turebi.ge
fb-logo
მოგზაური tourist
კატეგორია
plus
ლოკაცია
plus
Turebi Ge
სიახლეები date 17 ნოემბერი 2015
location ბორჯომი
count 16519

ზამთრის სეზონი ახალი კურორტებით - რა ფასები იქნება გოდერძის და თეთნულდის კურორტებზე

წლევანდელ ზამთრის სეზონს საქართველო ორი ახალი კურორტით ხვდება. ბაკურიანის და გუდაურის გარდა, დამსვენებლებს გოდერძის უღელტეხილი და თეთნულდი ელოდება. სეზონი პირველად სწორედ სამცხე-ჯავახეთის და აჭარის დამაკავშირებელ გოდერძის უღელტეხილზე, 5 დეკემბერს გაიხსნება. კურორტი დამსვენებლებს ორ საბაგირო ხაზს შესთავაზებს, ტრასების საერთო სიგრძე 8 კილომეტრი იქნება. რვაადგილიანი საბაგიროს გარდა, დამსვენებლები ექვსადგილიანი ბაბლითაც ისარგებლებს. საბაგიროს დღიური აბონიმენტის ღირებულება 30 ლარი იქნება, ერთი ასვლის ფასი კი 5 ლარი. სტუმრების მისაღებად აშენდა 2 სასტუმრო, რომელიც 26 და 36 ვიზიტორზეა გათვლილი და სასტუმროს ტიპის კოტეჯი, რომელიც მზად არის 72 ადამიანის მისაღებად. სასტუმროს ორადგილიანი ნომრის ღირებულება 60 ლარი იქნება, ოთხადგილიანის - 100 ლარი. ტრანსპორტი კურორტი მიმართულებით ბათუმიდან იმოძრავებს. გოდერძის უღელტეხილი 15 დეკემბერს გაიხსნება სეზონი სვანეთში, თეთნულდზე. აქ ვიზიტორების განკარგულებაში 3 საბაგირო გზა იქნება, რომლის უმაღლესი წერტილიც ზღვის დონიდან 3065 მეტრზეა. სასრიალო ტრასების სიგრძე ჯამში 25 კილომეტრზე მეტია. თეთნულდის ახლოს კოტეჯები ჯერჯერობით არაა აშენებული. ამის გამო, დამსვენებლებს განთავსება მესტიის სასტუმროებში მოუწევთ. კურორტამდე ასასვლელად კი დაახლოებით ნახევარი საათი დასჭირდებათ. tetnuldistrasa-cr-739x428 წყარო: ambebi.ge  
მსგავსი სიახლეები
title
Turebi Ge 870 პოსტი

შეკვეთილის დენდროლოგიური პარკი

date 29 ივლისი 2020
საქართველოში კიდევ ერთი უნიკალური ადგილი „შეკვეთილის დენდროლოგიური პარკი“ გაიხსნა, იგი ბათუმის ბოტანიკური ბაღის შემდეგ ყველაზე მონახულებადი ადგილი გახდა და უამრავი ადამიანის მოწონებაც დაიმსახურა. ამ ეტაპისათვის პარკში შესვლა უფასოა, ეს კიდევ უფრო მეტ დამთვალიერებელს იზიდავს, პარკის მონახულებას შეძლებთ ყოველ დღე ორშაბათისა და ხუთშაბათის გარდა. ბაღი 2020 წლის 15 ივლისს გაიხსნა და 60 ჰექტარს მოიცავს, იგი მსოფლიოსა და საქართველოს ეგზოტიკური ფლორის ათასობით სახეობას აერთიანებს, გარდა ამისა თქვენ აქ შეძლებთ მოინახულოთ მსოფლიოს ყველა კონტინენტიდან ჩამოყვანილი 58 სახეობის ფრინველი, რომელთა უმრავლესობაც წითელ ნუსხაშია შეტანილი, მათ შორისაა ულამაზესი ფლამინგოებიც. პარკის დათვალიერებისას თქვენ შეძლებთ განიტვირთოთ და დატკბეთ ბუნების საოცარი და შთამბეჭდავი სილამაზით, ასევე ფოტოების მოყვარულებს გექნებათ შესაძლებლობა გადაიღოთ საოცარი და სამახსოვრო სურათები. იქიდან გამომდინარე რომ ბაღი საკმაოდ დიდია და დროს მოითხოვს დათვალიერებისათვის უმჯობესია თუ საღამოს 18:00 ...
სიახლეები share
Turebi Ge 870 პოსტი

