თბილისიდან ბუდაპეშტის მიმართულებით პირდაპირი ავიარეისები შესრულდება

თერჯოლის რაიონი ტურისტულ სეზონს განახლებული ლოკაციებით და ინფრასტრუქტურით ხვდება. ყველაზე მნიშვნელოვანი სიახლე რაიონისთვის ნავენახევის მღვიმის განახლებაა. მღვიმე ოფიციალურად 14 მაისს გაიხსნება. რაიონის ტერიტორიაზე ტურისტებს რამდენიმე საოჯახო მარანიც უმასპინძლებს. ერთ-ერთი მათგანი, "ნიკოლაძეების მარანი" სწორედ ნავენახევისკენ მიმავალ გზაზე, სოფელ ნახშირღელეში, ავტობანიდან 1 კილომეტრში მდებარეობს. მარანში ტურისტებს ქვევრის ღვინოების - ციცქას, ცოლიკოურის, ალადასტურის და ძელშავის დეგუსტაცია შეეძლებათ. მიმდებარე ტერიტორიაზე ტურისტებს ასევე შეუძლიათ დავით და სერგო კლდიაშვილების სახლ-მუზეუმი მოინახულონ, რომელიც სოფელ ზედა სიმონეთში მდებარეობს და იმერული ოდის კარგი ნიმუშია. მუზეუმი მუშაობს ყოველდღე, ორშაბათის გარდა. ქართველი მწერლისა და დრამატურგის, დავით კლდიაშვილისა და მის ვაჟის, მწერლის სერგო კლდიაშვილის სახლ-მუზეუმში დაცულია მამა-შვილის ცხოვრებასა და მოღვაწეობასთან დაკავშირებული მასალები: ავეჯი, ხელნაწერები, სამოსი, ჭურჭელი, სხვადასხვა პერიოდის გამოცემები, ფოტო და ...

ახალციხეში, რაბათის ტერიტორიაზე 10, 11 და 12 ივნისს ხალიჩების საერთაშორისო ფესტივალი  გაიმართება. წელს, ფესტივალი საქართველოს ხალხური და გამოყენებითი ხელოვნების მუზეუმისა და აბრეშუმის სახელმწიფო მუზეუმის ორგანიზებით, პროექტის „Check In Georgia” ფარგლებში იმართება. ხალიჩების საერთაშორისო ფესტივალზე ადგილობრივი და მოწვეული ხალხური ოსტატები და სახელოსნოები რაბათის ქვედა ციხის ტერიტორიაზე თანამედროვე ხალიჩურ ნაწარმს წარმოადგენენ. ჩატარდება მატყლის დამუშავების, დართვის და ნართის ღებვის დემონსტრაცია. ხალიჩების გალერეები მოაწყობენ გამოფენა-გაყიდვას. იმუშავებს 20-მდე პავილიონი, სადაც გამოფენილი იქნება მრავალფეროვანი ხალიჩური ნაწარმი სხვადასხვა ქვეყნიდან. საინფორმაციო პავილიონში დამთვალიერებლებს შესაძლებლობა ექნებათ მიიღონ ამომწურავი ინფორმაცია ხალიჩურ ნაწარმზე, გაესაუბრონ ექსპერტებს, ნახონ დოკუმენტური ფილმები და დაათვალიერონ ლიტერატურა სხვადასხვა ხალიჩურ ნაწარმზე; გადაიღონ ოჯახური პორტრეტები ხალიჩის ფონზე და ა.შ. ფესტივალის მონაწილე მუზეუმები, სამი დღის განმავლობაში, ყოველ დღე ჩაატარებენ ...

საქართველოს პრემიერ მინისტრის განცხადებით, ევროკავშირის ხუთ ქვეყანაში: გერმანია, ლატვია, ლიეტუვა, ესტონეთი, საფრანგეთი - ავიამიმოსვლა ყველანაირი აკრძალვის გარეშე ხორციელდება. აღნიშნული ქვეყნებიდან ჩამოსული ვიზიტორები პირდაპირი საჰაერო მიმოსვლით სარგებლობენ. საქართველოში შემოსული ტურისტები სპეციალურ ანკეტას ავსებენ, რომელშიც თითოეული დეტალია აღნიშნული, მგზავრი ვალდებულია წარადგინოს, საქართველოში ვიზიტამდე ბოლო 14 დღის განმავლობაში მოგზაურობვის ისტორია, მან უნდა მიუთითოს გარკვევით, თუ რა ადგილის მონახულებას აპირებს, საცხოვრებელი ადგილი, სად დარჩება ვიზიტის დროს და ასევე საკონტაქტო ინფორმაცია. სავალდებულოა საზღვარზე თერმოსკრინინგის გავლა, თუ მგზავრს დაუფიქსირდა 37 გრადუსზე მაღალი ტემპერატურა, მას ჩაუტარდება PCR ტესტი და იქნება სპეციალური სამსახურის მეთვალყურეობის ქვეშ. გარდა ამისა იმ ქვეყნების მოქალაქეებს, რომლებმაც საქართველო მწვანე სიაში შეიყვანეს - შეუძლიათ საქართველოში შემოსვლა 14 დღიანი სავალდებულო კარანტინის გავლის პირობით, რომლის ხარჯებსაც თავა ...

