30 January 2017
  • 6388 ნახვა

5 საუკეთესო ადგილი მარტო მოგზაურობის მსურველი ქალებისთვის

"ჭამე, ილოცე, შეიყვარე" - ეს ერთ-ერთია იმ ფილმებიდან, რომელიც არაერთი ქალისთვის შთაგონება გამხდარა. თუ თქვენც ასეთი ქალების რიცხვში ხართ, ან უბრალოდ ყოველდღიური რუტინის შეცვლა გადაწყვიტეთ, მარტო მოგზაურობა ერთ-ერთი საუკეთესო არჩევანია. ბოლოს და ბოლოს, ყველა ქალმა უნდა იმოგზაუროს მარტო ცხოვრებაში ერთხელ მაინც. ეს ხომ საკუთარი თავის პოვნის, გამოცდის და თავგადასავლების სასიამოვნო და საინტერესო გზაა. ჟურნალი Vogue მარტო მოგზაურობის მსურველ ქალებს 2017 წლისთვის 5 საუკეთესო მიმართულებას ურჩევს:

ტაილანდი

ჯერ კიდევ 2 წლის წინ ტურისტები თავს იკავებდნენ ტაილანდში მოგზაურობისაგან სამხედრო მოქმედებების გამო. თუმცა ბოლო პერიოდში ასეთი საფრთხეები თითქმის აღარ არსებობს. გასული წლის ოქტომბერში მონარქი გარდაიცვალა და ქვეყანაში დაახლოებით ერთწლიანი გლოვაა. თუმცა 2017 წლის მეორე ნახევარი მაინც კარგი დროა ტაილანდში სამოგზაუროდ. ტაილანდში ჩვეულებრივი მოვლენაა მარტოხელა მოგზაურები, პილიგრიმები, მაძიებლები...ტაილანდში პირველად ჩასულმა სტუმარმა აუცილებლად უნდა ნახოს ბანგკოკი და დაათვალიეროს მისი ტაძრები და ისტორიული ღირსშესანიშნაობები, რეკომენდირებულია ასევე ქალაქების Chiang Mai და Chiang Rai-ს და მისი შემოგარენის ნახვა.

კანადა

კანადა და კანადელები მეგობრულად ხვდებიან "მარტოხელა" მოგზაურებს. აქ კომფორტს ენობრივი ბარიერის არარსებობაც ქმნის.

2017 წელს ქვეყანაში რამდენიმე მნიშვნელოვანი მოვლენა აღინიშნება, რის გამოც ღირს, რომ არჩევანი კანადაზე შეაჩეროთ. ბრიტანეთის დომინიონის სტატუსის მიღებიდან 150 წლისთავთან დაკავშირებით, კანადაში დაგეგმილია, რომ ამ წელს ეროვნულ პარკებში შესვლა უფასო იქნება. 

2017 წელი საიუბილეო ქალაქ მონრეალისთვისაც. ქალაქის 375 წლის იუბილესთან დაკავშირებით მონრეალში არაერთი გამოფენა და კულტურული ღონისძიებაა დაგეგმილი.

სამხრეთ კორეა

სამხრეთ კორეა დღითიდღე ცდილობს ტურისტებისთვის მიმზიდველი ქვეყანა გახდეს. ტურისტებისთვის აქ მთავარი ბარიერია ენობრივი სხვაობაა. ამიტომ უმჯობესია, რომ ტურისტულად დატვირთულ ადგილებში იმოძრაოთ. სამხრეთ კორეაში სტუმრობისთის კარგი დროა ლოტოსის ფესტივალის პერიოდი. ფესტივალი ტრადიციულად ბუდას დაბადების დღეზე იმართება (წელს აპრილის ბოლოს). მთელი მსოფლიოდან ტურისტების სეულის ქუჩებშ იკრიბებიან და ათასობით ანთებულ ფარანს უშვებენ ცაში. სოლო მოგზაურებს შეუძლიათ თავისი მოგზაურობა ალუბლის ყვავილობასაც დაამთხვიონ და ულამაზესი სანახაობით ისიამოვნონ.

კოლუმბია

წარსულში არცთუ კარგი რეპუტაციის მიუხედავად, კოლუმბია სწრაფად გახდა ერთ-ერთი მიმზიდველი ადგილი თავგადასავლების მაძიებელი სოლო მოგზაურებისთვის. ანდები, ყავის პლანტაციები, კოლონიური საპორტო ქალაქები -  არჩევანი მრავალფეროვანია. კოლუმბია გამორჩეულია ფესტივალების მრავალფეროვნებითაც: მედელინის ყვავილების ფესტივალი, ე.წ "შავების და თეთრები" ფესტივალი, რომელიც შესულია იუნესკოს არამატერიალური კულტურული მემკვიდრეობის სიაში, ბარანკუილას მუსიკისა და ცეკვის კარნავალი... კარგი საჭმელი, დასალევი და ცეკვა - ეს კოლუმბიური ფესტივალების განუყოფელი ნაწილია.