ყველაზე ხშირად ნახვადი ტურისტული ადგილები საქართველოში

date 03 ოქტომბერი 2017

2017 წლის სექტემბრის მონაცემებით, საქართველოს 763 729 საერთაშორისო ვიზიტორი ეწვია, რაც 20.9%-ით მეტია წინა წლის ანალოგიურ პერიოდთან შედარებით. ტურისტების რაოდენობა (24 საათი და მეტი) 380 895-ს გაუტოლდა და წინა წლის ანალოგიურ პერიოდთან შედარებით 24.8%-იანი ზრდა დაფიქსირდა. 

2017 წლის 9 თვეში მეზობელი ქვეყნების გარდა, საერთაშორისო მოგზაურების რაოდენობის ზრდაში მნიშვნელოვანი წვლილი შეიტანა ირანიდან, საუდის არაბეთიდან, უკრაინიდან, ისრაელიდან, გერმანიიდან და ბელარუსიდან ვიზიტორების რაოდენობის ზრდამ.

საქართველოს ეკონომიკისა და მდგრადი განვითარების სამინისტროს ინფორმაციით, წელს, ყველაზე ხშირად დათვალიერებული ტერიტორიების ხუთეული ასე გამოიყურება: პრომეთეს მღვიმე, მარტვილის კანიონი, ყაზბეგის ეროვნული პარკი, სათაფლია და ოკაცეს კანიონი.

სიის მიხედვით, პირველ ხუთეულს დიდად არ ჩამორჩება ბათუმი, მესტია, კახეთის რეგიონი და თუშეთი.

სიახლეები share
Turebi Ge 870 პოსტი

ძველი თბილისის 8 ქუჩაზე საფეხმავლო ზონა მოეწყობა

date 06 სექტემბერი 2016
თბილისის მერიის გადაწყვეტილებით, ძველი თბილისის 8 ქუჩაზე საფეხმავლო ზონა მოეწყობა. ავტოტრანსპორტისთვის ჩაიკეტება და საფეხმავლო გახდება აღმაშენებლის გამზირი N44-დან ზაარბრიუკენის მოედნამდე (ახლადრეაბილიტირებული მონაკვეთი), ერეკლე მეორის, ბოტანიკურისა და ალექსანდრე დიუმას ქუჩები და გორგასლის I შესახვევი. საფეხმავლო ქუჩების სტატუსი მიენიჭა შარდენის ქუჩას, ბამბის რიგსა და რკინის რიგსაც. ქუჩების შესასვლელებში ავტომატური ჩამკეტები დამონტაჟდება. მათი მართვის პულტები მოსახლეობას გადაეცემა. საჭიროების შემთხვევაში, სასწრაფოს, სახანძროსა და პოლიციის მანქანები საფეხმავლო ქუჩებზე შესვლას შეძლებენ. შარდენი მერიამ ძველი თბილისის ქუჩების საფეხმავლო ზონად გამოცხადების გადაწყვეტილება მოსახლეობის თხოვნითა და ტურისტული ინფრასტრუქტურის სტიმულირებისთვის მიიღო.
სიახლეები share
title
Welcome To Georgia 6 პოსტი