საქართველოს დედაქალაქი „ევროპის საუკეთესო მიმართულებები 2020“-ის ნომინანტებში მოხვდა. საერთაშორისო კონკურსისთვის რამდენიმე ფოტოგრაფის გადაღებული ფოტოები შეარჩიეს და ხმის მიცემაც დაიწყო. EBD (European Best Destinations) ვებ-საიტზე პროექტი ევროპაში კულტურისა და ტურიზმის განვითარების მიზნით შეიქმნა, და აქ მილიონობით ადამიანს შეუძლია ხმა მისცეს ბოლო ათწლეულის საუკეთესო მიმართულებას.  თბილისი შეერკინება ისეთ ცნობილ მიმართულებებს , როგორიცაა პარიზი, ბერლინი, ლონდონი, ვენა, ათენი, რომი, ამსტერდამი, პრაღა, ბრიუსელი, კრაკოვი, პარიზი და ევროპის სხვა ღირშესანიშნავი ქალაქები. ხმის მიცემა დაწყებულია და გაგრძელდება 5 თებერვალმდე.    სოც. ქსელებში, თბილისის მხარდასაჭერად, უკვე გამოიყენება ჰაშთაგი #votefortbilisi.   ...

ბათუმის საერთაშორისო აეროპორტი 2017 წლის ზაფხულის სეზონიდან ფრენების ახალ მიმართულებას და ახალ განრიგს გთავაზობთ. მაისიდან ბათუმი–მოსკოვის მიმართულებით, კვირაში 3 ფრენა შესრულდება. ფრენებს  Nordstar Airlines ორშაბათს, ოთხშაბათსა და პარასკევს შეასრულებს. 3 ივნისიდან რეგულარული რეისები განხორციელდება, კიევის, ჩერეპოვეცისა და სანქტ პეტერბურგის მიმართულებითაც. კიევის მიმართულებით, ავიაკომპანია  Anda Air ოთხშაბათსა და შაბათს იფრენს. ჩერეპოვეცის მიმართულებით რეისს Severstal Airlines მხოლოდ კვირაში ერთხელ – შაბათს განახორციელებს, ხოლო სანქ პეტერბურგის მიმართულებით, ყოველ შაბათს, კომპანია Nordavia Airlines–ის თვითმფრინავი იფრენს. კიდევ ორი მიმათულება დაემატება ბათუმის საერთაშორისო აეროპოტრს  21–22 ივნისს –ზაპოროჟიეს და დუბაის მიმართულებით. ზაპოროჟიეს რეისები Ukraine Int. Airlines–ის მიერ ოთხშაბათსა და პარასკევს შესრულდება, ხოლო დუბაის მიმართულებით მგზავრებს Flydubai კვირაში სამჯერ –& ...

25-26 ივნისს, დაცული ტერიტორიების სააგენტოს ორგანიზებით, თუშეთის ეროვნულ პარკში ტურისტული სეზონის გახსნისადმი მიძღვნილი ფესტივალი „მზე მოე“ გაიმართება. ფესტივალი ვიზიტორებს შესაძლებლობას მისცემს ეზიარონ ადგილობრივ ხელოვნებას და მონაწილეობა მიიღონ ტრადიციულ სპორტულ თამაშებსა და ღონისძიებებში - შეიძინონ ადგილობრივი ხელსაქმის ნიმუშები, დააგემოვნონ ტრადიციული სამზარეულო, გაეცნონ ადგილობრივ ფოლკლურულ ხელოვნებას. ტრადიციული თამაშებისა და სამზარეულოს ფესტივალში თუშეთის 50-მდე სოფლის მოსახლეობა იქნება ჩართული. ფესტივალის პროგრამა: დღე I 13:00-13:30 ფესტივალის გახსნა 13:30-14:00 თუშეთის და თუში ხალხის ცხოვრების მოკლე ისტორიული მიმოხილვა 14:00-15:00 ფოლკლორული კონცერტი - ლელა თათარაიძე და ჯგუფი "კესანე" 15:00-17:00 ტრადიციული თამაშები და შეჯიბრებები - ხრიდოლი 17:00-17:30 გამარჯვებულების დაჯილდოვება 17:00-20:00 გამოფენა-გაყიდვა, ტრადიციული სამზარეულოს დაგემოვნება, დოღი, ცხვრის პარსვა 20:00 კონცერტი - ჯგუფი ბანი დღე II ფესტივალის მეორე დღეს თუშეთის ეროვნულ პარკში მოეწყობა სალაშქ ...

