წყლის არხზე გაშენებული 7 საუკეთესო ქალაქი მსოფლიოში

როდესაც წყლის არხზე გაშენებულ ქალაქს ახსენებენ, ასოციაცია ჩნდება, რომ საუბარია ვენეციაზე ან ამსტერდამზე... თუმცა ამ ორი ნცობილი ქალაქის გარდა, კიდევ რამდენიმე ქალაქია, სადაც შეგიძლიათ ქალაქის ქუჩებს გონდოლაზე მოკალათებული გაუყვეთ. თუმცა ამ სიაში ლიდერი მაინც ვენეციაა.

ვენეცია, იტალია

ვენეცია ჩრდილო-აღმოსავლეთ იტალიაში, არხებით გამოყოფილ 118 პატარა კუნძულზე მდებარეობს. კუნძულები ერთმანეთს ხიდებით უკავშირდება.  ვენეცია ცნობილია თავისი სილამაზითა და გარემომცველი ბუნებით, არქიტექტურითა და ხელოვნებით. ქალაქი შესულია იუნესკოს მსოფლიო მემკვიდრეობის ძეგლთა სიაში.

ბრიუგე, ბელგია

ბრიუგეს ხშირად მოიხსენიებენ როგორც "ჩრდილოეთის ვენეციას". ქალაქის ისტორიული ცენტრი იუნესკოს მსოფლიო მემკვიდრეობის სიაში შედის, ოვალური ფორმისაა და 430 ჰექტარს მოიცავს.

ანსი, საფრანგეთი

ქალაქი ანსი, მე-14 საუკუნის კოშკის გარშემოა გაშენებული, მის ქუჩებს, სიძველის შარმი დაჰკრავს, ფრანგული ალპები კი, სურათს სრულყოფილებას ანიჭებენ.

ამსტერდამი, ნიდერლანდები

ქალაქი 1275 წელს დაარსდა იმ დამბის წყალობით, რომელიც რაიონს წყალდიდობის დროს იცავდა. მთელი ამსტერდამი წყლის არხებითაა დაქსელილი, რომლის ნაპირზეც თავისუფალი დროის გატარება და ლუდის დალევა ადგილობრივების საყვარელი გასართობია. ქალაქში რამდენიმე ასეული ხიდია.

კოპენჰაგენი, დანია

კოპენჰაგენი ჩასულ სტუმრებს, პირველ რიგში, სწორედ გრძელი ხიდებით და არხების სილამაზით ხიბლავს. ქალაქი სილამაზესთან ერთად სიმშვიდითაც გამოირჩევა.

სანკტ პეტერბურგი, რუსეთი

სანქტ-პეტერბურგის მდინარეებისა და წყლის არხების საერთო სიგრძე 282 კმ-ს აღწევს, წყალი ქალაქის ფართობის 7%-ს შეადგენს. ქალაქის ისტორიული ცენტრი და მასთან დაკავშირებული ძეგლები იუნესკოს მემკვიდრეობის სიაშია შესული.

სტოკჰოლმი, შვედეთი

სტოკჰოლმი შვედეთის კულტურული, პოლიტიკური და ეკონომიკური ცენტრია XIII საუკუნიდან. მისი სტრატეგიული მდებარეობა შვედეთის სამხრეთ-აღმოსავლეთ სანაპიროს თოთხმეტ კუნძულზე ტბამელარენის შესართავთან, სტოკჰოლმის არქიპელაგთან, ისტორიული მნიშვნელობისაა. ის განთქმულია წარმტაცი პარკებით, ბაღებითა და არხებით, რის გამოც სკანდინავიაში ერთ-ერთი ყველაზე პოპულარული ქალაქია საერთაშორისო ტურიზმისთვის.