ნომინაცია - კონცეპტუალური კაფე/რესტორანი #გაიცანინომინანტი2019_WTG

date 18 ნოემბერი 2019
#გაიცანინომინანტი2019_WTG ნომინაცია - კონცეპტუალური კაფე/რესტორანი   ნომინანტი La Maison Restaurant, რომელიც გვთავაზობს უგემრიელეს ფრანგულ და კავკასიურ სამზარეულოს. რესოტრანი ასევე გვთავაზობს საფირმო ღვინოს - Maison ,რომელის დაგემოვნებას მხოლოდ ლა მეზონში შეძლებთ.   ნომინანტი რესტორანი ბარბარესთან • Barbarestan მეცხრამეტე საუკუნის მწერლის, ბარბარე ერისთავი- ჯორჯაძის 1914 წელს გამოცემული წიგნის-„სრული სამზარეულოს“სრულიად ახლებურად გააზრების მშვენიერი შედეგია. თავისი ეპოქის უმნიშვნელოვანესი ფიგურა- მწერალი, ფემინისტი, პოეტი - 21-ე საუკუნის თბილისში გმასპინძლობთ და თავის შესანიშნავ სამზარეულოს გთავაზობთ, რომელიც, ისევე, როგორც თავად თბილისი, ევროპისა და აზიის გემოებსა და ფერებს აერთიანებს.     ნომინანტი რესტორანი Restaurant Gorgasali • რესტორანი გორგასალი მდებარეობს ისტორიულ ადგილას, სადაც იწყება ჩვენი ქალაქის ისტორია. რესტორნის ტერასიდან, ძველი ქალაქის შესანიშნავ ხედებს ნახავთ. &nb ...
სიახლეები share
Turebi Ge 870 პოსტი

რომის კოლიზეუმის ყველაზე მაღალი სართული ტურისტებისთვის იხსნება

date 09 ოქტომბერი 2017

რომის კოლიზეუმის ყველაზე მაღალი სართული ტურისტებისთვის პირველი ნოემბრიდან გაიღება. შენობის ბოლო სართული ტურისტებისტის ბოლო 40 წლის განმავლობაშ დაკეტილი იყო.

აღნიშნული ადგილი ძველი რომის ყველაზე დაბალი ფენისთვის, პლებეებისთვის იყო განკუთვნილი.

აღსანიშნავია, რომ პლებეებისთვის განკუთვნილი ადგილიდან გლადიატორთა ბრძოლის არენა ძალიან კარგად ჩანდა და ამასთან, რომის ცენტრზე შესანიშნავი ხედი იშლებოდა.

იტალიიის კულტურის სამინისტროში მიიჩნევენ, რომ 48 მეტრის სიმაღლიდან, ტურისტები 1–ლი ნოემბრიდან დაუჯერებელი სილამაზის ხედით დატკბებიან, რომელიც მთელი სიცოცხლის განმავლობაში დაამახსოვრდებათ.

კოლიზეუმის მშენებლობა ქრ.შ-მდე 80 წელს დასრულდა. კოლიზეუმი რომის იმპერიაში აშენებულ უდიდეს ამფითეატრს წარმოადგენს. მისი სიმაღლე 48.5 მეტრს შეადგენს.

სიახლეები share
Turebi Ge 870 პოსტი

ევროკავშირთან უვიზო მიმოსვლა სავარაუდოდ ზაფხულისთვის ამოქმედდება

date 09 მარტი 2016
ევროკავშირთან საქართველოს უვიზო რეჟიმი, სავარაუდოდ, ზაფხულისთვის ამოქმედდება. შესაბამისი განცხადება ბრიუსელში გამართულ პრესკონფერენციაზე ევროკომისარმა დიმიტრის ავრამოპულოსმა , ქართველი ჟურნალისტის შეკითხვის პასუხად გააკეთა. "მოხარული ვარ გაცნობით პოზიტიური ამბავი. დღეს გამოვდივართ ინიციატივით გადავიყვანოთ საქართველო იმ ქვეყნების სიაში, რომელთა მოქალაქეებს შენგენის ზონაში მოგზაურობა ვიზის გარეშე შეუძლიათ. ეს სიახლე არ არის, რადგან საქართველომ ევროკომისიისგან მიიღო დადებითი შეფასება სავიზო ლიბერალიზაციის სამოქმედო გეგმის შესრულებასთან დაკავშირებით. ახლა საკანონმდებლო ინიციტივა გადაეცემა ევროკავშირის საბჭოსა და ევროპარლამენტს, რომლებიც, ვიმედოვდნებ, მალე დაამტკიცებენ წინადადებას. ამის შემდეგ, საქართველოს მოქალაქეებს, რომლებსაც ბიომეტრიული პაპსორტები გააჩნიათ შენგენოს ზონაში ვიზების გარეშე შეეძლებათ ჩასვლა და იქ ყოფნა ტურიზმის, ბიზნესისა და განათლების მიზნით 180-დღიან პერიოდში არაუმეტეს 90 დღის განმავლობაში, _ განაცხადა მიგრაციის საკითხებში ევროკომისარმა დიმიტრის ავრამოპულოსმა. ...
სიახლეები share
title
Turebi Ge 870 პოსტი

