55
გასეირნება ამსტერდამში
21 ივლისი 2017
წინა პოსტში აღვნიშნე, რომ უცხოეთში წასვლისას ერთი ქალაქით არ უნდა დაკმაყოფილდე და რაც შეიძლება ბევრი ადგილი ნახო, მაგრამ მე, რა თქმა უნდა, არა რამდენიმე ქალაქით, არამედ ქვეყნითაც ვერ დავკმაყოფილდი და გერმანიიდან ჰოლანდიაში გადავწყვიტე წასვლა. (ჰოლანდიაში წასვლა გერმანიაში ჩასვლამდე მქონდა გადაწყვეტილი.) როგორც იცით, შენგენის ზონაში ქვეყნიდან ქვეყანაში გადასვლა არანაირ სირთულეს არ წარმოადგენს, ამიტომ რატომ არ უნდა გამომეყენებინა ეს შანსი. სანამ უშუალოდ ჩემი თვალით დანახულ ამსტერდამზე მოგიყვებით, მინდა გითხრათ, თუ როგორ შეგიძლიათ მარტივად მოხვდეთ გერმანიიდან მასტერდამში. პირველ რიგში, აღსანიშნავია, რომ კიოლნი, სადაც მე ვცხოვრობდი ჰოლანდიის საზღვართან არ არის შორს, ავტობუსით 3 საათის სავალია, ამიტომ განსაკუთრებით გერმანიის ამ მხარეში უამრავი ტურისტული კომპანიაა, რომელიც ტურებს აწყობს ამსტერდამის მიმართულებით, მაგრამ იცოდეთ, რომ ყველაზე ოპტიმალური ვარიანტია რუსული ტურისტული კომპანიით ტურში წასვლა, ავტობუსით მგზავრობა წასვლა და წამოსვლა ერთი ადამიანის ღირებულება 19 ევროა, რაც, და
...
მსოფლიო
22829
გაზიარება
კაინდის, ყაზახეთის ამ არც ისე პატარა ტბის შექმნას საკმაოდ მოზრდილი ტყე შეეწირა. ტბა ყაზახეთის და ყირგიზეთის საზღვართან მდებარეობს და 1910 წლის მიწისძვრის შედეგად შეიქმნა, როცა ხეობაში მოვარდნილმა წყალმა ხეობა ჩახერგა, ტყე დატბორა და შედეგად ეს ტბა წარმოიქმნა.
ყაზახური ენიდან თარგმანში "კაინდი" "არყის ხეებით მდიდარს" ნიშნავს. ტბამ სახელი არყის ხეების კორომის გამო მიიღო, რომელიც ტბიდან 5 კილომეტრის დაშორებით მდებარეობს. 1910 წლიდან მოყოლებული ტბა ნელ-ნელა პატარავდებოდა და 1980 წელს სასოფლო-სამეურნეო საქმიანობაში გამოყენების გამო კიდევ უფრო შემცირდა, რის შემდეგაც მის გადასარჩენად ზომები მიიღეს. 2007 წელს ყაზახეთში ნაციონალური პარკი შეიქმნა და ტბაც პარკის ტერიტორიაზე მოყვა.
ზაფხულში აქ ჰაერის საშუალო ტემპერატურა +23 გრადუსია, ხოლო წყლის +6. ზღვის დონიდან 2000 მეტრზე მდებარეობს და მთლიანად წიწვოვან ტყეშია ჩაფლული. ტბის სიგრძე დაალოებით 400 მეტრია, ხოლო სიღრმე 30 მეტრამდე აღწევს. ტბის ნაპირები დამრეცი და კლდოვანია. აქ შეგიძლიათ დაკავდეთ დაივინგით, წყალქვეშა გადაღებებით. იმისათვის, რომ ჩაყვინთოთ, გამოცდილი გიდი და სერტიფიკატი აუცილებელია, თუმცა უამრავი ტურისტი არღვევს ამ წესებს, მოდის საკუთარი აღჭურვილობით დაინსტრუქტორის გარეშე იწყებს თავგადასავლების ძიებას. მათ, ვინც გამბედავია, წყლის სიღრმეში ნამდვილი ჯუნგლები ელოდება.
წყალი ხშირად იცვლის შეფერილობას და ზოგჯერ ძალიან ლამაზი ლაჟვარდისფერი ხდება. შეფერილობების ცვლილება გარშემომყოფ კლდეებში და ნიადაგში არსებულ მინერალებთანაა დაკავშირებული. ტბის ქვედა ნაწილში წყალი შედარებით მღვრიეა, ხოლო ზედა ნაწილში კრისტალურად სუფთა. წყალი იმდენად გამჭვირვალეა, რომ აქ მოცურავე თევზების დანახვაც შეიძლება, რომლებიც ტბაში 1930 წელს გაუშვეს. 
ტბის ფსკერზე ასწლოვანი ნაძვები ჩაიძირა და დღესაც შეგვიძლია ტბის ზედაპირზე ამოწვერილი ხეების გამხმარი ზროების ნახვა. ტბის ნაპირებთან კი უამრავი მორია გამორიყული, რომელთა გადაღებაც ძალიან უყვართ ტურისტებს. ფოტომოყვარულტათვის აქ ნამდვილი სამოთხეა.
