Turebi Ge

სიახლეები

04 აპრილი 2016

ბორჯომი

19708

რობი უილიამსი თბილისში კონცერტს გამართავს

ინგლისელი მომღერალი რობი უილიამსი თბილისს ეწვევა. მუსიკოსის კონცერტი 27 მაისს დინამოს სტადიონზე გაიმართება. აღნიშნულ ინფორმაციას ფეისბუქოს გვერდზე ბენდი Groovesonix-ი აქვეყნებს. "მოხარულები ვართ გაცნობოთ, რომ ჩვენ მხარს დავუჭერთ რობი უილიამსს თბილსში, დინამოს სტადიონზე 27 მაისს" - წერენ ჯგუფის გვერდზე.

მსგავსი სიახლეები

Turebi Ge 870 პოსტი

ქუთაისი-რიგა - WizzAir-ის ახალი მიმართულება

12 დეკემბერი 2017

ავიაკომპანია „ვიზეარი” რიგის მიმართულებით ახალ ავიამიმართულებას ამატებს!

ავიაკომპანია „ვიზეარი“ ქუთაისის საერთაშორისო აეროპორტიდან ლატვიის მიმართულებით ავიარეისებს 2018 წლის 25 მარტიდან დაიწყებს.

ფრენები ქუთაისიდან რიგის მიმართულებით კვირაში ორჯერ - ოთხშაბათს და კვირას შესრულდება.

ქუთაისი-რიგის მიმართულებით ბილეთების შეძენა ახალი წლიდან wizzair.com-ზე არის შესაძლებელი, ბილეთის ფასი 52.99 ლარი/19.99 ევროდან.

ცენტრალური და აღმოსავლეთ ევროპის უდიდესი და საქართველოს წამყვანი დაბალბიუჯეტიანი ავიაკომპანია Wizz Air-ი ამჟამად 18 მიმართულებით 12 ქვეყნაში დაფრინავს.

სიახლეები

Turebi Ge 870 პოსტი

სვანეთის რეგიონი National Geographic 2021 წლის 25 საუკეთესო მიმართულებებს შორის დასახელდა !

20 ნოემბერი 2020

საქართველო ერთ-ერთი ქვეყანაა, რომლის რეგიონიც 2021 წლის National Geographic - ის გამარჯვებული გახდა, სვანეთის რეგიონი 25 საუკეთესო მიმართულებებს შორის დასახელდა, რომელსაც ტურისტი პოსტპანდემიურ პერიოდში უნდა ეწვიოს. კონკურსანტების შერჩევაში თავად National Geographic -ის გლობალური რედაქტორები იღებდნენ მონაწილეობას, კონკურსის მიმართულებები ხუთ კატეგორიად იყო დაყოფილი: ბუნება, სათავგადასავლო, მდგრადობა, ოჯახი და კულტურა. გამარჯვებულის სტატსიაში, სვანეთის რეგიონის შესახებ დეტალურად არის აღწერილი, ასევე წარმოდგენილია რეგიონის ფოტო-მასალა. მსოფლიოს ერთ-ერთი ყველაზე გავლენიანი გამოცემა National Geographic - ტრადიციისამებრ ყოველ წლიურად ნოემბრის თვეში ასახელებს საუკეთესო ტურისტულ მიმართულებას. გამოცემა ყოველ წელს სხვადასხვა თემატური სლოგანითაა წარმოდგენილი, წელს კონკურსის სლოგანი მსოფლიოში არსებული პოსტპანდემიური სიტუაციიდან გამომდინარე - “Dream Now, Go Later “ - იყო. ...