ახალი პროექტი SioniGlamping ნოემბრის ბოლოს სტუმრებს უმასპინძლებს.

date 17 ნოემბერი 2020
ინოვაციური პროექტი SioniGlamping -ის მოწყობა უკვე დიდიხანია მიმდინარეობს კერძო ინვესტორი შალვა ბერიძის მიერ და დაახლოებით 50 000 ლარზე მეტია დახარჯული, პროექტი ნოემბრის ბოლოს სრულდება და სტუმრებსაც უმასპინძლებს. სულ სამი 28 კვადრატული ფართის კოტეჯია მოწყობილი, ტბის პირველ ზოლში, რომელიც მოიცავს საძინებელს, სამზარეულო კუთხესა და აივანს, კოტეჯის აივნებზე განთავსებულია ჰამაკები, ეს კი საშუალებას იძლევა დამსვენებელი დატკბეს პანორამული ხედებითა და ბუნების სილამაზით. SioniGlamping - ის იდეის ავტორის თქმით ჯერ ასეთი მაშტაბის პანორამული გლამპინგი საქართველოს მაშტაბით არ არსებობს და გაზაფხულისათვის იგეგმება გლამპინგის წყალზე დადმაც, რაც კიდევ უფრო საინტერესეო და მიმზიდველი იქნება სტუმრებისათვის. სამომავლოდ იგეგმება კიდევ უფრო გაფართოება, ვერანდების დამატება, ქორწილის, დაბადების დღეებისა და სხვა ღონისძიებების მოსაწყობად, ასევე აღსანიშნავია, რომ იგეგმება, სხვადასხვა საინტერესო სერვისების დამატება, როგორიცაა: საცხენოსნო ტურები, ნავით გასეირნება, თევზაობა, ბაღის გაშენება სადაც ეკოლოგიურა ...
სიახლეები share
Turebi Ge 870 პოსტი

დუბაის მიმართულებით პირდაპირ ფრენებს Georgian Airways-ი იწყებს

date 09 აგვისტო 2017

2017 წლის ზაფხულის სანავიგაციო სეზონის განმავლობაში, ქართული ავიაკომპანია „Georgian Airways“, საჰაერო მიმოსვლას კიდევ ერთი ახალი მიმართულებით განახორციელებს.

თბილისი-დუბაი-თბილისის საჰაერო ხაზზე მრავალჯერადი ჩარტერული ფრენების განხორციელებას ავიაკომპანია 31 აგვისტოდან ზაფხულის სანავიგაციო სეზონის ბოლომდე (27 ოქტომბერი), შემდეგი განრიგით გეგმავს:

ხუთშაბათი (გაფრენა) - პარასკევი (გამოფრენა)
კვირა (გაფრენა) - ორშაბათი (გამოფრენა)

ავიარეისები Embraer ERJ-190 და Boeing B737 ტიპის საჰაერო ხომალდებით შესრულდება.

საქართველოს ეკონომიკისა და მდგრადი განვითარების სამინისტროსსამოქალაქო ავიაციის სააგენტოს მიერ, ფრენების განხორციელებისათვის აუცილებელი ნებართვა „Georgian Airways“-ს 9 აგვისტოს მიენიჭა.

