სოფელი, რომელიც მოქმედ ვულკანთანაა გაშენებული

აოგაშიმა, ვულკანური კუნძული, რომელზეც მოსახლეობა ცხოვრობს, ფილიპინის ზღვაში მდებარეობს. კუნძული იაპონიას ეკუთვნის და ტოკიოს პრეფექტურაში შედის. კუნძული იცუს არქიპელაგის ყველაზე სამხრეთით მდებარე და ყველაზე იზოლირებული დასახლებული პუნქტია.  ან კუნძულზე იმავე დასახელების სოფელი, აოგაშიმა მდებარეობს, რომელიც პირდაპირ ვულკანის ძირშია გაშენებული.

    ვულკანური კუნძულისსიგრძე 3.5 კილომეტრია, ხოლო სიგანეში 2.5 კილომეტრს აღწევს. გარშემორტყმულია ძალიან ციცაბო, უსწორმასწორო და ფენობრივი ფლატეებით — კლიფებით, რომლებიც ვულკანური აკუმულაციის შედეგს წარმოადგენენ. კუნძულის სამხრეთ კიზედე მდებარე კლიფის სიმაღლე 423 მეტრია.   ზღვის თბილი დინებების წყალობით აქაური კლიმატი თბილი და რბილი, ნაკლებად ტენიანი და  სუბტროპიკულია. კუნძული მინიმუმ 4 ვულკანის ამოფქრვევის შედეგადაა შექმნილი. ხალხი აქ უხსოვარი დროიდან ცხოვრობს და  ნებისმიერი ადამიანი, რომელიც ამ კუნძულზე დარჩენას არჩევს, რისკს ეწევა, რადგან  ვულკანი ნებისმიერ დროს შეიძლება ამოიფრქვეს. კუნძულის ნიადაგი ნაყოფიერია, სეირნობისას შეხვდებით უხვ მცენარეულობას, უალამაზეს მინდვრებს და ტყეებს, რომელთა მიღმა წყლის ლურჯი სარკე იშლება. კუნძულის მოსახლეობა დაახლოებით 210 ადამიანია.  გარდა ამისა, აქ როგორც წესი, უამრავი ტურისტი ჩამოდის ექსტრემალური შეგრძნებების ძიებაში. რასაკვირველია, ყველას უნდა აქტიური ვულკანის ახლოს გასეირნება.  ვულკან ოტუნბუზე ასვლისას შეიძლება ზღვის ხედებითაც დატკბეთ. იაპონიის მეტეოროლოგიური სააგენტო აოგაშიმას C კლასის აქტიურ ვულკანად მიიჩნევს. აქ უკანასკნელი ამოფრქვევები 1781-1785 წლებში მიმდინარეობდა.   კუნძულზე ტურისტებს შეუძლიათ არამარტო ისეირნონ და ფოტოგრაფიით და ზღვის ხედების გადაღებით დაკავდნენ. კუნძულის ცენტრალურ ნაწილში გეოთერმული საუნა მდებარეობს, რომელიც ვულკანის მიერ წარმოქმნილი ცხელი წყლით იკვებება. აქვე შემოგთავაზებენ ვახშამს, რომელიც ვულკანის მიერ წარმოქმნილ ორთქლზეა მომზადებული.