სიახლეები

Turebi Ge 870 პოსტი

განახლებული ტურისტული ლოკაციები თერჯოლის რაიონში

19 მარტი 2018

თერჯოლის რაიონი ტურისტულ სეზონს განახლებული ლოკაციებით და ინფრასტრუქტურით ხვდება. ყველაზე მნიშვნელოვანი სიახლე რაიონისთვის ნავენახევის მღვიმის განახლებაა. მღვიმე ოფიციალურად 14 მაისს გაიხსნება. რაიონის ტერიტორიაზე ტურისტებს რამდენიმე საოჯახო მარანიც უმასპინძლებს. ერთ-ერთი მათგანი, "ნიკოლაძეების მარანი" სწორედ ნავენახევისკენ მიმავალ გზაზე, სოფელ ნახშირღელეში, ავტობანიდან 1 კილომეტრში მდებარეობს. მარანში ტურისტებს ქვევრის ღვინოების - ციცქას, ცოლიკოურის, ალადასტურის და ძელშავის დეგუსტაცია შეეძლებათ. მიმდებარე ტერიტორიაზე ტურისტებს ასევე შეუძლიათ დავით და სერგო კლდიაშვილების სახლ-მუზეუმი მოინახულონ, რომელიც სოფელ ზედა სიმონეთში მდებარეობს და იმერული ოდის კარგი ნიმუშია. მუზეუმი მუშაობს ყოველდღე, ორშაბათის გარდა. ქართველი მწერლისა და დრამატურგის, დავით კლდიაშვილისა და მის ვაჟის, მწერლის სერგო კლდიაშვილის სახლ-მუზეუმში დაცულია მამა-შვილის ცხოვრებასა და მოღვაწეობასთან დაკავშირებული მასალები: ავეჯი, ხელნაწერები, სამოსი, ჭურჭელი, სხვადასხვა პერიოდის გამოცემები, ფოტო და ...

სიახლეები

Turebi Ge 870 პოსტი

ყველაზე ხშირად ნახვადი ტურისტული ადგილები საქართველოში

03 ოქტომბერი 2017

2017 წლის სექტემბრის მონაცემებით, საქართველოს 763 729 საერთაშორისო ვიზიტორი ეწვია, რაც 20.9%-ით მეტია წინა წლის ანალოგიურ პერიოდთან შედარებით. ტურისტების რაოდენობა (24 საათი და მეტი) 380 895-ს გაუტოლდა და წინა წლის ანალოგიურ პერიოდთან შედარებით 24.8%-იანი ზრდა დაფიქსირდა.

2017 წლის 9 თვეში მეზობელი ქვეყნების გარდა, საერთაშორისო მოგზაურების რაოდენობის ზრდაში მნიშვნელოვანი წვლილი შეიტანა ირანიდან, საუდის არაბეთიდან, უკრაინიდან, ისრაელიდან, გერმანიიდან და ბელარუსიდან ვიზიტორების რაოდენობის ზრდამ.

საქართველოს ეკონომიკისა და მდგრადი განვითარების სამინისტროს ინფორმაციით, წელს, ყველაზე ხშირად დათვალიერებული ტერიტორიების ხუთეული ასე გამოიყურება: პრომეთეს მღვიმე, მარტვილის კანიონი, ყაზბეგის ეროვნული პარკი, სათაფლია და ოკაცეს კანიონი.

სიის მიხედვით, პირველ ხუთეულს დიდად არ ჩამორჩება ბათუმი, მესტია, კახეთის რეგიონი და თუშეთი.

სიახლეები

Turebi Ge 870 პოსტი

სიღნაღში ფესტივალი "არტგურმანი 2015" გაიმართება

15 სექტემბერი 2015

19 სექტემბერს, სიღნაღში, ქართული პროდუქციის ფესტივალი „არტგურმანი 2015“ გაიმართება. ღონისძიება 12:00-19:00 საათამდე ჩატარდება. პროექტი „არტგურმანი“ გულისხმობს ქართველ მწარმოებელთა პროდუქციის გამოფენა-გაყიდვას სიღნაღში. „არტგურმანი“ დაარსდა როგორც ყოველწლიური ფესტივალი, რომლის მიზანია საზოგადოებას გააცნოს ქართველი მწარმოებლები და ხელი შეუწყოს ქართული პროდუქციის პოპულარიზაციას. გამოფენა აერთიანებს როგორც ქართულ ტრადიციულ პროდუქტს, ისე თანამედროვე ქართული კომპანიების ინოვაციურ ნაწარმს. გამოფენის შთამბეჭდაობას განაპირობებს მონაწილეთა და „ექსპონატთა“ მრავალფეროვნება და სიუხვე: ქართული ღვინის კომპანიები ტრადიციული და თანამედროვე პროდუქციით, ლუდის მწარმოებელი კომპანიები, წვენებისა და დაკონსერვებული პროდუქციის, ყველის, თაფლის, ჩირისა და ჩურჩხელას ფართო ასორტიმენტი. გარდა კომპანიებისა, გამოფენაზე იხილავთ ადგილობრივ მეწარმეთა პროდუქციას. ადგილი დაეთმობა სუვენირებსა და აქსესუარებს. შესაძლებელი იქნება დეგუსტაციაც. კომპანიები მათთვის ...