სიახლეები share
Turebi Ge 870 პოსტი

საახალწლო ღონისძიებების განრიგი თბილისში

date 22 დეკემბერი 2017
თბილისში საახალწლო ღონისძიებების განრიგი ცნობილია. წელს აქტივობები თბილისის ცენტრის გარდა, გარეუბნებშიც დაიგეგმა.  24 დეკემბრიდან 7 იანვრის ჩათვლით დედაქალაქის სტუმრებს საახალწლო ქალაქი დედაენის ბაღში უმასპინძლებთ.  ყოველდღე დილის 10-დან ღამის 12 საათამდე, სტუმრებს ელოდებათ: საახალწლო ბაზრობა ყინულის მოედანი ღია კინოთეატრი ხის ნაკეთობათა სახელოსნო თოვლის ბაბუა და რაც მთავარია საყვარელი შემსრულებლების საახალწლო კონცერტები.  საახალწლო ქალაქში კონცერტებს ქართველი შემსრულებლები გამართავენ: ☑ ნიაზ დიასამიძე და 33ა  ☑ რობი კუხიანიძე და ჯგუფი „Outsider" ☑ ბასტი ბუბუ ☑ პარა ორკესტრი და დათუნა ალადაშვილი ☑ „ბლექ მაროუზი" ☑ „რეზო და ბავშვები" რაც შეეხება გალა კონცერტს, ის 31 დეკემბერს 23:00 საათზე სამ სხვადასხვა ლოკაციაზე დაიწყება და დილის 4 საათამდე გაგრძელდება.  ვარკეთილი - მედიათეკის მიმდებარე სკვერი გლდანი - "სითი მოლი გლდანის" ავტოსადგომი ძველი თბილისი - ევროპის მოედან ...
სიახლეები share
Turebi Ge 870 პოსტი

სიღნაღში ფესტივალი "არტგურმანი 2015" გაიმართება

date 15 სექტემბერი 2015
  19 სექტემბერს, სიღნაღში, ქართული პროდუქციის ფესტივალი „არტგურმანი 2015“ გაიმართება. ღონისძიება 12:00-19:00 საათამდე ჩატარდება. პროექტი „არტგურმანი“ გულისხმობს ქართველ მწარმოებელთა პროდუქციის გამოფენა-გაყიდვას სიღნაღში. „არტგურმანი“ დაარსდა როგორც ყოველწლიური ფესტივალი, რომლის მიზანია საზოგადოებას გააცნოს ქართველი მწარმოებლები და ხელი შეუწყოს ქართული პროდუქციის პოპულარიზაციას. გამოფენა აერთიანებს როგორც ქართულ ტრადიციულ პროდუქტს, ისე თანამედროვე ქართული კომპანიების ინოვაციურ ნაწარმს. გამოფენის შთამბეჭდაობას განაპირობებს მონაწილეთა და „ექსპონატთა“ მრავალფეროვნება და სიუხვე: ქართული ღვინის კომპანიები ტრადიციული და თანამედროვე პროდუქციით, ლუდის მწარმოებელი კომპანიები, წვენებისა და დაკონსერვებული პროდუქციის, ყველის, თაფლის, ჩირისა და ჩურჩხელას ფართო ასორტიმენტი. გარდა კომპანიებისა, გამოფენაზე იხილავთ ადგილობრივ მეწარმეთა პროდუქციას. ადგილი დაეთმობა სუვენირებსა და აქსესუარებს. შესაძლებელი იქნება დეგუსტაციაც. კომპანიები მათთვის ...
სიახლეები share
გამოკითხვა
მოგზაურობის დაგეგმვისას იყენებთ თუ არა ტურისტული კომპანიის მომსახურებას?
მოგზაურობის დაგეგმვისას იყენებთ თუ არა ტურისტული კომპანიის მომსახურებას?
კი
42 %
არა
32 %
გააჩნია მიმართულებას
26 %