#გაიცანინომინანტი2019_WTG   ნომინაცია - THE BEST VALUE – დაბალბიუჯეტიანი სასტუმრო   ნომინანტი M42 Hostel რუსთაველის მეტროსადგურიდან 10 წუთის სავალზე. მდებარეობს გორაკზე. მხოლოდ გამოცდილი ფეხით მოსიარულეებისთვის.     ნომინანტი სასტუმრო `თბილისი ცენტრალი` მდებარეობს თბილისის ცენტრში, სავაჭრო ცენტრ თბილისი ცენტრალის V და VI სართულებზე. სასტუმრო არის, ახალგარემონტებული, მყუდრო, თანამედროვე დიზაინის ოთახებით, სამების ეკლესიისა და მთაწმინდის ღამის ულამაზესი ხედებით     ნომინანტი სასტუმრო Juta House სახლი ჯუთაში მდებარეობს ჯუთაში — სოფელი ყაზბეგის მუნიციპალიტეტში (სნოს თემი), მდებარეობს ხევის კავკასიონის მთავარი ქედის სამხრეთ კალთაზე, მდინარე სნოსწყლის (თერგის მარჯვენა შენაკადი) ხეობაში. ზღვის დონიდან 2200 მეტრი, სტეფანწმინდიდან 20 კილომეტრი.     ნომინანტი Hostel Pushkin 10 რომელიც, მდებარეობს თბილისის ცენტრში და რაც მთავარია სასტუმროში შექმნილია ოჯახური, მეგობრული და მყუდრო გარემ ...

საქართველოსა და თურქეთს შორის საზღვრის გადაკვეთის რეგულაციაში ცვლილებები შევიდა. ცვლილებების თანახმად, 2018 წლის პირველი იანვრიდან თურქეთის საზღვრის გადაკვეთა და ტერიტორიაზე, მცირე დროით დარჩენაც კი, ერთ კალენდარულ დღედ ჩაითვლება. საქართველოს მოქალაქეებს თურქეთში 180-დღიანი პერიოდის განმავლობაში თურქეთში 90 დღით დარჩენის უფლება აქვთ. 90 დღის გასვლის შემდეგ კი, მათ ბინადრობის უფლების მიღება მოუწევთ. "თურქეთის „უცხოელებისა და საერთაშორისო დაცვის შესახებ„ N:6458 კანონის 11 მუხლის თანახმად „ვიზით ან უვიზო რეჟიმით უზრუნველყოფილი თურქეთში ყოფნის ვადა არ უნდა აღემატებოდეს 90 დღეს 180 დღის განმავლობაში„ 19 მუხლის თანახმად კი „თურქეთში ვიზით ან უვიზოდ ნებადართულ ვადაზე ან 90 დღეზე მეტი ხნით ყოფნის საჭიროების მქონე უცხო ქვეყნის მოქალაქეებისათვის ბინადრობის ნებართვის აღება სავალდებულოა„. ერთი დღის განმავლობაში განხორციელებული შესვლა-გამოსვლის ბაზაში არ დაფიქსირება, უცხო ქვეყნის მოქალაქეების მიერ, რომლებიც ...

ტურიზმის სფეროში კარიერის დასაგეგმად სტუდენტებისთვის 27 თებერვალს გამოფენა მოეწყობა. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით გამოფენების ცენტრ „ExpoGeorgia”-ს №3 პავილიონში კარიერის დაგეგვმის ღონისძიება გაიმართება. გამოფენის მიზანია სტუდენტების ინფორმირება და ტურიზმის ინდუსტრიის უკეთ გაცნობა. გამოფენაზე წარმოდგენილი იქნება საქართველოს ტურიზმის ეროვნული ადმინისტრაციის საკონვენციო და საგამოფენო ბიუროს წევრი 25-ზე მეტი ორგანიზაცია. გამოფენის დროს სტუდენტებს საშუალება ექნებათ წამყვანი სასტუმროებისა და ტურისტული კომპანიების წარმომადგენლებს გაესაუბრონ, გაეცნონ მათ საქმიანობას, დაგეგმონ კარიერა და გაიგონ თუ რა უნარ-ჩვევები და გამოცდილება არის დამსაქმებლისთვის პრიორიტეტული ტურიზმის სფეროში.  ღონისძიებაზე დასწრება თავისუფალია. ღონისძიება 27 თებერვალს 10-დან 19 საათამდე გაიმართება. ...