზაფხული მოგზაურობისთვის საუკეთესო დროა! მითუმეტეს, ევროპაში მოგზაურობისთვის, და მითუმეტეს მაშინ, როდესაც სულ მალე ველოდებით უ...