სიახლეები

Turebi Ge 870 პოსტი

ქუთაისიდან ლონდონში პირდაპირი რეისები შესრულდება

15 თებერვალი 2017

ცენტრალური და აღმოსავლეთ ევროპის უმსხვილესი, დაბალბიუჯეტიანი ავიაკომპანია Wizz Air ქუთაისსა და ლონდონს (ლუტონი) შორის პირდაპირ ავიამიმოსვლას იწყებს.

ეკონომიკისა და მდგრადი განვითარების სამინისტროს შპს "საქართველოს აეროპორტების გაერთიანების" ინფორმაციით, ავიარეისების ოპერირება 18 ივნისიდან დაიწყება, კვირაში ორი სიხშირით, ყოველ ხუთშაბათს და კვირას.

ყველა ავიარეისი სრულდება 180 ადგილიანი "აირბას A320" და 230 ადგილიანი "აირბას A321" ტიპის საჰაერო ხომალდებით. მგზავრებს უკვე შეუძლიათ ავიაბილეთების შეძენა ავიაკომპანიის საიტზე www.wizzair.com მხოლოდ 105.99* ლარი/£ 34.99*-დან. დაბალბიუჯეტური ავიარეისი ხელს შეუწყობს საქართველოსა და დიდ ბრიტანეთს შორის ტურისტული, სავაჭრო და საქმიანი ორმხრივი ურთიერთობების გაღრმავებას და შესანიშნავი არჩევანია როგორც ტურისტული, ასევე ბიზნესმგზავრებისთვის.

სიახლეები

Turebi Ge 870 პოსტი

სამთო კურორტებზე შეიძლება პატრულირება დაიწყოს

15 იანვარი 2016

საქართველოს სამთო კურორტებზე უსაფრთხოების წესების რეგულირების შესაძლებლობებზე იმსჯელეს ეკონომიკისა და მდგრადი განვითარების სამინისტროში შეხვედრაზე, რომელსაც შესაბამისი შინაარსის პეტიციის ავტორი პროფესიონალ მოთხილამურეთა ჯგუფი დაესწრო. შეხვედრის ჩატარების ინიციატივა ეკონომიკისა და მდგრადი განვითარების მინისტრს, ვიცე-პრემიერ დიმიტრი ქუმსიშვილს ეკუთვნოდა. მან მოწვეულ სტუმრებს გააცნო მის უწყებაში მომზადებული საკანონმდებლო ცვლილებების პროექტი, რომელიც მიმართულია საქართველოს სამთო კურორტებზე სათხილამურო ტერიტორიებზე უსაფრთხოების ნორმების დასაწესებლად. მსგავსი კანონმდებლობა საქართველოში ბოლო 30 წლის განმავლობაში არ მიღებულა. შეხვედრამ კონსტრუქციულ ვითარებაში ჩაიარა. შეხვედრის მონაწილეებს გადაეცათ საკანონმდებლო ცვლილებების პაკეტის პროექტი განსახილველად და მისი სრულყოფის მიზნით წინადადებების მოსამზადებლად. აღინიშნა, რომ წინადადებებს პეტიციის ავტორთა ჯგუფი ეკონომიკისა და მდგრადი განვითარების სამინისტროს ერთ კვირაში გადაუგზავნის. წყარო წყარო ...

სიახლეები

Turebi Ge 870 პოსტი

აჭარის ტურისტული სეზონი 28 მაისს სპეციალური ღონისძიებით გაიხსნება

25 მაისი 2016

28 მაისს, აჭარის ტურიზმისა და კურორტების დეპარტამენტი ბულვარში ზაფხულის ტურისტულ სეზონს სპეციალური ღონისძიებით გახსნის. ერთღიანი ღონისძიების ფარგლებში საზაფხულო თეატრის მიმდებარე ტერიტორიასა და ბულვარის ახლად რეაბილიტირებულ ხეივნებში მასშტაბური კონცერტი და გასართობი პროგრამაა დაგეგმილი.ღონისძიება დღის 11 საათზე, ბულვარის ცენტრალურ ფანტანებთან წყლის ფარდის შოუთი გაიხსნება. ღონისძიებას „შუა ქალაქის“ მსახიობები ბაჩო ქაჯაია და ნოდარ გურგენაშვილი წაიყვანენ. დღის განმავლობაში სპეციალური დეკორაციებითა და განათებებით გაფორმებულ ბულვარში ღონისძიების სტუმრებს საშუალება ექნებათ ადგილობრივი ბენდების Nemo, Strawberry Fields, Sound Lab, მოსიარულე დრამერების კონცერტებს დაესწრონ და ზაფხულში დასვენებასთან ასოცირებულ სხვადასხვა აქტივობებში, მასტერკლასებსა და შეჯიბრებებში მიიღონ მონაწილეობა. ღონისძიების მრავალფეროვანი პროგრამა ყველა გემოვნებისა და ასაკის ადამიანის გართობასა და დასვენებაზეა გათვლილი. ღონისძიების ფარგლებში, დაგეგმილია ახალი ტურისტული მარშრუტების პრეზენტაციაც. ბათუმში არსებული სასწავლ ...

