რა საჭიროა სასტუმრო, როცა შეიძლება კაფსულაში დაიძინო?

იაპონური კაფსულა-სასტუმროები ძვირფასი სასტუმროების და იაფი ჰოსტელების საინტერესო ალტერნატივაა. განსაკუთრებით ლამაზი და ორიგინალურია სასტუმრო "9 hours", რომელიც  კიოტოშია განთავსებული.

პირველი ასეთი სასტუმრო 1979 წელს გაჩნდა ოსაკაში იმ ადამიანებისათვის, რომლებიც გვიანობამდემუშაობდნენ და სახლში მიმავალ საზოგადოებრივ ტრანსპორტზე აგვიანდებოდათ. ასეთი სასსტუმროები იაფი ღირდა მალე გახდა ძალიან პოპულარული.

სასტუმროს შესასვლელში ფეხსაცმელებისთვის განკუთვნილი ყუთებია. მთელი ინტერიერი შავ-თეთრ ფერებშია გადაწყვეტილი. დასვენების ზონა - აქ შეგიძლიათ wi-fi გამოიყენოთ. რასკვირველია, უფასოდ. სასტუმროს ტერიტორიაზე ნავიგაცია იოლია - ყველგან მარტივი და ლამაზი ნიშნებია. წარწერები ორ ენაზეა. ან ზოგჯერ საერთოდ არაა. შხაპში პირსახოცი და საფირმო შავი პიჟამა ელოდება ვიზიტორებს.   მიაქციეთ ყურადღება იმას, თუ როგორი ლაკონურია ინტერიერის დიზაინი - არაფერი ზედმეტი, მხოლოდ ის, რაც საჭიროა და ფუნქციონალური. ქალების და მამაკაცების კაფსულები სხვადასხვა სართულზეა და ინდივიდუალური ლიფტი ადის. კაფსულების სართულზე სიმშვიდე და სიბნელეა. სინათლე მხოლოდ კაფსულებიდან გამოდის.   აქაური მაღვიძარა არავითარ ხმას არ გამოსცემს - ის ნელ-ნელა იწყებს შუქის ანთებას და მოცემულ დროს შუქის მეშვეობით აღვიძებს ვიზიტორებს. კაფსულებში საკმაო სივრცეა იმისათვის, რომ თავი კომფორტულად იგრძნო. ხმის იზოლაცია საუკეთესოა. ნომრების დაჯავშნა სასტუმროს საიტზეა შესაძლებელი. თუ ოდესმე კიოტოში მოხვდებით, აუცილებლად ესტუმრეთ. ნომრის ღირებულება დაახლოებით 20 დოლარია.