ბაგანი, ბირმა - ბუდისტური სამყაროს მისტიკური მარგალიტი

ოდესღაც აქ 10 000-ზე მეტი ბუდისტური პაგოდა და ტაძარი იყო, დღესდღეისობით კი 2000-მდეღაა შემორჩენილი. აქაური მზის ამოსვლა ყველაზე მისტიკური და იდუმალი სანახაობაა, რომელიც ცხოვრების მანძილზე ერთხელ მაინც უნდა ნახო. 200 ტაძარი ძალიან ბევრია, დრო კი ცოტა... აუცილებლად სანახავი ადგილების სიაში ანანდას ტაძარი შედის. ადგილობრივები იძახიან, თუ ანანდა არ გინახავს, ჩათვალე რომ არც ბეგანში ყოფილხარო. ტაძარი ჩვენი წელთაღრიცხვით 1091 წელსაა აშენებული, მეფე კიანტიტჰას მმართველობის პერიოდში. ანანდას ტაძარი მუზეუმიცაა. აქ შეხვდებით მიანმარის კულტურული მემკვიდრეობის ნიმუშებს - არქიტექტურას, ქვის სკულპტურებს,  ხეში თლილ დეტალებს, თიხის ნამუშევრებს, მჭედლობას.

თარაბას კარიბჭე

დასავლეთის კედლის მთავარი ჭიშკარი და ერთადერთი შემორჩენილი ჭიშკარი იმ 12-დან, რომელიც მეცხრე საუკუნეში აშენდა. დაახლოებით 250$-ის გადახდისას (ერთ ადამიანზე) შესაძლებელია საჰაერო ბუშტით ფრენა და აპოკალიპტური პეიზაჟით დატკბობა. იმისათვის, რომ აქაურობა სრულყოფილად, მთლიანობაში აღიქვა, აუცილებელიც კია. სხვა შემთხვევაში მხოლოდ დამღლელი მოგზაურობა შეგრჩება. საჰაერო ბურთის გარდა შესაძლებელია ველოსიპედის ქირაობა. რელიეფი უმეტესად სწორია და გადაადგილებაც იოლი. მათ კი, ვისაც ველოსიპედის მართვა არ იცის, ცხენიანი გადასაადგილებელი ტრანსპორტი შეუძლია იქირაოს. საუკეთესო დროს მოსანახულებლად ნოემბრიდან თებერვლამდეა.