სიახლეები

Turebi Ge 870 პოსტი

ბორდოში ქართული ღვინის გამოფენა გაიხსნა

15 სექტემბერი 2017

საფრანგეთში, ქალაქ ბორდოში ღვინის მსოფლიო ცივილიზაციის ცენტრში ოფიციალურად გაიხსნა გამოფენა – „საქართველო – მეღვინეობის აკვანი“. ქართული გამოფენის ფარგლებში, ბორდოს ღვინის ცივილიზაციის ცენტრში წარმოდგენილია უნიკალური არქეოლოგიური და ეთნოგრაფიული ნიმუშები საქართველოს ეროვნული მუზეუმიდან, რომლებიც ადასტურებს, რომ საქართველო უძველესი ღვინის ცივილიზაციის ქვეყანაა .გამოფენა საქართველოს პრემიერ-მინისტრმა გიორგი კვირიკაშვილმა გახსნა. ექსპოზიცია, რომელიც ცენტრში ქართული ღვინის კულტურას წარმოაჩენს და ქართული მეღვინეობის უდიდეს და უწყვეტ 8 000-წლიან ისტორიას ასახავს, საქართველოს ეროვნულმა მუზეუმმა მოამზადა. ქართულ საგამოფენო სივრცეში, 3-თვიანი გამოფენის მანძილზე, მუდმივად ტარდება სხვადასხვა ღონისძიება – სამეცნიერო კონფერენციები, პრეზენტაციები, ღვინის პროფესიული დეგუსტაცია, რომელსაც მსოფლიოში აღიარებული ღვინის ექსპერტები უძღვებიან. მსოფლიო ღვინის დედაქალაქ ბორდოში, რომელიც ყოველწლიურად 6 მილიონზე მე ...

სიახლეები

Turebi Ge 870 პოსტი

პრომეთეს მღვიმეში ბილეთის ფასები გაიზარდა

22 აგვისტო 2017

დღეიდან პრომეთეს მღვიმის ვიზიტორებს ბილეთის გაზრდილი ფასის გადახდა მოუწევთ. ახალი ფასების შესახებ ინფორმაცია ტურისტულ კომპანიებს არ ჰქონიათ და დღეს ადგილზე მისულ ტურისტებს განახლებული ფასები დახვდათ. როგორც პრომეთეს მღვიმის წარმომადგენელმა აღნიშნა, ამის გამო მთელი დღის განმავლობაში განსაკუთრებული მობილიზაციით უწევთ მუშაობა. პრომეთეს მღვიმის ფასები ამიერიდან ასეთია: ქართველებისთვის: მოსწავლეები და სტუდენტები - 5 ლარი ზრდასრულები - 10 ლარი ნავით გასეირნება - 10 ლარი უცხოელებისთვის: ბავშვები და სტუდენტები - 5 ლარი ზრდასრულები - 20 ლარი ნავით გასეირნება ბავშვებისთვის - 10 ლარი უფროსებისთვის - 15 ლარი ამ დრომდე, მღვიმეში შესვლის ღირებულება 7 ლარი (მოსწავლეები და სტუდენტები - 3.5 ლარი), ნავით გასეირნება კი 10 ლარი ღირდა. ახალი ტარიფების შესახებ ინფორმაცია წინასწარ არც დაცული ტერიტორიების ვებ-გვერდზე ყოფილა გამოქვეყნებული. რაც შეეხება, ფასის გაზრდის მიზეზს, პრომეთეს მღვიმის ადმინისტრაციაში ამის შესახებ ინფორმაცია არ აქვთ. მათი თქმით, ასეთი გადაწყ ...

სიახლეები

გამოკითხვა