საფრანგეთი

ბოლო პერიოდში მომხდარმა ტერორისტულმა შემთხვევებმა საფრანგეთს ტურისტების 30% დააკარგვინა. ეს კი კარგი შანსია იმისთვის, რომ ქვეყანა მშვიდად, რიგებში ნაკლები დროის გატარებით დაათვალიეროთ. სინათლის ქალაქ პარიზში თავს მაროსულად არასდროს იგრძნობთ, ამისთვის დრო უბრალოდ არ დაგრჩებათ, რადგან თქვენ უამრავი მუზეუმი გელოდებათ. თუ პარიზში ხეტიალი მოგწყინდებათ, შეგიძლიათ ნიცას სანაპიროზე მიიღოთ მზის აბაზანები. მუზეუმების მრავალფეროვან არჩევანს ნიცაც გთავაზობთ.

 

მსგავსი
08 April 2016

10 სამუშაო ადგილი, რომელიც მოგზაურობის საშუალებას მოგცემთ

გსურთ რომ მუშაობა და მოგზაურობა ერთმანეთს შეუთავსოთ? არსებობს სამსახურები, რომლებიც ამის საშუალებას გაძლევთ. 1. ავიაკომპანიის...

25 March 2016

10 უჩვეულო მიმართულება, სადაც ტერორიზმის საფრთხე დაბალია

ბოლო მონაცემების მიხედვით ტერორიზმის მაღალი საფრთხით ევროპის 30-ზე მეტი ქვეყანა შეფასდა. ასეთი საფრთხე, ბუნებრივია ტურისტებს აშინე...

16 March 2016

როგორ დავბრუნდეთ დაუვიწყარი შთაბეჭდილებებით ყველა მოგზაურობიდან

 წასვლამდე ჩაატარეთ პატარა კვლევა ...

09 March 2016

შვებულება და მოგზაურობა სტრესის გარეშე - 5 რჩევა

1. გაარკვიეთ, რა იწევს სტრესს ეს ძალიან მარტივია - თქვენ დასასვენებლად წელიწადში ერთხელ მიდიხართ. თქვენ გინდათ, რომ ყველ...

10 February 2016

20 საუკეთესო ფილმი მოგზაურობაზე

არაფერი არ აღძრავს მოგზაურობის სურვილს იმაზე მეტად, ვიდრე ფილმები მოგზაურობის და თავგადასავლების შესახებ. ისინი გვმუხტავენ მოტივაც...

23 December 2015

როგორ არ უნდა მოიქცეთ უვიზო მიმოსვლის ამოქმედებისას

საქართველოსთვის ვიზალიბერალიზიციის პროცესში მიღწეული წარმატება ის იშვიათი შემთხვევაა, რომელმაც თითქმის მთელი საქართველო თანაბრად გ...

18 December 2015

როგორ იმოგზაურებთ ევროპაში უვიზოდ ტურისტული მიზნით

ევროკომისიამ საქართველოს მიერ ვიზალიბერალიზაციის სამოქმედო გეგმის (VLAP) შესრულებასთან დაკავშირებით დადებითი ანგარიში გამოაქვეყნა,...

09 December 2015

სად შევხვდეთ ახალ წელს - 10 საუკეთესო ადგილი

ახალი წელი წელიწადში ერთხელ აღინიშნება, ამიტომაც ეს დღესასწაული განსაკუთრებით დასამახსოვრებელი უნდა იყოს. გართობა, ფეიერვერკები და...

08 December 2015

როგორ უნდა დაზოგოთ ფული სამოგზაუროდ

თვითმფრინავით, მატარებლით, გემით, ავტომობილით, ველოსიპედით - არ აქვს მნიშვნელობა რომელი ტრანსპორტით, მოგზაურობა ყველას უყვარს. თუმ...

26 November 2015

10 საუკეთესო ფილმი, რომელიც მოგზაურობას შთაგაგონებთ

ზოგჯერ ამა თუ იმ ქვეყანაში ან ქალაქში მოგზაურობის სურვილის გასაღვიძებლად იქ გადაღებული ფილმიც საკმარისი აღმოჩნდება ხოლმე. წარმოგიდ...